我真係冇


現在我堅持跟小朋友C說中文,遇上小朋友的中英夾雜,媽媽「吓」的一聲,小朋友會醒水再用中文說一遍。

這才發現,原來有太多中文字彙未教;我又發現,自己也不時被小朋友反過來「吓」。

小朋友每天放學回家,總要好大一陣子才能完全轉台,加上L遮長駐,中文防線守得好慘。

這天媽媽又在吓吓吓,小朋友曰:「但係我真係冇speak in English.」

15 則迴響

Filed under

15 responses to “我真係冇

  1. cc

    我都正 tune 緊台…..

  2. 我都教得好辛苦,之前未上學,小朋友還可以講得一口流利的廣東話。

    我後來發現,單是平時講也不夠的,拿一本故事書,用廣東話講故事,這樣才比較「全面」。

  3. 中定英,我同老婆响米b女出世前都諗過一排...會唔會係一個同佢講中,一個同佢講英呢?又或,全英(但爺爺嫲嫲會同佢講中文啦...)...

    最後,都係全中算,反正我地自己都係咁走過來。

    返學都應該唔會係國際學校囉,所以應該冇問題...呱???

  4. 米:

    其實可以中英的,只要你肯堅持一個講英一個講中,千萬不要混淆。你們兩個講英也沒有問題,由爺爺嫲嫲講中,不過一定要他們常見到你的小朋友跟佢講,否則會冇乜用。

  5. 我的女兒都有這個問題,例如:

    – wow wow Dog
    – Pizza 餅餅

    有網友教路,話可以試下爸爸專講中文,媽媽專講英文。

  6. lslu

    有一朋友堅持要仔仔要完成中五才到美國讀書,意義是要孩子懂中文,到外國專注學英文,我覺得這也是好主意...

    《我通我識》主持
    http://lslu.wordpress.com/

  7. Lee 個課題,我同我老公都諗左好耐好耐。

    我們在家是全廣東話的。因為我同我老公都不能把英語講到好似 first language 咁。我地不想因此而同 chilli 少左溝通,我地決定不會在家攪英文台。

    她上的 playgroup 是英文的,看 video 都是英文為主,英文故事書都係用英文講。

    Chilli 就好明顯學中文學得好好多。英文係聽得明講得唔好,係到最近(就來三歲)先可以講到簡單的句子。

    本來其實想chilli 入國際學校,因為想佢讀得開心 D,視野闊D,國際學校的資源亦會好好多。不過國際學校原來真係對英語要求好高的,好似 chilli 咁唔係 native speaker(或接近 native speaker) 就唔收,好低 priority。

    咁算囉。我唔想為左要 chilli 迎合學校的「需要」將佢變成西人,到大個D又要將佢變返中國人。佢只有兩歲大咋。

    其實,上國際學校的憂慮主要係中文,一諗起佢放學回家,我就要佢上中文補習,或迫佢做中文練習,我就有D汗額。無理由返學就又 free 又開心,放學就媽媽「特訓」佢中文架,我會比較想將我D精神時間放係另一D地方。

    • siugub

      dear chilli mom,

      我又分享下:

      我屋企都係廣東話台, 因為正如你所說, 我同老公都講唔到native english, 唔講好過. 同埋, 有老師同我講過, 如果講唔到native english又同小朋友全英, 是會令小朋友的英文深度唔夠, 我幾認同.

      英文方面也和你一樣, 靠學校同書, 不過我暫時會傾向國際學校, 不是因為想學好英文, 而是比較喜歡那種教學方法, 比較open無咁填鴨. 英文的要求, 希望學校學的會夠啦, 或者遲些再加英文的playgroup. 因我都唔想為了入國際學校, 而硬將全家變成西人.

      我跟你不同是, 我都明白學中文是一大問題, 我會傾向為小朋友報中文班. 反而我是怕本地學校比較著重成績和分數, 我見有朋友日日都要同小朋友做功課溫習, 我反而想放學後可以多做"無聊事" keke.

      • 關於中英問題,我們在小朋友出世前已決定好:我講廣東話,老公講英文;不准我對小朋友講英文,我老公也不准對住小朋友講廣東話,因為不想佢學中文和英文學到不鹹不淡。

      • 哈哈哈廚神佢識講乜野廣東話?

      • 我完全同意你的看法。

        事實上,本地學校我們也有心水的選擇,教學理念配合,又沒有了中文的憂慮。不過,那一所學校是津貼的(註:津貼小學是純粹幸運大抽獎,就算小朋友識飛也沒用)。。。唉。在香港讀書真是好難。

        今天,esf 突然致電,說有位給在 waiting list 尾尾的 chilli (註:esf 是只睇種族和語言,chilli 在 application form 寫只操流利廣東話,所以在隊尾)。。。真是像中獎啊。

        中文當然是主要考慮了。我有朋友的子女讀IS, 都說中文補習班是沒作用的。

        「唯一」心水本地學校是津校,如果萬一抽不中,就要入讀其他絕對不是心水的私立學校(那些學校未必是不好,只是不是我們的那杯茶)。(另註:本來還有直資學校的,不過入了直資學校就不能參加心水津校大抽獎了。。。。rule of game 是好複雜啊)。

        想來想去,做一個有良好中文程度但日日去追功課的學生好,還是一個讀得輕鬆的中文文盲好?

      • siugub

        dear chilli mom,

        在香港為小朋友選學校, 簡直可以令人一夜白頭. 首先是本地學校定國際學校, 選了國際學校又要想, 入升小機會大的幼稚園好, 還是留在心儀但沒有小學的幼稚園好. (我還在考慮好不好入紙esf, 但又想留在現在這間心水的幼稚園 sigh)

        你個問題: 比我我會想做一個文盲 keke 當然現實世界無咁理想, 文盲將來在社會生存還是要付出代價. 兩難!

  8. 因一一就快返学了,我都努力转紧中文台。弊在一一虽然晤识广东话,但他会老作一D除了他自己明但无其他人明的广东话黎同我对答,我E家都很R头,晤知点收科。。。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s