四歲校園欺凌(上)


四歲,一切都改變。

四歲,女仔不跟男仔玩。四歲,有心事。四歲,有冤家!

冇王管兼褓姆聽不懂英文的校車上,四歲C一向跟四歲E和四歲O有兩句,或,有兩句口角。

妳是baby呀,你不該叫我的朋友做baby呀,妳有poo poo呀,甚麼甚麼等等等等。下校車時,卻總仍是開開心心拜拜啊再見啊。

只是,只是暑假過後,四歲十個月大小C有天表示:我不要再上學!小E要掉我入垃圾桶,小O要在生日會上撕掉我所有生日卡!

「哎唷,妳一定很不開心了……妳記得媽媽教妳甚麼?有否叫停他們?」

有啊,但,四歲生番,如何能叫得停?

說baby呀poo poo呀Easter Bunny呀撩頭髮胡鬧是一件事,可以讓孩子嘗試面對嘗試解決;但言語暴力卻是非停不可,四歲的case,更必須成年人介入。

好了,在嘩鬼學校,要對付兩個小惡霸,我基本上有兩個選擇:

選擇A.  向家長好聲好氣傾兩句告狀

金毛小E在家裡排第三,半年前更添了一個老四,在家裡之(無)地位可想而知。

我跟E媽不熟,現嘗試猜一猜,我們於告狀後的下場:

下場1:對方從善如流,將惡霸好好調教一番。

好了,如果E媽深明大義,平日有時間有心機,對小E行為,哪有不知?我再加把口,她卻照舊教法,作用不大。

反之,如果平日沒時間沒心機教仔,就算今天忽然補踢一課,之後案件欠缺跟進,故態還是要復萌。況且四歲惡罷無非要引人注意,倘若缺乏持續的愛,仍然不能根治問題,學習顧及別人感受。

下場2:對方認為我小題大做,闊佬懶理。

下場3:對方老羞成怒,唱衰我,唱衰小C,從此大家面左左,從此小C和我大受歡迎,欺凌甚或升級。

……

OK,都沒有好下場。

選擇B.  向老師好聲好氣傾兩句告狀

班主人今年新來,底蘊不知,口碑無從問起。

四歲孩子隨口噏幾句,家長妳就跳過家長去找老師,老師要怎樣想妳?老師從此又會如何對待貴 子弟?

那,就要看老師是否做大事的人了。

「爹爹,妳個女放學時在校車遭人多次bully喎。」

「豈有此理!太過份了!激死我了!唔得,一定要做點事!!」對,當然又是我。誰叫爹爹連老師的臉都未見過?爹爹叫囂過後,又繼續安心看電視。你實在太看得起我了。

好了,既然橫又死掂又死,為娘決定兵行險着,打斜行!

「小C,妳要不要寫信給小E和小O?」

IMG_3845 no names

既然惡霸可以隨心說傷人的話,小朋友用不卑不亢的話動之以情說之以理,再合理不過。最重要是,我要小朋友知道,不平,則發聲!

關鍵來了:「小C妳記着,這兩封信,要親手交到老師手上,說是給小E和小O的。」

小朋友有任務,居然覺得好玩起來,還要添上love from一句好不親熱。

好了,信,是由手無寸鐵的受害人發的,一來經過老師的手,二來無需經過老師的口卻傳到家長的手,三來,嘿,多手多口小惡霸會知道,小女不好惹!

一石n鳥並幾乎借刀殺人,爹爹聽了連呼過癮,說要應用到辦公室裡云云。

這麼多生字的信,老師自然明白來者為何,至於她老人家如何處理我這個鬼祟小人,將預告我們會有怎麼樣的一個新學年。

不過眼前最重要的是:信,能夠順利送到老師手裡嗎?

