請善待大肚婆


(如果有天你在街上看見男人拿着一個大女人手袋,對了,那就是我身旁可憐的爹爹。所以,不要又懶醒,以下不是在說他喎。)

一、別問大肚婆為何妳的肚這麼小:「妳肯定妳真的大肚嗎?」我醫生說,肚小才易生。

二、別問大肚婆為何妳的肚這麼大:「妳懷孕13個月嗎?」我說,肚大又干卿何事?你是經手人麼?

三、別摸大肚婆的大肚,我們不是互動展品。我可以摸你的下巴你的屁股你個鼻你條腰嗎?

四、可以不為大肚婆或手抱孩子的人開門,但別讓她們互相開門,更別讓她們為你開門,尤其如果你是位西裝骨骨的中環猛男。

五、大肚婆在街上要上今天第五十四次廁所,別黑臉;如在家裡,更別鎖起門要她往樓下去。

六、別告訴大肚婆她總在杞人憂天,別告訴大肚婆全世界都說她在杞人憂天。據統計,97%的大肚婆都杞人憂天,憂在銀行排隊時穿陽水憂醫院沒床位憂醫生遲到憂護士逼BB用奶瓶憂痛憂好痛憂奶水不足憂便秘憂我會否是個好媽媽憂你會否是個好爸爸。你試試將大量荷爾蒙注射體內再綁個廿磅啞呤每天壓住你咕咕踢你咕咕ㄚ。

pregnant at 6 months 七、別一次一次地問大肚婆妳要不要吃蟹吃鴨吃芒果,你的記性該比大肚婆好。

八、別嫌大肚婆不吃蟹不吃鴨不吃芒果:「妳話事啦,我根本甚麼菜都不能點啦。」

九、別在大肚婆面前吃蟹吃鴨吃芒果。

十、坐月期間,尤其是剛剛刮宮呀通乳線呀之類後,別讓令她神經緊張的人硬衝進家裡,別讓她神經緊張。

對於第二任/N任孕婦:

別忘了她是大肚婆。

(圖為一個月前的大肚婆。OK,知你會問--那天我戴着爹爹的錶。)

36 則迴響

Filed under 生仔

36 responses to “請善待大肚婆

  1. 洛言

    我試過坐地鐵時看到一位前隆背凸(有背囊)的女士,我讓座,她好像有點錯愕這才坐下。背囊幾乎不能放在身前的雙腿上。幾個站後,她轉車時特別走到我面前笑著跟我說,我要轉車了,再見。

    另有一次,我讓座給一位中年女士,她問我,一再問我,你讓座給我?我大概是搞錯了。當時有點尷尬,只能點頭和傻笑。

    對大肚的女士,我寧願搞錯,也不希望坐車時自己坐著對方站著,拿著大包小包還要蹲下執拾地上的東西。

    大肚婆大晒又何妨。

  2. 十一. 別忘了不時稱讚你身邊的大肚婆: 妳好靚。阿四, 妳好靚喎。

  3. 洛言:好一句"我寧願搞錯"!上街遇到你就好。
    另,歡迎你 :)

    菲:哈哈,唔係你估。

  4. eeb

    個肚好靚好適中。

  5. Audreyma

    最喜歡那句"你試試將大量荷爾蒙注射體內再綁個廿磅啞呤每天壓住你咕咕踢你咕咕ㄚ"…..

    什麼是最愛?唔知呀,但一個女人肯不顧身材不分昼夜不計後果生件叉燒,又願意親自照顧她,盲都知她愛你。

    我大肚的時侯和一個馬來西亞女仕開會,她一見我可激動,說切記切記BB生下後一家3口享受你們的幸福光蔭,那屬於你們的。中國式坐月最不要得,每天不斷有不同的人來探初生媽咪,指指點點,這樣不行那樣不行…

    又 – 那些沒和小生番享受過旅行的,點講都唔會明,和沒做過大肚婆的道理一樣。

  6. audreyma & eeb: 我愛死你地!!hahahaha

    audreyma: 我個人好深閨,最怕人坐月時"探"我。。。那個馬來西亞女士好有智慧!第一個月的bonding好重要,如要見其他人,之後大把機會。爹爹上次放了好長好長的假,幫左好大忙,難怪之後個女好中意爹爹。冇野比見到個老公同個B互相認識更能令一個好可能會產後抑鬱的人更開心。

  7. 六個月了,快喇快喇!

  8. 大肚都靓得你吖!
    大肚婆固然大晒,那靓嘅大肚婆如阿四你更加要大晒囉!!
    真係好靓呀你。

  9. eeb

    希望爹爹今次也可以放好長好長的假。

    四,妳咁有諗頭,實有謝絕坐月期間親友探訪蓬頭垢面產婦及弱不禁風新生兒大法既﹗

  10. 仲有,肚尖尖,就算早前不知道是二少,现在都会看得出,好“仔”肚!!
    係呀,我认咖,我都几八婆仔咖。

  11. Heyu mama

    真係善慕死人,大肚得你咁索,好有條件整多幾件囉!

    我生完我老公話我唔適合生,因肥哂落我度,生完又收唔倒身,激死!

    我自己都唔想人探我,不過有朋友探,都好開心,心情都舒懷D!無咁抑鬱!

