新學年三項立志


「小C真係好得意呀呵。」是晚爹爹放工,又在發出第二千零五十三次例行感嘆。是對着相片,因為,心肝寶貝早睡了。

我們最近實行輪班,爹爹六至七時早班伺主,我七至六時一班伺兩主。大家別誤會,其實爹爹比我可憐,因為早班工作時間最近有向前大幅移動之趨勢,五時半便投入服務。

小C的阿四:「聽聞你今早放了個屁。」

小C的粉絲:「嘿!」

阿四:「哈哈哈,小C又說你今早打死了一隻蟲。」

粉絲:「噢,那個……其實,是小強。」

「不是吧?」

「有姆指大小,該是飛來的……」

「怪不得我在房裡聽到很大一聲啪!細佬差點醒了。」

「……給牠跑了。」爹爹吃一顆提子。

「甚麼~~~~~~~~~~~~~~~~~~!!!!!!!!!!」

「我去找蚊拍,轉個頭,就給牠跑了。」又一顆提子。

「既然事態嚴重,好心就隨手用拖鞋啦陰功!而且,怎麼不跟我說??至少我可以立刻把房門給封了吖。」

「吓……可能呢,可能其實呢,只是隻蟬呢。其實呢,可否等我把提子先吃完再說?」

新學年,我暫時有以下三項立志:

一、每天盤問小C關於我起床前之家事。

二、隨時隨地穿拖鞋自衛。

三、逼爹爹隨時隨地穿拖鞋。

___________________________

白癡阿四錦囊

之前用過一間滅蟲公司,滅蟲濟十分安全,效果不錯,今早抓狂第一時間約時間求救。

好姐聞言,也第一時間介紹我保而剋Biokill滅蟲濟。一查,吓乜原來是同一個牌子呀??百佳惠康有售,盛惠$48.9。

好姐幫我省了千三,忍她偷聽電話都係抵。

21 則迴響

Filed under 爹爹, 阿四, 大自然

21 responses to “新學年三項立志

  1. siugub

    爹爹真係好錫你地, 五時半起身侍女, 之後仲要返工呀陰功!

  2. Codey

    唔知係我屋企昆蟲頑強定殺蟲濟冇力,我試過Biokill,連螞蟻都殺唔死-.-。

  3. 菲 & siugub: 係!

    Codey: 唔係掛?

    噴完後,我屋企的確有好多屍體播。你噴完,唔可以抹架播,同埋3星期後要再噴一次,因蟲蛋係殺唔死,孵出的蟲B,要殺多一次滅族。

  4. audreyma

    哎呀,看完心情舒暢,原因不明!

    今晚也要去百佳買Biokill,我家也要滅族,天殺的將我們的衣服咬了一個個小洞。

    Siugub
    5時半起身侍女唔會好辛苦,細果件應該仲難頂。大個梨多數自己會玩,保持半清醒狀態即可 : )

  5. mama

    我以為你地因為唔想自己動手先找佢地公司咋!

  6. mokmok

    聽聞由發現第一隻甲甴開始,就是意味住家裹有二十隻寄居…

  7. audreyma: "5時半起身侍女唔會好辛苦,保持半清醒狀態即可"--嗱嗱嗱唔係我講架吓,嗱嗱嗱我地冇夾定架吓……

    見你心情舒暢,咁我毛管棟都有番少少謂…… 不過,我仍然極為不安囉

    mokmok: 但果隻好大,應該係自己飛入厘掛??

  8. mokmok

    咁…可能大左肚
    (講笑:D,不過甲甴繁殖力很強!)

    頭先上WIKI,殺甲甴方法有趣,但不知有無效
    http://zh.wikipedia.org/zh-tw/蟑螂

  9. 哈, 我弟弟曾經在那滅蟲公司任職,所以我都幾信得過間公司。那支biokill, 佢話見過老細示範即時飲落肚以證明無毒,唔知真定假啦,不過我都係長期用家,效果不錯。

  10. mokmok

    biokill一定好好味頂啦…XP

  11. 咁我都想試下。。。 haha!
    對螞蟻有冇用架?
    C爹好好,咁佢幾點瞓?

  12. someone nosy

    夏天趕走蟑螂、螞蟻的好方法

    這是四代中醫的家傳祕方,花錢也不多,推薦給大家。

    趕跑螞蟻:

    房間有螞蟻怎麼辦?

    其實蒜頭對螞蟻就非常有效了,

    只要在他們的路徑上放一顆切開的蒜頭,螞蟻馬上絕跡!

    或者把蒜頭切兩顆放在水裡,

    然後把水拿去擦地板,螞蟻從此後就立刻搬家!

    克蟑高手:

    蟑螂人人喊打,但在夏天繁殖得特別快,很讓人煩惱。

    如果我們拿一把九層塔,曬乾後用廢棄的絲襪把它包起來,

    放在牆角或蟑螂常經過的地方,就可以趕跑蟑螂!

  13. 對螞蟻有用,但白蟻就唔得。

    噢,我地一家的schedule已經shift早晒。
    小C 6-5:30
    爹爹 10-5:30
    二少 6-4,中間醒4至20次不等
    我到9點鬆D已經頂唔順

    • eho

      耕田的生活
      i’m still living this kind of life (my daughter is almost 4 while my son is 22 mths).. hang in there!

      • siugub

        keke 我囡囡頭一年, 我都覺得自己做農夫, 跟著囡囡每朝五點起床, 晚上七時就訓.

        當時想, 如果可以訓到天光先醒就好, 但而家囡囡習慣了朝七點半晚九點, 我反而覺得, 朝六點半晚七點半的生活對小朋友可能仲好, 希望可以改到啦 ^^

  14. hahahaha農夫,通常長命呀!!

  15. 話六點就上床!好早啊!
    咁咪一定謝絕夜生活囉?(例如出外晚飯。)

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s