朋友認為我應立刻特訓L遮的廚藝

愚以為,跟許多世事一樣,若要煮出像樣的菜,其實只需要時間和興趣;但要煮到曉飛如Readandeat三日唔埋兩日的滿漢全席,當然另作別論。

很多人有時間但沒興趣,比如L遮。

過檔之前,L遮跟過一位高手阿太當了四年二廚,若然有心要學,不曉飛都應該會遁地了,但此人沒心沒思,一見你下手便別過頭走人--哪管你下手前很鄭重很慢很鄭重很慢很鄭重很慢地重覆了三次"watch me…… look at me…… look!!!!!"

所以我告訴朋友,此L遮來了才兩個星期,我想,我還是先讓她依我的order把水果切好--或者,依我的order在記事簿上寫下正確的order,再算。

另外有些人,有點興趣但沒時間,比如我。

大部份蛋糕餅類有100%的路可循,肯定錯不了,所以我只會用焗爐。要見大師的真功夫,只消請之炒碟芥蘭牛肉。要我出醜,也照樣請我炒碟芥蘭牛肉。

我有個不理智的堅持:除非手上拿着健康食譜,否則如果要我跟足一般現成食譜高鹽高糖高脂用白麵粉用白糖,不錯或許能做出跟外賣一樣香滑甜冇益,但我寧願去買外賣。

我的出品總是混了全穀又盡量減糖或以果汁代之,所以除了剛出爐時,實難以與街外品之香滑甜冇益相比。儘管不能贏進全家歡心,如果至少還有一個小小大鄉里知音奉承我,要我下回再來一次,就夠。

17 則迴響

Filed under

17 responses to “

  1. 你個人頭,我邊度識飛吖?

    我煮餸也是不落鹽,糖也沒有落的。

    講開芥蘭炒牛肉,坊間常教人用梳打粉醃一會,牛肉會冧啲,我就不喜歡了,冇晒牛肉味,成口梳打粉味。

  2. 媽媽阿四, 我總是好藝術脾氣又總以為用的是自己錢(呢又有一方面係我唔識計數), 恃著自己有小朋友撐腰就大手筆的買買買, 每次一人一份後總有幾份剩下來, 這幾份又不夠我畫班數十個孩子分, 與其放著不如轉贈我偶像大c, 煩請給我電郵告之地址, 謝謝! ^^

  3. 咦有字不見了! 是大手筆的買買買畫畫班物資!
    講多一句, 現在服侍各位小朋友已是我份內事, 比起平常所做, 寄小東西給大c己教我輕鬆得多. :p

  4. amy

    我是大部分中菜都唔掂的,也最喜歡焗焗焗。

    最近上網發現焗糕點時可用applesauce代油,買了一樽備用,周末有空試試效果如何。

    我同意你的堅持啊!要不就不告訴我有多少糖,但要我自己親手將整杯糖倒下,我就是做不到。

    另,其實之前想說你有"優雅氣質",打漏了。: P

  5. eeb

    其實好多食物本身都有味,只要識煮(洗/切/配搭,盡量保留食物原味),唔需要再加調味料,可惜老公食慣咗重味嘢,佢o個份會自己加豉油。

  6. eeb

    amy – 咁妳有cooking papa嘛﹗話時話,返咗香港未?

  7. amy

    今日返到, 而家大覺訓緊。謝謝關心!

  8. readandeat: 我也最怕出面D梳打粉牛肉!

    葵姐姐: 你真有小C心!我們跟她約定,生日才有禮物,不如10月她生日才寄給她好嗎?謝謝! 🙂

    amy: 我都猜到你該是打漏了,但我又不敢認有"氣質"!

    eeb: 就是囉,成年人的味蕾都被破壞了,損失的是自己。

  9. 不錯不錯, 大多數的菲遮印遮, 都是「時間大把」但「無心向學(廚)」的一群!

  10. 菲姐的「煮」是她的工作,你的「煮」是你的興趣...而且也不是人人都對食有這麼高的要求...所以太高的期望難免失望。

  11. 嘩到時我可能唔係到做重返校園架啦, 不過為左偶像我一定會公器私用, 到時玩交換禮物得唔得先?

  12. 菲遮印遮,如果叫佢地煮返佢地家鄉地道菜,好多都煮得幾好架。
    要佢地煮「外國菜」,點攪都唔好食,我覺得,主要係因為佢地自己根本唔鍾意食。
    我媽媽家個印遮,唔食豬,但我地好豬,佢連試味都唔得,煮出來食得都算係咁啦。

  13. 葵: hahaha一言為定

    米: 我的期望不是零,是負一。

    chilli: 下次影張佢D一鑊熟俾你睇,點睇都唔似係家鄉菜囉……佢都自認。

  14. Audreyma

    米搞,孜爸也這麼說我,唔通男女確不同?

    我可以接受做出來的飯菜不好吃。

    但我不明白為什麼不用心去做?或為什麼要黑臉?

    何解呢?真係。

  15. 不願意學就是不敬業。

  16. ha ha,佢個CV可以寫佢善長一鑊熟。

  17. eeb

    焗蛋糕我都嫌熱氣(對幼童),昨晚簡單地蒸了蛋糕,少糖少油,Larry很欣賞,只雖15分鐘準備(緊係要有電打蛋器先咁快啦),蒸20分鐘(只要較鬧鐘,其間不用睇火),都算係平快靚正既健康小食。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s