我們都在犯賤


剛發表過何為最佳旅遊時機,喜見有讀者和在下都有幸曾被質問:咁細個佢去完都唔明都唔記得,你盞嘥錢。

其實,今晚那碗飯,阿仔吃過後明天還會記得嗎?就算記得,明天來臨之前,如果不是多肉冇菜,還不是通通給你排出來?如此算來,所有孩子頭十年都應該挨餓。

其實食物吃進肚裡會化為營養留於體內,對於初生嬰兒亦然。不是說每個家庭應該現在立刻帶小朋友出門,我只是說,如果父母本身喜歡旅行,那麼手提生番出門--就算只是去南ㄚ島,請一次又一次提醒自己:當中經歷,孩子會用自己獨有的方法、於每個階段都不同的方法去過濾,吸收,跟那串沙嗲那嘴泥沙那陣草香那枚毒果那個薰衣草布丁那片咸櫻花永遠成為身體一部份。

帶着生番也逼你不得不嚴重地拉慢自己,用新的速度新的角度新的高度研究世界……的坑渠小鳥爛屋落葉。透過孩子的魔鏡,我們會驚覺原來自己一直錯過了太多。

不說別的,單是訓練爸爸(或媽媽)替生番在街上搞定大小二便早晚兩餐,其實已經值回票價。

和妳去旅行,就是讓世界停頓,讓妳帶我們看。

— 阿四(台北行

14 則迴響

Filed under , 旅行

14 responses to “我們都在犯賤

  1. 終於搵到同道啦,我帶一歲的囡囡去旅行,朋友都不以為然,質問:「佢都唔記得啦。」

    但,我記得嘛,我不單為她在吸收在學習,我是為自己呀,帶埋自己個女一家三口日對夜對餐餐飯一齊食,我記得嘛﹗

    這,又不是已很值得了嗎?

  2. 同意到極~~~~

    我覺得, 唔好計細路記唔記得丫, 就只當係父母一齊辛苦幾日+駛一些錢, 去換取一個畢生的回憶和共同經歷--一齊食、一齊玩、一齊訓、一齊搭錯車、甚至, 帶11kg以下小寶寶坐第一排+用bb籃, 講真, 係一世人冇幾多次架~~~~~~~

  3. amy

    同意x100000000000000000 : P

    我覺得, 就是一家人整天在一起, 不上網不聽電話一起來享受世界, 那旅程就已值回票價。

    而且, 也不要低估自己生的生番。

  4. 我們其實年年都去旅行的。除了第一年兩周遊(阿包一歲未到)是沒有怎麼考慮過阿包的興趣外(但我們成車都是她的裝備:背BB背架、尿片、衫、玩具、BB車、BB專用旅行床架、床墊……),其餘都是考慮啱小朋友的才去的。

    現在問阿包,佢當然唔記得自己當年去過邊。但係,一齊睇番啲相,聽我們講番旅行趣事,佢就笑到咭咭聲。

  5. 我同意雖然我仲未同yvonne去過旅行, 但一定係要將我地大人去旅行既期望全完減至零, 要從小朋友既角度出發, 否則係…自己會先激死….

    我擔心既係安全問題, 好似今早有報紙賣一個幾歲既去完malasia在飛機上咁就去左….所以我都會先跟團, 再等yvonne大d才會自由行….

  6. siugub

    這一篇真是說到心裡去.

    我覺得每個人對旅行的定義都不同, 有人對我說, 旅行是去放鬆自己, 帶隻生番同行, 倒不如留在家. 也有人對我說, 生番咁細, 同行辛苦佢, 倒不如留他在家自己去relax. 更有人對我說, 分開幾日, 回家見到生番, 小別勝初生呀.

    但對我來說, 一家人難得有機會一齊, 仲要全天候24小時無間斷, 捨旅行還有什麼. 而且2個人去玩, 留下生番, 就算生番得2個月, 我總覺得他們會知道自己是被留下來的一個, 幾日唔見父母, 點會唔知唔覺呢. 如果你想生番被"教育"成重視家庭的人, 首先你就要以身作則重視家庭的整體性. 而且正如阿四所言, 旅途中就算見到一隻狗一隻貓一棵樹, 也是建構生番的人生, 千萬不要輕視小朋友的一切呀.

  7. 小時候父母帶我去玩,去過那裏不一定記得,但愉快的回憶永不磨滅
    且讓我永遠記得,父母有多愛我

    贊成阿四!

  8. 納奧美

    去北海道也好,
    去南丫島也好,
    去買餸也好,
    去行街也好,
    去沖涼也好,
    去方便也好,
    我甘願, 我好想
    帶埋你帶埋你,
    因為你唔係能腳ge陀手,
    而係我
    歡樂ge源頭…

  9. 去還去,如果帶小朋友出門,應該要有充份準備。以前只有我們兩個,我們夠膽死去不毛之地,但是,帶小朋友出門,就要去些文明一點的地方。

    siugub說那單新聞,我看見也嚇了一跳。所以我們每次出門都要查清楚附近的醫院地址。我朋友試過帶小朋友去日本,結果搞到腸胃炎(?)入咗當地醫院吊鹽水留醫。但是,又毋須驚到不敢去旅行的。總之,做好準備。

    納奧美,哈﹗有時我真覺得是陀手的,尤其是人有三急的時候。去去吓,有人爬過隔籬廁所或有人突然無故打開你度門。

  10. 阿四, 之所以妳個blog我唔夠時間睇報紙都要到此一讀囉。用食飯來比旅行, 讓我讀得真過癮。其實對小孩子, 係咪要咁多計算, 要有咪回報才做啲咩? 去旅行, 佢記唔記得有咩所謂? 最緊要唔係大家果幾日好冇玩, 開不開心? 當你朋友話你知佢去咗邊度邊度旅行, 你多數都會問佢好冇玩? 唔會問佢記唔記得第二日幾點食晚餐姐?

  11. 你們說得都比我好。
    還有,對對,去旅行,更是為自己!

    唉,在世界再度180度扭轉之前,我真想去多次。。。

  12. 其實去過邊道記唔記得唔重要,小朋友自有方法吸收. 我得到的經驗反而係每當轉換環境, 大人細路都有機會從不同角度看同一事物, 從而成長, 例如:

    1. 原來三歲弟弟訓大人床好自律唔會碌落地, 大人唔洗再 gup 實有覺好訓….
    2. 原來五歲哥哥唔會再踢被睡袋可退休…
    3. 原來讓哥哥自已拍卡付車錢佢會緊張過你所以可以放心讓他保管張卡…
    4. 原來不在爸媽身邊哥哥會照顧弟弟可放心讓他們去 cousin 屋企玩好讓爸媽去拍施仔….

    除了 mental growth, 旅行後 physical growth 亦明顯, 尤其係搭完飛機 (有冇發覺搭完飛機指甲長得特別快?):

    xmas 去完香港+台灣, 哥哥高了 1 吋, 衫要正式換6/7 號, 鞋要大一號, 頭直情大左幾個碼, age 5 bike helmet 完全帶唔落, 要換 age 8 碼!

    所以唔理去邊度, 想小朋友快高長大, 最緊要出去行下!

  13. 搭飛機原來會高!!

    恭喜恭喜,兩兄弟大個仔喇 🙂

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s