生仔16事


1。堅持不用麻醉。

2。忍至要顛終於打了止痛針;藥力未到,20分鐘後小C已然報到。

3。小C足月,但那個晚上,她早到得,比醫生還早。

4。為免不必要麻煩及贈言,不敢告訴任何人阿女出生不足6磅。

5。分娩後首晚被不下十人輪流每30分鐘鏈一次,確保我有奶和睡不了。

6。經醫生批准,堅持不讓小C喝水,被年輕護士鄙視。

7。分娩兩天後夠膽死洗白白,活該中途發冷暈倒醫院浴室。

8。爹爹沒黑莓沒電腦在醫院寸步不離三天三夜,也就是我一生最快樂的三天三夜。難怪小C愛爹爹。

9。三天三夜裡,小C長得像我像了三天三夜。她成世人只是像我像了三天三夜。

10。三天三夜裡,小C只吖了一聲,長達半秒。「嘿,湊仔有幾難吖!」出院當晚此人開始發力,一哭便一年未停過

11。拿了三大袋入院:一袋給我,一袋給爹爹加小C,一袋零食、西莓和炒米。

12。出院時拿着三袋,突然想起好像遺下了甚麼,兩秒鐘後,折返房裡找小C。

13。小C坐回家的嬰兒汽車椅天藍色,因為我喜歡藍,而且藍色有貨。

14。我們走了二十間店看了二百個款式才半決定買這天藍汽車椅。

15。獨力換奶奶屎片不計,從來只有一件事我不敢做:替豆腐花洗澡。直到小C能站起來之前,那一直是爹爹的獨家任務。

16。沒有好姐,沒請陪月。陪月就是爹爹加天妍康,我再開心不過。

39 則迴響

Filed under 爹爹, 生仔, 阿四

39 responses to “生仔16事

  1. amy

    我原以為自己也可以不用麻醉,但後來是笑氣、麻醉針用了都不行,要用epidural才頂得順!(還要到最後也不能順產。)

    我也不顧一切兩日後洗澡洗頭了。怎能忍?

    我家爸爸也就是我的陪月--他請了三個星期假,幻想如果生第二胎也不請幫手,不知可以不?

  2. TC

    hello mama ah 4, i’ve been reading your blog for awhile now and this is my first time leaving a reply here~~~because…….i’m so excited to finally saw someone who share the same reasonings in regards to pregnancy and postpartum care after reading your “16 items of giving birth". =)…….especially item 1,4,6,8 and 16!!
    i just gave birth to my 2nd child a few weeks ago (my daughter came 3 weeks early by induction because she was measuring small in the womb, my ob decided it is better for her to come out early worrying that there was something wrong with the placenta). I had a totally natural birth this time also….the pain….well, i cannot say the pain was easier but you know what to expect the 2nd time, so it was easier to manage. I wish you having a super smooth delivery!

  3. kw

    阿四媽媽您好,

    首次係度留言。同老婆睇完你的生仔16事後,希望打從下個月王子蓄勢降臨之後的日子,我倆會過得好一點吧…….

    新手爸爸字…

  4. 令我回憶返生 chilli 時的種種,好似好耐之前既事咁。
    我都係忍痛到最後打止痛針,結果藥力一到佢地就話開到十度要生啦,個人溫溫吞吞生極都生唔出;結果 chilli 一出世因為深覺比人困得太耐就大哭大叫,天生一隻辣椒。
    我阿媽係我陪月,乖乖地回家先用薑水沖涼,真係沖到個人會發熱咁,好得意。你可以試下。
    咁二少你會唔會同佢沖?

  5. siugub

    8 & 16: so sweet.
    想起我生囡囡, 簡直是一頁慘痛的回憶. 囡囡因不增磅被醫生命令早了三星期出世, 很多東西還沒準備好, 最大鑊是爹爹還在趕project, 不能放假陪我, 只我一個面對個囡囡, 不想回憶呀 @@

  6. eeb

    我同amy一樣,原以為自己也可以不用麻醉,因為我同妳一樣,早已被每個月的痛折騰成堅忍,但Larry留戀在我體內,遲了整整一週,只好強行刺穿羊水和打針催生,那枝針我早就聽聞過他的強力,因為我媽咪到我入中學時仍說催生針的痛久久不消。結果我聞笑氣聞到好high,Larry仍然沒有跡象要出來(5個鐘都係一度),醫生說Larry心跳開始慢,結果我被全身麻醉,Larry則與醫生干戈相見。

