掌握之中


小C爹爹說,我的生活全在掌握之中,不會明白工作是如何不能在掌握之中。

我的生活全在掌握之中,吃飽飯等人CC養尊處優無所事事時,一定不會無端端有人嘔/急發高燒/崁崩頭,而且一定不會發生於臨睡前七分半鐘,或熟睡後三十分鐘即爹爹回家前七十分鐘,剛好不會尷尬不知要不要吵醒全屋細路齊探醫生才好。

每星期一次我會賣小C到舊校兩小時,換取午飯約會一小時。不約在週末,是因為不想跟每天見爹爹一小時的小朋友爭,亦不會爭贏。我的生活全在掌握之中,賣小C該天小C一定不會嘔/急發高燒/崁崩頭,該天11時50分我一定能把小C準時送到舊校,11時57分小C一定不會開始縮沙,12時17分一定不會接到電話,說家裡有人嘔/急發高燒。

我的生活全在掌握之中,沒有人嘔/急發高燒/崁崩頭/縮沙的賣女天,不一定會間歇性收到突發「約會可否skip一次」之發問。

我知工作不在掌握之中,有時會有VIP突發要見你,有時又有VVIP突發要見你,有時又有non-VIP同事,突發想約你這個VIP食飯。對於我們掌握中約會的突發提問,你雖然「哎呀不好意思」總是欠奉,但我都知你唔想。

你說唓妳可以說不想skip吖,不過一次一次要我答甚麼,才是知恩才是識趣又不讓自己抓狂呢。

我當然不懂你,你也可能不懂我,唉咁辛苦,還是夜裡齊齊對着客廳電視算了,House飛了廣告肯定於40分鐘內看完,我們肯定會於第二十七分鐘即九時正雙雙找周公,二少亦肯定會於七分鐘後驚叫急call我跟你說晚安。

_______

OK,嘮騷發完,結論是,我們都愛爹爹,那偉大又可憐的爹爹。

24 則迴響

Filed under 爹爹, 阿四

24 responses to “掌握之中

  1. 老婆在家為奴為婢,老公在外捱生捱死;其實大家有時都有說不完的苦衷。要一人讓一步,學阿四做個知情識趣的老婆。

  2. 來個身份對調如何?我肯定小C阿爹頂唔倒兩星期 (其實兩星期都比多佢)

  3. siugub

    有時對調身份都是好事…這2星期我家爹爹偉大, 因我要趕paper, 他每天晨早起床湊囡返學, 中午又要趕去接囡放學…將工作時間打斷…

    而我又會因為掛住個囡, 所以好想快D轉返到我去接送…

  4. I like your passive-aggressive writing!

  5. Jenni:我就係話我唔知情識趣又唔想知情識趣

    JLS:佢話如果我係佢,一秒鐘會被熔掉。
    佢頂到,成身C同嘔其實不難頂,不過掌握不到幾時成身C同嘔就可能需要一陣先至適應。

    siugub:你要趕paper都話ㄚ,我地呢D,正式係食飽飯等人CC呀。

    Justin:Thanks I’ll take that as a compliment!

  6. 呢次唔知幫邊個好。呻完會不會好啲?

  7. 我老公話我唔可以出黎做野,因為,呢個世界唔適合我!!
    唔係!!! 應該話, 我唔適合呢個世界!

    都好吖!
    唔洗做!

  8. audreyma

    拜託你去文華做SPA
    拜託你多自己再好一些

    今早真的有人問我,有沒後悔嫁給爹爹,聽後我嚇得出唔到聲,怎麼可以後悔嗎?為人妻,為人夫,為人父,為人母。

    阿四我愛你。

  9. Winnie

    I wish I can go to bed this early too!

  10. 我有位朋友,天天晉語,只一句:算罷啦。

  11. readandeat:唔駛幫,呻吓啫

    zachma: 哈哈,呢個世界真係會激死你😉

    audreyma: 我也愛你!我打算剪頭髮先,應該好似成年冇剪。呀洗牙都好。呢2樣野係唯一(二)冇可能帶備任何生番嘅。

    Winnie: then you’ll have to pay the price and get up early!

    周游:yes ma’am!

  12. 好彩有這個地盤發下牢騷,平衡下心情。
    希望你們繼續維持每周一聚,我知道爹爹看了這篇也會努力爭取和你相聚一刻。

  13. SW

    Just want to let you know that you’re not alone. I can’t say our daddy is not a good daddy, but it seems like he never really understands how I live my life. Sometimes I wonder if I’m asking for too much. Just can’t stop that bitter feeling…

  14. 最緊要有「訂」呻,如果連呻都無「訂」呻就真係悲哀了。

  15. eeb

    我雖然唔能夠完全明白全職媽媽之苦,但每次有人話我個褓姆其實好輕鬆/無乜嘢做/咁貴等等等等,我就好同情自己,因為我知佢辛苦,weekend/紅日/褓姆請假時,我一個睇兩個真係幾唔掂(已經有老公偶爾大發慈悲離開電腦前幫下家中個瘋婦),而且clement都只係吃拉睡哭,未會駁嘴同搞破壞等。但褓姆只係黎8個半鐘,我呢,算啦,呢幾晚Larry同clement有重疊地連瞓咗7個鐘,而其中有5個鐘我係唔洗起身做公司嘢/泵奶,真係仲想點。

    “生活全在掌握之中" – 妳只掌握到一樣,就係如果o個日無突發事件,即係聽日可能有兩件或以上囉。

  16. 我諗佢都真係唔想嘅, 不過就唔好講到留在家湊仔係好容易囉。
    佢唔得閑, 做啲自己鍾意嘅嘢, 或者找朋友見個面, 唔好浪費安排好嘅時間, 最緊要唔好影響享受"自由"嘅心情。
    不過你想呻吓我實聽你架!

  17. eeb:你雙職仲辛苦!

    菲:得一日通知,真係搵鬼攝我時間咩,剪頭髮都約唔到個中意架啦。

    sherry:關鍵真是"爭取"二字啊,如果只係一個人爭取,爭取到都冇任何意思,真係算罷啦。

    SW:hahahah so good to know that i’m not alone. 共勉

  18. eeb

    雙職 – 起碼兩邊都叫有得紏下氣,而且有一邊有大假放😉

  19. longlongmama

    做全職阿媽其中一樣令人氣頂既事,就係全世界都覺得你唔駛做好鬼嘆過緊少奶奶生活,每次我聽到我朋友咁講,我都會用我果雙湊仔洗手洗手洗手洗到鞋過沙紙既手去同佢握握手,「乜少奶對手會咁鞋既咩?!」

    不過,你同老公都仲幾sweet oY,有定期飯局,每晚會一齊就寢。唉,我…我覺得我只係佢兩個仔既阿媽而唔再係佢老婆囉…真係好bitter呀!!!

  20. Sorry…遲咗D…
    頭先聽iPod…聽到哩首歌…
    送俾你同阿四老公聽…
    聽完兩個都要笑番…

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s