良方


夜半三點。

有人手持水杯,推開房門,一個屁股貼過來。

有人裡應外合,推向漆黑,一個屁股西過來:「家姐,是妳嗎?」

有人暗地呻吟,闔眼裝睡,一個屁股迎接那穿着輕鬆穿的屁股:「為何要選今晚???」

話說這晚自黃昏起,我無端肚痛得要死,腰都直不了,再被古惑屁股在裡頭不時突襲,真的想死。上次有同樣的痛,是誕下小C的前一夜。

我仍然裝睡,心裡盤算明早如何如何去看醫生,又如何如何跟上次般安排小C的作息接送流程。

有人小聲噓過來:「明早我請假,陪妳到醫院看醫生吧。」我在荒島聽到另一把人聲。

黑暗裡我發覺自己臉龐濕了,害我還要撐着痛下床找紙巾。

翌日,屁股脫下輕鬆穿,換內褲上學:「媽媽因為有人對着妳咳,所以昨晚妳要擦鼻涕嗎?」

噢原來妳知道了?

醫生要我進產房量度子宮收縮頻率,需時一小時。如果真是作早產,就馬上把我送去瑪麗醫院。

醫生,你搞錯了,我一小時後要到學校接放學喎!……噢對了,我還有兩個月才能生喎。

輪椅把我送到產房,我一躺下,那該死的子宮就開始罷工。一個小時裡,一個收縮也沒有。我肯定,那姑娘覺得我在扮嘢。

爹爹堅持這裡就是小C出生那間房,他在沙發上坐下,只看了黑莓一分鐘便也收工。

「謝謝你昨晚決定陪我來。」

「我還道妳是痛到哭了?」

你應該知道,痛,從來不能令我流半滴淚--我訓練有素,我曾經會每個月都痛得死去活來。

但在夜半的荒島上發現有人,我就會輕易眼淺。

被打發回家的我痛得越發站不直身,在家裡用Osim卻怎樣也複製不了那令我子宮罷工的床位。

真是因為那個床位嗎?還是,夜半荒島上的人聲?還是那年那天只有你我的那個待產房?還是,你專心與我說話的一小時?

----

後記:醫生話,喂我幫唔到妳,吽仔就係咁。她處方了神奇維他命B雜,腹痛便好多了,現在改為胸口膊頭不定時怪痛,可喜可賀。

書話,懷第二胎,筋骨鬆了,會比頭一次痛;懷第三胎又痛過第二胎,第四胎又痛過第三胎,生第五胎又,哈哈哈哈唔係你估!!

32 則迴響

Filed under 爹爹, 生仔, , 阿四

32 responses to “良方

  1. 洛言

    希望這個留言不會造成不必要的恐慌、不安或八八卦卦的說話。

    我不知你的實際情況如何,但真的要小心,千萬小心。有什麼小問題都要找醫生。

    早產真不是講笑的,對小朋友,對你,對家人,小心一時兩時三時,可免日後一年兩年五年十年二十年的煩惱。

    可省操勞省操勞,可少勞心就少勞心(我知是很廢的廢話)。

    沒事就最好啦,係咪。呵呵呵~ ~~

  2. mama

    吽仔真係好辛苦! 第2胎比第1胎辛苦, 成身骨痛, 身體好似差過以前好多咁, 大家都要小心小心!努力啦!

  3. 沒事沒事。

    唔係喎,我聽人講,生第二個易過生第一個。你生完講嚟聽聽。

  4. 這次是溫柔的眼淚。

    無論多痛,很快會被快樂淹沒。

    還是要好好保重,不要一味倔強。

  5. 保重呀!希望你晚上睡得好,日頭精神好。

  6. very touching piece.

    take care!

  7. amy

    雖然今胎或會更痛,但你除了爹爹 ,還多了個體貼的小C。

    好好保重,祝一切順利!

  8. 耶穌錫錫!! 眾粉絲偕眾粉絲仔粉絲女錫錫!!

  9. 唔好信人講, 話生第二個易過生第一個呀!
    書話, 生仔一胎比一胎痛, 有道理!
    (註: 小C爹爹, 見字請不要吝嗇你那道獨門良方…)

  10. 肚痛可大可少, 小心啊! 有咩唔好等, 快快見醫生啦。有L遮, 小C應該冇大問題, 放心好了。爹爹好體貼, 抵讚啊!