    我最厲害的事有兩件,第一件是夠奶量,連姑娘/阿嬸也不相信一個偏瘦又完全無身材的產婦頭幾天已經可以一次泵出130ml奶,第二件是夠污糟,坐月期間真的沒有洗頭沖涼,只是每天用薑水抹身和消毒傷口,仲要長期帶冷帽。

    另,除咗炒米,可以開始教L遮煲南棗水(南棗、桂圓、果皮,可加炒米),頭幾日當水飲,對上奶超有用﹗而且好味。

  7. 好令人懷念嘅生仔後嘅事啊! 我怕痛, 一去到醫院就打支止痛針, 葯力走咗都未生得, 再嚟無痛。第一次會容許三唔識七嘅人摸我個胸。菲妮38週出世, 早過阿婆去到我身邊成個星期, 所以知道自己原來可以不眠不休一個星期。阿媽陪我坐月個一個月, 同阿媽個感覺好親近。我都有在醫院沖涼, 我仲記得之後個種再世為人嘅感覺。

  8. Audreyma

    爹爹簡直是一眾初生媽咪的超級偶像。

    大家都要叫自家爹爹看看這一篇。

  9. E, 冇咗個留言喎! 係呀, 南棗水生完飲好好架。

  10. amy

    eeb, 我入了產房10小時都係一度!:P

  11. eeb

    amy,
    同病相憐

    今胎我唔會試順產,一定開刀。

  12. 雖然痛, 但生yvonne既真係好令我懷念呀.
    我就痛左12個鐘都仲係一度, 因為痛到發抖, 於是提早去產房止痛, 用左epidural, 最後仲要人工穿水, 搞多成半日小公主才肯出黎, 但係最痛係生完之後既傷口, 要坐水泡坐了一個星期才可以自慢慢坐在sofa, or chair度, 我奶奶係我既陪月and自始之後佢開始同我地住, 照顧我地全家,she is very great and open-minded. 幸好有個菲姐幫輕下佢……

  13. mama

    我又寫…
    第1胎記憶中唔太辛苦,星期五晚放工返屋企瞓一陣穿左少少水,跟住即刻洗頭同沖涼自己帶齊走佬袋諗住坐的士去醫院,出落下大堂就見到老公,跟住就一齊去la…
    點知等左24小時仲未有動靜,於是星期日上午打催生針,兩小時後聞氣,再打針, 下午一時許9度,可推入產房,再多兩小時,阿囡就出左世la…最開心係星期五至星期日搞掂,老公不用請假的情況下陪阿囡出世…

    之後真係坐唔到,再加埋唔敢沖涼3天,之後就由陪月煲疆水沖涼,記得用番花灑的第一天真係爽呀!

    今胎唔諗住請陪月,天妍康D料掂唔掂呀?

  14. 引得大家都出厘講,真係開心!

    TC: Congratulations! And a warm welcome to you and thanks. Pain management… yes yes, I’ll certainly have to revisit my books and notes on that!! Soon!

    kw: 歡迎你!喜見有爸爸留言 :)  祝一切順利

    siugub: 其實我只是寫了開心的事出來。一出院,身體唔好,冇奶,整個月又每日有人俾我嚴重心理壓力,個神農氏洗衣機仲要扭計呢!好在有爹爹,唔係我會嚴重抑鬱。唉都係唔好再提。

    eeb: 謝謝良方!聽吓都覺好味 :9  你上奶後之後一直有飲嗎?還是不需要了?
    有冇原本差奶量的媽媽因為佢而增產?

    mama: D料不錯,但如果天氣熱,D"郊外油菜"不時已經變壞。

  15. 思思阿媽

    只係5蚊銀甘大既見紅就比爸爸dick左入院, 再黎唔知點解會發燒要比人圍比人抽呢樣抽果樣, 跟住係我6點幾食緊晚飯時話要照u/s 同埋話我知胎水小要開刀, 另因食左飯要係產房呆等成4個鐘先有一個好似未畢業甘既樣既醫師黎話同我開刀, 係手術床上只覺又驚又凍又震, 因urgent唔比爸爸陪, 半身麻醉, feel到比人開左肚搵緊野但係重聽唔到喊聲, 好彩係自己想喊之前思思生生性性喊左先 .. 頭尾無記錯半個鐘度.

    重唸緊好唔好生第2名 ..