  12. mama

    好靚喎呀四! 我仲估你會剪短頭髮等坐月等餵奶,幾時生得呀?

  13. 如果個個好似洛言寧願搞錯也讓坐真好!!我大肚時坐地鐵, 讓坐給我是一個白髮斑斑的婆婆, 其他西裝友, 學生哥, OL一律睇我唔到….., 我都唔敢坐, 因為真係怕阿婆跌倒, 到時真係罪過….

    其實能做一個大肚婆真係好幸福, 到而家就算係抱住(佢懶唔肯行)廿六磅既文懿周圍去更令我覺得自豪…,辛苦….辛苦多幾耐丫, 佢大d唔俾你抱, 唔俾你拖, 唔俾你掂既日子好快就到, 真係而家要多多享受至得呀!!!

  14. C媽

    張相好靚, 突顯你好溫柔, 同平時牙尖嘴利的你有點不同.

    後話: 是褒不是貶!

  15. 我都係生2件,我都係一女一仔,不過….我肥得多。所以都比人話你個肚好大,係咪孖架?

  16. Clara

    嘩mama4 真人"露相"了!多謝你o既分享,可能下次o係街撞到會認得你… 條裙 & 爹爹隻手表 hehe =P

    其實我係一直都好唔想生,怕痛怕無晒自由怕無錢怕湊怕大責任怕肥怕個b唔好樣 etc… 身邊個個都話 “你宜家廿幾歲係咁講,到你三十歲/結o左婚就會想生ga喇"

    到到睇o左你地咁多位媽媽o既blog一排,有時都會俾你地感動到… 想生

    剛睇到 audreyma 果句 “但一個女人肯不顧身材不分昼夜不計後果生件叉燒,又願意親自照顧她,盲都知她愛你。" 又覺得好慚愧,或者我唔夠愛我o既另一半 (hmm… 其實我仲未結婚 hehe)

    講o左好多添 =P

  17. 思思阿媽

    絕對同意第十呀 ~
    所以我坐月果時明知阿99係門口襟鐘我都扮聽唔到唔開門, 重即send左果sms比老公話我訓左
    我最憎d人電話都無個就走上人地屋企~ 重要帶住一大堆鬼唔搭8所謂既親戚(3年都唔知見唔見到一次果d)

  18. 嘩,全世界入面排第二靚既大肚婆喎~

  19. eeb

    思思阿媽… 妳係唔係$c9呀?

  20. 我生第一個時,嬲左全世界, 原因係99話坐月冇人會嚟,點知佢果邊幾乎日日嚟,話要睇bb。一個粉團淨係瞓有咩好睇!又大大聲同人傾計話我點解冇奶…….講起都把火。生之前,自己要做好心理調節先,如果唔係會顛。

  21. amy

    唔出樣都feel到你既優雅氣,真不愧為我地既偶像!

    是真有baby blues的,我生前也以餵人奶無暇應酬預先通知了老友記頭一個月謝絕探訪。

    裙子好美,該不會是bossini出品?: P

  22. siugub

    雖然好多人都講了, 我仍禁不住想講: 阿四你好靚呀!

    可鄰我大肚, 肥哂落自己到, 個囡就瘦, 出世得5.5磅, 我就肥了40磅呀!

    超級同意, 最憎人坐月來探我, 已經好累好想訓無得訓, 親友來探望仲要我起身梳頭換衫抱個b出來招呼大家.

  23. amy & C媽: “優雅氣" & “溫柔"!!!!! hahahahha

    各位 : 所以我更加不可以露面,仍然做住"黃"面婆hahhahahah

    eeb: 冇任何大法,只有照直講真相:我好累。

    mama: 三月底 🙂

  24. 阿四好靚呀,超有氣質的大肚婆。:)
    曾有朋友同我訴苦,佢個生完仔披頭散髮醫院look俾人放上facebook,仲tag埋,陰公。

  25. 好美呀四,仲咁苗條!後面一定看不出你大肚!

  26. 很久很久沒有到訪了, 心血來潮在新年期間來看看小C近況, 才知道你有喜. Congratulations. 一直很喜歡不時看看你的分享, 多數只看沒有留言, 不過這一次我忍不住要讚讚你, 雖然看不見你的樣子, 從你平日的分享及相片中你的外形來看, 在我心目中可以肯定你是一位有氣質有性格的媽媽, 是與別不同的媽媽.

  27. 真係第一次見你全相呀!
    你真係一個靚媽媽!
    好有貴氣呀!

  28. 在海南島拍的?

    看你手臂沒有肥,生完肯定依然fit到漏油﹗

  29. 阿莫: 陰功,最鬼嬲D咁insensitive的人!

    creamblue: 謝謝,歡迎你發言!!🙂
    “氣質"唔敢認,但"有性格"是照單全收了  :)

    zach媽: hahahaha,第一次有人話我有貴氣,我也老實不客氣收了!!!

    readandeat: 對,是海南島。我不只手腳肥不起,連某重要部位亦如是囉。

  30. 納奧美

    哈哈! 面上果張貼紙就最有阿四feel嘞!

  31. 通告: 黃容黃蓉 « 媽媽阿四

  32. tracey kwong

    already finish having baby.At that time I WAS SCARED and it wasPAINFUL!

  33. claudia

    9 months already

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s