  11. 九十九

    阿四加油

  12. 納奧美:

    哈哈﹗我未生過。唔知。

  13. 我生第二胎悠悠時的確快多而痛少了,但第二日當阿宮收縮時就痛過生方芳時。。。都幾多。
    阿四小心保重為妙,不要為D芝麻司機勞氣,小C爹爹請少看籃莓多呵護阿四,大肚婆得個肚架咋,好脆弱架個心。

  14. YauYau

    Take are ah! Hughug from Zoey~

  15. Jenni

    please take care…

  16. 我2個都開刀,第二個冇咁痛。聽d 朋友講經驗,順產生第2個時會快d,冇咁痛。放心。

  17. cc

    我個時大肚又搵工人又搵屋又搬屋, 真係做到生, 個時真係好想好想身邊個個會同我講:你 mud 都唔洗理, 有我 …… 咁呢其實我都好多謝佢放左1個 week 假陪我生 …… 雖則佢帶埋 notebook 同黑莓來醫院 …..

  18. Sylvia

    T.T take care of yourself

  19. jujumii

    take care, 阿四

  20. 謝謝關心,今天又好了一點點。By the way,我冇收買到納奧美/lousyma播。

    另,我在文內說得不清楚,現已更正:

    書話,*懷*第2胎時,通常筋骨會比*懷*第1胎時痛。

    至於生時,我一向以為每次都會比上次易,但聽lousyma的生後子宮收縮痛,唉呀,真係晴天霹靂!!

  21. Take care Ah 4!! I don’t want to scare you too, but if your Braxton Hicks are like that, you really ought to watch out. I had pre-term labour scares too when I was carrying 1 1 (extremely scary), and was ordered best rest for a few weeks, steroid jabs etc……Relaxing and keep yourself stress free is key according to my Obs. Take good care, and enjoy the rest of the normal kicking days from 二少before you meet him face to face。

  22. >懷第二胎,筋骨鬆了,會比頭一次痛

    哎,唔講,(我地啲男人)真係唔佑喎

    咁,我應唔應該話俾米太知呢...?!

    又,祝安好~

  23. 阿四加油呀!我未試過懷第二胎,沒法分享這方面的經驗。我其實非常怕痛的,奇怪是生BB時有多痛,都覺得可以忍受,而且佢一出世就忘記得一乾二淨,大概作為媽媽的都有這份能耐。祝你生個健健康康的 BB。

  24. 對不起是我寫得不清楚,我意思是順產第二胎之後的子宮收縮痛,比第一胎事後的收縮痛多了,並非比生產過程中的陣痛厲害。

    據我媽說:連生仔時的狀況都會遺傳的,我媽四胎愈生愈順,所以我都係。小C 出來時怎樣?你還有兩個月,那些搵笨假痛可能會再來,唔好理D護士個腦,一有衣郁即check為妙!

    祝小d 順順利利降臨阿四的偉大懷抱!

  25. eeb

    “書話,*懷*第2胎時,通常筋骨會比*懷*第1胎時痛。"

    唔只書話,我上次返QE,姑娘都係咁講,話第二胎d反應通常都大d,因為身體自己有了第一胎的經驗,第二胎既 “訊號" 會勁d,… … … … (刪數百字)

    我心諗,關咩事哎,第一胎時萬千寵愛,有時間食有時間瞓;陀第二胎時萬千寵愛早不在孕婦身上,湊得仔黎就無淡好食,肚內肚外的人仔也不讓媽媽或自己睡,梗係辛苦d啦﹗

  26. 凱允媽媽

    阿四加油!!保重呀!!!
    懷孕過程就係咁!一時讓人鬼咁歡喜,一時讓人鬼咁憂心。但就正正有呢D小插典牽動住我們的神經,懷孕過程才變得更實在、更精彩。
    我相信每個大肚婆都是獨特的,自己的感覺最緊要!一有甚麼懷疑就去睇醫生啦!

  27. 米: 講左後,你take notice,已經夠係好男人啦!
    另,乜原來你氹緊米太整個米B仔,唔,坦白從寬播,哈哈。

    lousyma: 不,我知你係講產後,但已經夠恐怖。

    eeb: 係啦!!!!!

  28. 枕邊人體貼地送上荒島人聲固然使人感動,小c體貼媽媽知道媽媽哭過了,更賺人熱淚
    阿四,有了這句話,湊小c大人的辛苦,真是乜都抵番哂

    仲有,我媽生我痛得死去活來,生弟弟卻"咕"一聲搞掂
    她說會越生越輕鬆喎

  29. >>懷第二胎,筋骨鬆了,會比頭一次痛

    陰功咯,我仲道聽途說咁話比阿Moon聽會無咁痛添,(點知真係痛過第一次好多)。

    阿四媽,保重呀,你仲要接招架。🙂

  30. 哎哎哎, 我都未生過第二胎呢!
    不過, 如果除了媽媽本人之外, 人人都相信陀 / 生 / 生完 第二胎比起陀 / 生 / 生完 第一胎更辛苦的話, 咁對做媽媽的, 都係一大福氣呀…

  31. 嘩,俾你前文嚇襯啊,好彩冇事!不過近日流感高峰期,你出街記住帶口罩啊!好好渡過呢兩個月:)

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s