    另eeb,我咪就係$c9 囉

  16. skchiu

    我都係一個隱形讀者, 呢個生仔話題, 都引到我要留吓言 …
    生第二胎係快好多! 我由作動到細 b 出世都只係兩個鐘內嘅事, 仲要初先作動痛都唔多覺, 死都仲要瞓多個鐘頭至決定飛的生仔, 一瞓上張檢查床就見到頭仔! 希望你o黎個快靚正嘅妢娩!!!

  17. skchiu

    (唔係賣廣告, 本人與天妍康並無直接或間接關係)
    天妍康, yeah !!! 我都係佢幫襯佢地, 免得我花時間費腦汁諗食咩, 而且仲要教亞姐姐煮, 真係唔好玩喇!

  18. al

    媽媽阿四, 你好! 我睇你個blog已有一段很長時間, 你寫嘅嘢成了我的"每日必讀", 謝謝你的分享, 道盡了為人妻為人母, 甚至為人顧主(對家傭而言)的感受.
    我生阿囡時(兩年幾前), 初初無咩人奶, 後來陪月煲木瓜, 花生, 章魚, 雞脚, 我當水飲, 飲了一日, 第二日奶量就如泉湧啦! 你不妨一試. 祝你生產順利, 身體健康!

  19. 我有個醫生老公,咁先至衰,正因為佢咩「場面」都見過,到我作動好肚痛好肚痛之際,佢話「你真係唔洗頭呀?之後有排無得洗喎?」我話:「我痛到洗唔到喇。」佢話:「咁你等我洗埋先啦。」吹漲﹗

    不過,我係因為唔記得生完唔好洗頭沖涼,所以第二日已經洗左頭沖左涼,唔知係咪咁,所以而家身體真係差左。

  20. LokLokMaMa

    我都係一個隱形讀者, 我都忍唔住要留言 …
    我都係第二日已經洗頭沖涼, maybe due to my bb born in summer, 我開刀生完當日覺得好熱, 不停出汗, 第二日已經成身臭, 唔沖唔得, 坐月時每日都洗頭沖涼, 只係用花灑沖熱水, 同埋立刻吹頭, so far 20個月以來身體都ok, 所以我覺得坐月時沖唔沖涼都係depend on 自己本身身體.
    阿四, I love to read your blog and you make me laugh all the time. Please keep on. Thank you!

  21. eeb

    skchiu,
    妳係咪成日上bk母乳版個skchiu? hello!

    4,
    有d人既講法係有"上奶"同"發奶"食品,前者幫助產婦上奶,後者增加奶媽奶量,我覺得南棗屬前者,而後者我飲黑豆漿/黑豆茶同通草 – 好多奶媽都話飲完黑豆漿即泵多一兩安﹗
    黑豆漿各大超市有售,黑豆茶同炒米茶近似,又係白鑊炒香d黑豆,再用黎煲水,通草我亦只係煲通草水,都係又平又簡單既嘢。
    良方只有一條 – 喜樂的心
    第二胎通常奶水會多d,唔好擔心,我個妯娌o係外國生,5日先上奶,個b餓足5日都係咁,人地d醫生護士見怪不怪,有需要時先俾少少葡萄糖水bb,bb有儲備,無咁易餓親,不過唔可以俾grandparents知囉。

  22. 阿四你已成為師奶之神一呼百應!讀你的16和各位媽媽的經驗,好精彩兼好痛啊!我出世得丁點五磅都未夠,家陣牛龜馬大。知識的確是力量,我產前讀勻圖書館借來的生仔書,瑞典派美國派香港派各家各說,看完一切我安心生我的,第二天便去淋浴,突然阿宮收縮。。。哎哎都係不要再赫親你。

    剛才讀都個個都有陪月和南棗水飲,我原來一個人將苦水都化為奶水。朗朗媽Kelly在facebook link了這個:
    http://news.bbc.co.uk/2/hi/health/7867686.stm

  23. eeb

    有d人既講法係有"上奶"同"發奶"食品,前者幫助產婦上奶,後者增加奶媽奶量,我覺得南棗屬前者,而後者我飲黑豆漿/黑豆茶同通草 – 好多奶媽都話飲完黑豆漿即泵多一兩安﹗
    黑豆漿各大超市有售,黑豆茶同炒米茶近似,又係白鑊炒香d黑豆,再用黎煲水,通草我亦只係煲通草水,都係又平又簡單既嘢。
    良方只有一條 – 喜樂的心
    第二胎通常奶水會多d,唔好擔心,我個妯娌o係外國生,5日先上奶,個b餓足5日都係咁,人地d醫生護士見怪不怪,有需要時先俾少少葡萄糖水bb,bb有儲備,無咁易餓親,不過唔可以俾grandparents知囉。

  24. eeb

    skchiu,
    妳係咪成日上bk母乳版個skchiu? hello!

