家政阿太教甚麼


中一教家政課的,是位英國阿太。我來自中文小學,那時最怕她要我答問題,卻偏偏愛她的課。

我忘了那年到底學了甚麼家政,只記得有天她見我有自製蝴蝶頸巾,便要我教全班都編一條。

那天我把做法翻譯成英文,寫在黑板上,老師最後在黑板頂題名曰「阿四頸巾」,請全班照抄。接下來的一個月,我成了阿四老師,自信心和英文都好了;老師,就印印腳,印印腳在旁也學編一條,印印腳教我(們)另類一課。

翌年老師回老家印腳,換來了一位同聲通氣的阿太,但全班都怕她。

中三的家政大考題目由抽籤決定,題目為早餐、午餐、下午茶或晚餐。

在此公開一個說服力很低的事實:我呢,曾經會做豆漿和蔥油餅囉。

亦即是說,除了豆漿和蔥油餅,直至中學畢業我都只懂煲飯和做羅拔臣杏仁豆腐。

那次大考我抽到了「下午茶」。我認為,下午回家能夠喝一杯熱豆漿,就是最好的下午茶啦。

那個年代未有豆漿機,我做豆漿是用攪拌機、煲湯袋和大煲的。過程中有不少等待空檔,我事前寫了一張流程表,將做蔥油餅的步驟穿插進去,還在每項附上所需時間。當時我自然不知何謂Gantt chart和project management,我只隱隱覺得,哈,我好醒。

當年大考我拿B,老師的評語為:味道雖然不錯,不過,豆漿蔥油餅該是早餐,不貼題!

不能接受下午茶吃豆漿蔥油餅的人,難怪一世都鬱鬱寡歡;自此,記憶裡我也再沒有在下午吃過蔥油餅,漸漸變成一個不在下午吃蔥油餅的阿太。

27 則迴響

Filed under 阿四, , 小玩意

27 responses to “家政阿太教甚麼

  1. 孜媽

    何解老師不是鼓勵為主?何解豆漿蔥油餅不能入選下午茶?

    何解你回憶往事的文章我都喜歡,像你從不曾是阿太,不曾是媽媽,祇是阿四。

  2. 下午為何不能吃豆漿蔥油餅呢?真奇怪,可能是你煮得太快,她又不捨得給 “A", 所以說豆漿蔥油餅不能吃吧?
    我中學家政課第一次學煮的就是杏仁豆腐,那是我第一次嘗到杏仁味。

  3. Cat

    英國阿太好型, 教了我們自製yogurt, 不過全班都無人敢食. 其餘好似乜都無學過. 諗極都唔記得英國阿太個大名, 如果阿四你記得, 請email 番比我吖!

    同聲同氣的阿太那年考試, 我抽中煮湯, 一煲過的什菜湯. 又好味又容易, 當全班都忙到一頭煙的時候, 我印印腳忙於"check"住煲湯.
    那年最記得這位阿太教的廚房management 係要晚晚洗哂個廚房和拖地. 結果, 變成今日的拖得就拖.
    那年的傑作係格仔布lace 邊圍裙一條!

    那時很羨慕男同學上D&T, 那把T尺,好型.
    結果: 我自己做了工程師. 多謝母校.

  4. 小C爸爸

    我成世仔惟一一次肥佬就是母校的DT. 可能是報應,所以現在的工作不是DT而是家政:即是有時煮鍋熟比人歎歎, 有時就俾人煮鍋熟.

  5. 小c 爸爸好搞笑, 但我工作既機構當中(學校)都有好多呢d鐘意煮煲杰野俾人嘆的人, 好彩我還食得落, 搞得掂…..

    唔知點解以前上家政堂, 都好怕那位miss, 當我地在廚房入面佢就好緊張, 搞到個個都好怕郁, 以為一郁就要死咁款…..都係try an error 啫, 邊有咁易爆炸架…..煮錯左咪煮過囉…..而家都係咁架喇….人生都係咁架喇……

    最怕佢教我地煮果d忌廉湯, 次次加鬼c咁多牛油同埋cheese, 每次上完堂可以攞走, 我地個個就走去toilet倒鬼哂佢….因為真係勁難飲…..