我們這天遲到,不打緊,我本來也準備在放學時再來,大方跟老師補兩句。我拖着細佬跟小C飛到班房門口,說過再見便在窗外偷呀偷呀望。

好,小C將信拿了出來,check。

小C走到老師跟前遞信,check。

老師沒有把信發還將小朋友打發掉--這是關鍵,check。

小C好像跟老師說了只0.44秒的話……OK,疑點利益歸被告,都check。

我再偷呀偷呀望,見老師拿着信,大聲讀了一句Dear小E,然後,吓,放了進檯頭的雜物架上!!!!!?

下回分解)

__________

參考:Bullying in Kindergarten:細路都「有能力」欺凌?

31 則迴響

Filed under 同學, 學校,

31 responses to “四歲校園欺凌(上)

  1. oh oh oh….wat’s gonna happen?
    i’m dying to know coz some day i might be the mom of the little bully!
    i should know wat will happen to E and O….wat will the teacher do?

  2. atm mama

    點解我有一絲感覺, 老師會當睇唔到呢?

    阿四, 煩請速速post上下回.

    謝!

  3. 阿媽要處理的, 又何只poopooweewee, 吃喝玩樂…

    我最近也有不知如何處理之事: 女兒新學年來了新老師, 新人事新作風, 上學第3日, 竟然送我女兒填色紙一大張. 這是過去2年從沒有之事…

    a. 我想告狀到校長處, 問問填色紙之教學用途 (因新學年我還不認識新老師, 女兒返全日班, 放學不是新老師送出校門, 所以也沒什機會見到, 反而校長常走出校門和家長吹水 @@)
    b. 我想息事寧人, 因怕小女被…針對? 但心又有不甘…

    還在思量怎做好…

    • 唉,小c填左色成年啦,當初真係嘔血,我不認為班主任會明白我的concern,於是去問art teacher,佢話,填色冇話好壞云云。

      你聽了可能會對我好失望,而事實是,在大學校裡,過去一年我有太多其他事煩,所以唯有choose my battle,繼續填色。

  4. 我家小鬼於學校被女同學強吻面珠;爸爸晚上回來時火氣大到呢,光天化日之下兒子被性騷擾云云,發完一大輪爛渣,唉,咪又係叫我去解決囉。

    小朋友的舉動大多是想引人注意,並非存心使壞者便由為娘教小鬼如何自己解決。

  5. Interesting choice. Can’t wait for the update…

  6. yauyau

    hurry hurry! update! I want to know….

  7. Vic

    Yes!!! Looking forward to episode 2!!

  8. 過路人

    不如教小C唔好小器嬲人仲好啦,
    “原諒"別人, 簡單得多.
    而且一生受用.

    • Vic

      過路人:即使唔嬲,都唔可以任由小E 同小O 用語言暴力,小C 聽得多呢啲野都唔好啦,耳濡目染學埋點算

      • 納奧美

        了解/接受/表達自己的感覺, 跟 “嬲人"無關, 與 “原諒" 人亦沒有抵觸.

        為了下一代身心靈健康著想 (即是為了未來大半個世紀整體公界共衞生和社會和諧著想), 拜託各位大人以身作則, 不要否定自己的情緒和感覺, 更不要教孩子這樣做.

        看! 這些純真的孩子: 我不開心, 不代表 “嬲左你, 唔原諒你"; 我對你不滿, 不代表要跟你反目.

        就是因為你係我 “DEAR" ,"we are friends", 我才bother to tell you how I feel and what I want, 仲要係with love添呀, 陰公!

        真係 “教" 了我們大人好好的一課呢!

      • Vic & 納奧美:我冇補充!
        係呀,我不開心, 不代表唔原諒你”; 我對你不滿, 不代表要跟你反目.

  9. 小朋友的問題,幾時要阿媽介入,如何介入,從來都係令阿媽煩惱的事。
    阿四, 真係好"釣引"….請快D出下文, 唔係我驚我瞓唔著!

  10. Dra

    然後,吓,放了進檯頭的雜物架上!!!!!?

  11. mmr

    may i make a guess about what happened?

    i guess the teacher asked E to come out and asked why E was trying to put C into rubbish bin
    (that means E’s parents may not even be able to see the letter written by C, and the teacher actually made the situation worse by “announcing" that sby is trying to put C into rubbish bin….)