  25. 通草煲猪手, 上奶好好, 不過唔係幾好食。

  26. #6,阿包一歲前,我沒給她喝過水。出了牙後,才給她喝加了flouride的瓶裝水。

    #12,你梗係生到慒咗。

    你呢次一定更掂。我們精神支持你。

  27. skchiu

    hi eeb (DIY 高手),
    skchiu 正是!!! 你好 你好! 我地又係網上見面!

  28. skchiu

    e, 點解我打完 d 嘢 sumbit 咗, 唔係即刻見嘅?

    eeb,
    係呀! 我係 bk 嗰個 skchiu!

  29. eeb

    唔係高手,搞d嘢減下壓咋。

  30. 唔飲水是怕chlorine?

  31. 米兄: 唔係,其實係因為如果要成功餵人奶,阿B初生頭幾日的餵法好緊要;又,如果埋身餵,奶量多數會比泵好D(但當然泵到好多的媽媽亦大有人在,羨慕死人)。
    所以,頭幾日最緊要唔好俾阿B啜奶瓶,因為太易啜,就唔會再想辛苦啜阿媽(要大力好多)。
    仲有,如果飲左水,撐住個肚仔又會唔願啜媽媽奶,結果練習不足,可能又失敗。
    但當然,如果阿B體重同output不如理想,又另作別論,唔係可能有dehydration.
    By the way,如果是全人奶B,之後也是不應亦不需飲水,因會導致冇胃口,飲唔夠奶吸收唔夠營養。(人奶裡面已經夠晒水份。)小C正式第一杯水是半水以後的事了。

    skchiu, al & LokLokMama: 歡迎!

    eeb: 我果時唔多敢飲豆製飲品,怕食到個B多氣,colic,喊上加喊。黑豆會比黃豆少D氣嗎?

    readandeat: 直頭!哈好似淨係妳一個留意到我D懞嘢!

    菲: 謝謝!

  32. LokLokMaMa

    我果時要五日後先有奶, 正式上奶更加係之後, 所以頭幾日俾阿B啜奶瓶, 之後逐步少至around 2個月先係全人奶B(全埋身餵, 因為阿B後來refuse啜奶瓶). 我有飲豆漿and黑豆漿, 我覺得黑豆漿work過豆漿, 另外勁飲魚湯(鮮魚加章魚乾), 有人話每日一定要食飯, 我都照follow, until 6個月全人奶supply都ok, 之後加solid food先無飲魚湯, 不過都夠餵到十三個月我自己停為止.

  33. eeb

    “黑豆會比黃豆少D氣嗎?"
    唔知呀,不過我唔覺飲完黑豆茶/漿自己有氣,bb既屎尿屁都好正常 :-p
    但我知黑豆漿無黃豆漿咁寒
    同埋呢,我煲黑豆茶都一定會放果皮,老人家教坐月時煲乜都放一角果皮。買定d靚果皮,好香又唔苦,可以驅寒。
    好似loklokmama咁講,魚湯真係唔少得,有一種細魚叫"梳欏魚",褓姆個個星期都煲,加青木瓜,雖然我唔鍾意陣腥味,不過飲完三碗o個晚奶量特別好﹗
    (見妳無乜提,其實有無老人家會幫下你地手?)

  34. 好,今次一於試下黑豆漿!
    就可惜我好怕果皮陣味。。。

  35. eeb

    “怕果皮陣味" -> 唔加果皮,加少少薑囉,不過有d食物個味又唔夾… …

  36. 「折返房裏找小C」──呢句最似你。🙂

    本來想問為什麼不讓嬰兒喝水,原來你已解答了。

  37. leona:  係,呢句其實係全篇嘅精髓,我最中意。可惜似乎只有你和readandeat看到!

    eeb: 昨天買了點點綠的"黑芝麻黑豆漿*粉*"旁身,唔知有冇用。。。

  38. 通告: 剪不斷的臍帶 « 媽媽阿四

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s