  6. amy

    記得我那時的家政課叫home economics,不知是否其他學校都一樣?

    我上了我校的cookery class三年,超過90%時間都在做西式糕點,難怪我沒有甚麼中菜cooking sense。:P

  7. 我只上了一年家政,最憎。幾乎肥佬。

  8. 嘩,樓上那個係咪小C爸﹗??﹗

  9. LokLokMaMa

    我中三那年都有位英國阿太臨時頂上教家政課(原先教開Listening), 這位阿太好dirty, 我記得大考時, 阿太一隻spoon加一塊唔知咩布, 每次試味後, 用塊布抹一下隻spoon, 就去下一位到試味, 結果每一碟都有阿太D口水, 好disgusting!

  10. mama

    我以前好鐘意上家政,仲好高分tim, 不過三年初中家政完左後,我的cooking experiences 亦就此完結。連家中隨屋附送的那個oven 成年都未用過 :p

    p.s. 我估"小c爸爸"呢個稱呼係呢個blog唔會有其他人夠膽用卦! xD

  11. 阿四,不如你教埋我地織蝴蝶頸巾啦而家!🙂

    嘩,師奶殺手–小c爸爸/爹爹現身了!!

  12. readandeat,搭個訕–真想不到你現在竟這麼會煮/愛煮啊

    女人真係好難估

  13. Simon Ching

    乜咁橋呀, 我中一第二學期的 DT 都肥了。整 letter opener, 結果懵盛盛冇咗件事冇交到制成品,肥咗。

  14. 嘩小C爸呀!久仰久仰!
    請問DT stands for what?
    順便提提你:如果每次做家政時前必需查藍莓,務必先錫啖大肚阿四先啊! 實無死!

  15. lousyma: 等我錫啖你先!!
    DT=Design & Technology

    孜媽:當年有你為我出頭就好嘞!!

    Cat: 我亦係啉極都啉唔起!!如果你啉到,請話我知 :)  我都好中意我條繡名格仔布圍裙,而家仲收埋櫃桶底。

    小C爸爸: 多謝參與!另,請不妨多用你的DT。

    amy: 我地叫domestic science

    leona: 已在文中加link。咦,突然好想織條添。

    simon: 睇厘阿sir好中意肥人播。

  16. siugub

    勁勁, 引得小C爹爹留言, 久仰久仰!

    我校的家政課也是叫 home economics.

    最記得中一, 第一個學期學織冷衫同各式針步, 不過最後考試是將針步畫返出來, 女紅白痴的我, 緊緊合格. 下學期學cookery, 不過先由廚房的各式用具的英文名開始學起, 學到學期尾最後一課, 才可以開爐, 最後教了我們做三文治@@. 考試, 又是將各式用具默返出來. 杏仁豆腐, 我到中三才有得學, 只記得太難吃, 女生全部不肯吃, 怎知帶回課室, 男生卻搶著吃, 那時我才發現, 男生的口味, 可以很"求其"的.

  17. 孫師奶

    當我見到”小c爸爸”字...真以為自己眼花!

  18. eho

    英國阿太 – Ms LeeHee🙂

  19. 等我仲以為Ms Leehee係教英文!?哈哈唔該晒eho,好久不見 🙂

    siugub: 經你一提,先醒起我地當年都記唔少沙煲瓦撐名,仲有果D從來都冇俾我地試、10萬個煮法名稱!

  20. amy

    我總覺得, home economics 和 domestic science 兩個名詞都很怪。: P

  21. 如果俾我,我叫home management!我係個home manager / family manager!

  22. amy

    home management… 好主意! 你係home/family CEO至真!

  23. 媽媽阿四,你買左麵包機未?

  24. pd

    我要吃(阿四整的)蔥油餅!唔該哂 domestic manager!
    前天在 Sogo 見到象印 Zojirushi BB-HAQ10,請問有冇人知好唔好用呀?

  25. Cat

    我在facebook問班舊同學, 有人話英國阿太的名字係Ms. Leahy(???). 我又覺得好似係咁上下.

    我也很喜歡那條格仔布圍裙. 但自圍裙之後,就不再沾手衣車了.

  26. vc

    下午茶吃豆漿蔥油餅, 太飽了吧?

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s