寫手


最近小C在街上頻頻認字。「中」国石化呀,「人」「大」呀,「上」腦呀,甚至,起錨。小C一見紅白藍,就會高叫:起錨!

這天:「我見到個手字。」

好了,我得承認,懶媽媽要到一個月前,才買了一本格仔簿,給小朋友消磨時間。不錯,成四歲半人,才第一次正式學寫中文字,嗚呼。

格仔簿附送貼紙,寫完一頁小朋友便自動在左上角貼一個。於是小朋友久不久就想寫字,然後貼貼紙。

寫了一個月,由於懶媽媽實在太懶,小朋友仍然停留於口呀、日呀、目呀、上中下呀的直筆甩階段。

「我有教過妳寫個手字咩?」

「我知個手字點寫吖。一個J,同埋三劃。」

18 則迴響

Filed under , 小C

18 responses to “寫手

  1. 四歲半開結寫字不算遲了,Chilli 的學校,算是非常傳統果種,K2才開始寫中英文字。

  2. 小孜媽

    朋友回了日本,打電話來驚呼:說你知嗎?這兒的幼稚園是沒字的。

    那每天做什麼?

    做什麼?玩,開運動會,她現在曬得比菲律賓人還像菲律賓人。

    那你在忙什麼?

    去學校做義工啊,說是義工幾乎是必需,喏我剛去學校撿完石仔回來。

    PS – J加三撇真係好掂,中英結合,又到Point,所以說千萬不要小窺她們。

    • 真是好,不知道那在日本是norm,還是只是異數呢?
      因為一上到中學,不是要考試考到自殺嗎,唉。

      PS--想想吓,那個J,好使好用,好多字都有,哈哈。

      • 小孜媽

        應是主流了。日本朋友感慨,在日本讀私立幼稚園,每月2千多港幣已覺非常昂貴,在香港,每月供四五千大家眼都不眨。

        還有一點讓我好生羡慕的是,她說無論是一個小朋友二個小朋友還是三個小朋友,都是媽媽一手帶大的,是,連兼職家務助理都沒。

        她們還要大部份都住House,要打理埋個花園。

        OK,言歸正傳,其實我有事要幫忙,阿四,我記得你曾有篇介紹訂購name sticker的網站,我找來找去找不到,可否再告之?

        謝!

      • http://www.stuckonyou.biz/

        仲好似話,日本係唔俾人請外傭添架.

      • 香港的日人幼稚園都係以玩為主題,我個仔鍾意返學到連星期六日起身都話要返學,對佢地黎講,學校=遊樂場,我見佢咁鍾意返學都好欣喜.

        我老公話因為由大概十年前開始,日本成日有學生因為壓力而自殺,政府於是開始改變教育方向,要令學生享受讀書…但佢宜家又擔心個仔響日人學校繼續玩會追唔上香港小朋友,佢去書局睇到幼稚園的補充練習嚇呆了.

        J+三, 小C輸入法,遲D取代倉頡, 讚! ^^

      • 幼稚園的補充練習, 真係幾嚇呆人架.最嚇呆係,點解幼稚園都要補充練習?唉.

  3. 納奧美

    哈哈, 令我想起以前本地人用通勝學英文的 “土法"!!小朋友真係無得頂!!

  4. eeb

    我曾經有一個類似"起錨"的貼紙帶了回家,並教了Larry那兩個字。

    有一天,家中有政見不同人士帶來"起錨"襟針,Larry大聲說"超錯"

  5. eeb

    “一個J,同埋三劃"
    有創意係好,不過中文字有筆順,佢如果真係寫完個J再劃三劃,咪 … …

  6. 補充,據我知,日人幼稚園至小學的確好好玩,但個問題係,由上中學開始,佢地要同個現實接軌,由「好好玩」突變到「死鋤書」。

    你可以話,讀書係應該開心;但個問題係,始終有一日要同而家個超大競爭既社會現實接軌...幾時做先啱?小學?中學?大學?做嘢之後?

    我自己在加國升大學,一路讀住慒慒吓...到出泥做嘢要同現實接軌嗰幾年,其實好痛苦,所以我都唔知幾時等佢地知個現實好?!不過,在香港也許我們根本無得簡...淨係爭入小學都好大鑊...

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s