小兒不佔位


阿四:「下星期小C爸去台灣,一天後我會帶小C和細佬去跟他會合。」

陳太:「我沒聽錯吧!!?妳真的不把工人也帶去?」

李太:「我沒聽錯吧!!?妳真的不把細佬留下?」

小N媽:「聖誕節我會自己把小N和BB帶回夏威夷老家,轉機兩次。」

小M媽:「聖誕節我會自己把小M和大佬和BB帶回法國老家,轉機三次。」

這當中的詭祕,若非是人家的DNA變種出現三頭六臂,就該是咱們的十指進化成為纖纖,叫幾十年前本來同樣生十個、一手帶大十個的姊姊妹妹,今天分道揚鑣。

旅行可以不去,但既然去了,小兒兩歲,不佔機位,帶着麻煩,也很快樂--如果不在機上同時開大。

26 則迴響

Filed under 阿四, 旅行

26 responses to “小兒不佔位

  1. amy

    我那天也在想,阿四甚麼時候會帶細佬外遊呢?

    祝旅途愉快!

  2. eeb

    我也有個令人敬佩的表哥,一個男人帶兩個幼兒和一個嬰兒搭9小時飛機回來"渡假"。

    不,我是不會放下孩子給工人然後自己去旅行的人,是又麻煩又論盡又隨時要改行程,我在半年前領教過了,大家都說幼兒又不會欣賞又不會記得(但我會bor)。
    而且,唓,我都無工人。

  3. 祝旅途愉快!!
    非常非常同意你話"如果不在機上同時開大" , 我發現帶小朋友上機不是問題, 而是不知道在哪里處理大大好 – 在座位上而冒著犯衆憎恨的危險但你會容易地更換, 或冒生命危險到狹窄又肮髒兼且布滿細菌轉個身都無位點出来后要fumigate自己的厠所更換片片?好大dilemma lor.

  4. audreyma

    一拖二,施施然,嗯,這最像阿四。

    我其實很懷念她5個月,10個月,13個月,18個月齊齊去旅行的日子。

    To eeb: 沒工人好哇,我現在重拾沒工人的生活,愈覺珍貴。

  5. 你請工人坐飛機?不如請我去啦。阿包都掂架,佢最叻氹小朋友。

  6. 去台灣好快就到啦! C小又有經驗, 一定無問題。

  7. siugub

    一家四口之旅, 很期待呀 ^^ 我家爹爹也愛上帶幼兒出門, 因為那種一家人二十四/七在一起的感覺, 很珍貴. 現在每逢女兒學校假期, 他就想要一家三口出外逛逛才開心.

    另: 不要說遠在歐洲的媽媽, 就是鄰近的日本媽媽, 在日本街頭, 也見不少一拖二一拖三去逛街買餸, 還要很優雅地. 我覺得, 還是咱們的dna出現了問題多一點.

  8. eeb

    四,切記拖實小C及二少不離身,另外,讓小C隨身帶著酒店的卡片,最好寫上房號,走失係唔容許既事,但也要以防萬一。

  9. amy: 謝!

    eeb: “但我會(記得)bor" — exactly! 又,佢食左飯會出番厘,(而且當然唔記得),你又俾佢食!?
    嘩你表哥,掂呀!不過咁播,男人獨自帶住一隻,都會令人肅然起敬搶住幫,男人帶住3隻,D空姐真係暈晒浪啦。

    11mama: 我這個人,犯衆憎

    audreyma & 菲尼媽: 睇吓我點死!!

    readandeat: 你要我一拖3!!??

    siugub: 你家爹爹呢個德育故事,等我即刻話俾我家爹爹知先……

    eeb: 係喎,你提起我,佢有條stuck-on-me出的information bracelet!

  10. 要我一拖二,都唔知得唔得!

    玩得開心啲呀!

  11. 一定要帶﹐唔係會玩都玩得唔安樂。

  12. eeb

    我表哥,係少數明白孩子最需要係時間而非物質又身體力行既男人。

  13. zacharyhui: 我都唔知得唔得!!

    mokmok: 我再閘住反彈加五倍!

    jenni: 咪係!其實我有D佩服能夠唔帶嘅人,超級識let go囉

    eeb: 要擺入博物館!

  14. 我响香港都未試過一拖二, 除左落樓下商場。
    我的女兒三歲三個月; 兒子十七個月。

  15. beanjelly

    一拖二!佩服!佩服!我都祝旅途愉快!
    我只係落三樓playground先可以一拖二,大小姐二歲八個月,二小姐十七個月。

  16. 我都無工人,同我喜愛無工人的生活。其實好多朋友,當舊工人走左,都話馬上覺得好舒暢!

    不過咁,香港有好多階層的人,其實有好多人係一個拖三個周圍去的,不過,只是不是去搭飛機,亦不曾被 label 為好優雅吧,下次如果見到,可否都報以一個尊敬的微笑,而不要不屑她「三十歲人打扮舉止像個阿嬸
    」?

  17. beanjelly: 我都佩服你!🙂 如果我大小姐二歲八個月二少十七個月的話,我就冇咁口爽喇,因為兩個同時在機上開大的機會,幾乎係105%!😉

    chillimom: "舒暢"is the word!唉,如果得一件,我都好想有得舒暢。
    如果要我一拖三其實我都想像唔到,不過要上飛機呢D冇彎轉的情況,同埋自己一個在外人生路不熟,一拖一都夠受。

    贊成!請對我呢D阿嬸報以尊敬!

  18. beanjelly

    阿四,確實係發生過機上同時開大,五個月前去Bali的機艙內,我覇佔了人家頭等機艙厠所共三次,每次十五分鐘。

  19. Baku

    前陣子,教會姊妹單人匹馬帶著一個四歲半, 一個三歲,一個十五個月回澳洲娘家, 三歲那個與十五個月那個就同時在機上開大, 四歲半的姐姐竟能幫忙照顧三歲的弟弟! 爸爸出差的日子, 那個姊妹也是背著一個大背包, 一手抱著十五個月的弟弟, 另一手拖著三歲的弟弟, 三歲的弟弟又拖著四歲半的姐姐,一起乘小巴轉巴士回教會.

    真的很佩服全職媽媽們.

    阿四媽媽, 祝旅途愉快!:)

  20. 通告: 一切就緒 « 媽媽阿四

  21. beanjelly:係播,冇想過可以借頭等廁所呢招添!!好招!!!

    Baku:服!!!!!仲有,3年抱3!!!

  22. 二少呢次去台北幾大呀?我打算5月中帶大少細少到高雄,到時細少應該係9個半月,係咪全個trip都食baby food?好奧腦啊!四四分享一吓可以嗎?

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s