文明馬桶


我巧妙地讓一行二人擠進廁格而不碰到任何牆壁,我把生番手喝止,我用廁紙抹乾廁板,我以雙層廁紙或廁所座墊舖好廁板,我口裡繼續敷衍着生番。

我很滿意自己的成就,我正要極速轉身坐下,一陣噼灕啪啦自動廁水把我的精心裝置很不經人手很優雅地沖走……一半。

唔該晒喎。

其實,自動沖水到底有多衛生?沙士時大家都知道沖廁前應先把廁蓋合上,否則就會享受污物微粒滿天飛桑拿。對於此點,好姐和爹爹以至小C都已被我洗腦--我一向都懷疑我應該去搞公共衛生,如果政府請我做廁所衛生專員,我肯定大家到今天還會記得把廁蓋合上。

好了,就算我及時在沖水自動來臨前將之截糊,我完事後它一個唔該立刻殺到,我此時究竟該是(a)犯險上前踢下廁蓋呢,還是(b)拉起半條褲及人仔踢開廁門逃生呢?

以此推論下去,文明的自動沖水設計大概應該在自動沖水前自動把廁蓋也先合上,夾住大家的屁股或比較麻煩者如我的雙層廁紙裝置。

又或者,索性把它廢了。如果不能發展為聲控,我寧願拿廁紙按下去。

在偉大的自動沖水系統被取締或改良之前,阿四醒大家一招:放一疊3M post-its黏貼memo紙在手袋裡,以後打開廁格遇上敵人偵測系統時,立刻在感應器前貼上一張,把其廢了。

至憎自動沖水。

(下圖為澳門二十年代官邸內之拉手馬桶,官邸現改為龍環葡韻住宅博物館。)

DSC09779 DSC09787 bathroom - note the flush toilet

8 則迴響

Filed under 阿四, 旅行

8 responses to “文明馬桶

  1. siugub

    我覺得那間葡人住宅, 真係幾靚, 可惜而家對出填海填到無乜味道啦.

    至於"沖廁前應先把廁蓋合上", 可惜政府唔請阿四, 所以仍未能將我家爹爹洗腦, 不過對阿囡我都有信心做得到. 唯一係, 對於公厠的廁所板, 我自己有時連望都唔想望, 所以會用速逃的方法, 開定門先. 不過對於自動沖水系統, 都唯有阿四你的方法啦.

  2. 我也好憎自動沖水裝置的。

    有時人未坐下就自動沖水,有時起了身等了成分鐘也不沖。真想摑它兩巴。

  3. 同意"讀食"君……那所謂"自動沖水", 有時似撞彩多d!

  4. 好多自動裝置都係咁,chilli 想洗手,因為隻手太細,點攪都冇水出。
    自動沖水,係用來招呼D去完唔識沖水既用家。

  5. 係播chilli mom,我醒唔起,呢個世界係有"唔識"沖水既用家!!yuck!

  6. cc

    嘩! post-its! thx.

  7. koala

    請問現在香港 D bathroom 有冇tissue o家? 記得十幾年前成曰都要帶tissue 出街, 仲要好frugal咁用。有D bathroom, 真係掂都唔想, 鋪紙都冇用。小解時需如坐無影櫈,一手拿手袋, 一手辨事 。猶如玩雜技。稍有不慎,足以半邊褲濕, 慘絕人懷!

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s