  12. 快快 post 埋下集啦!
    我都好想知這問題怎樣處理。
    雖然我自己應該用唔著,因為小囡一來夠哂惡,有咩唔高興係馬上反擊「No, I don’t like it!」,即場將事件鬧大;二來佢其實唔係咁 sensitive,好多時比人鬧左佢都唔知。
    有時佢遇上類似既問題,我會叫佢自己解決,亦會解釋比佢聽「lee 個世界會有好多人鍾意你,亦都會有人唔鍾意你,未必所有人都能夠同你做好朋友,佢唔想同你玩就隨得人囉。不過你要同你的好朋友相親相愛架。」我都唔知四歲人明得幾多,不過我照講。

    • 其實我晤同你玩呀、你晤可以去我個生日會呀呢D,我會教佢暫時同第個小朋友玩。但掉人落垃圾桶是暴力,性質好晤同,我認為成年人必需介入。

  13. AuntieJo

    Mama4:

    1. 如果D大舊衰同我咁講, 要塞我入垃圾桶, 我會:

    “Hahahaha~ sounds fun for you to do that. we’re friends. let’s take turn doing it"
    (當然前題係叫自己一定唔好咁做, 但係頭幾吓笑一定要笑得真心, 真係真心咁笑佢 – “你咪駛旨意呀你")

    2. 如果另外一個聲大夾惡或含住醋咁話要rip all my bd cards, 我會講:

    “Why are you doing that?"

    如果佢有羞愧心, 可能答唔到你, 一係收聲, 一係行開, 又或者 – 再大聲D及直接D講:
    A. “Because I dont like you!"

    聽嗰個一定唔好受, 此時無需掩飾不快, 亦不用壓抑言論, 自己轉身前, 掉低一句比佢:

    “That’s too bad."
    (Yes, that’s too bad of you doing it)
    (Yes, that’s too bad a situation like this)
    (Yes, that’s too bad for me to hear this)

    自己行開又好, 拎歪臉望窗又好, 等佢自己慢慢對住堆dead air. 我又無能力教佢(假設我係小C)但係其他人都睇到佢之前D行為自有評價.

    有D刁蠻精或會講:
    B. “Because I just want to!"

    咁如你所說, 親善吓:
    “Too much ripping of the cards will hurt your hands/It will hurt your hands, dear."

    假設佢堅持, “No! It wont. I’ll still rip them ALL!"

    咁惡劣, 咁咪:

    “I am sorry – for you." 囉…

    以人類的劣根性/"隱藏的獸性", 一班人"蝦/洽"開一個人, 就會成班人繼續或召集更多人"蝦/洽"落去, 而周圍怕事的人但求生存, 通常都唔幫手, 白武士好彩就會出現, 唔出現的話被"蝦/洽"的那一個就等死. 大人辦公室如是, 日本女王的教室如是, 南極企鵝世界(limited to the part of not giving help)如是.

    主/神教落: 愛人如己; 敵人打你左邊臉, 就比埋右邊臉佢打, 等等, 身處呢個充滿人類劣根性的社會, 我仲未參透得哂, 真係唔知幾時引用先好? (試想想, 比幾個至幾十個甚至幾百幾千人打完左邊臉再打右邊, 佢唔係神就係離天國不遠嘅人<- just kidding, i know we have to learn to forgive)

    是故, 懂得自己站起來, 不用疾呼, 但要自己明白對方明白, 你不是superior to me, 我也不是superior to you, make a stage to show it, ASAP, yes, ASAP, 呢個唔動搖"人人係平等"的原則, 同埋唔貶低自我價值的信心真係好重要好重要好重要.

    至於方法, 且看百花齊放.

  14. 呢個阿媽,真係掂!
    俾個叻你!

  15. 這麼精采的故事,還要等下回待續?
    急不及待,請快寫快寫!快寫快寫!

  16. 通告: 心血來潮,十世後 « 媽媽阿四

  17. 通告: 七手八腳大煲湯 | 媽媽阿四

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s