硬件


這是個可容納上千人的音樂廳,耗資一億,備世界級音響,有半個大會堂音樂廳大小,完工才幾個月。

我們情不自禁都張開口在聽,聽那個人滔滔不絕:「上個月英國甚麼甚麼管弦樂團到香港表演,就只獨家應了我們邀請,在這裡練習。」

我們是一班家長。那個人,是這學校的小學部校長。

我們跟校長離開音樂廳,推開另一道門再去朝聖。這次是一個標準游泳池,部分家長大概看慣了:「你們有溜冰場打曲棍球嗎?」

「沒有。」嘿你以為你考起校長了?「我們其中一位家長是某某商場老闆,每星期都免費讓我們用商場裡的溜冰場。」此善長肯定連debenture都可以慳番。「還有,若果你們想孩子學甚麼課外活動而我們又沒開班,都放心說出來好了,你出錢,我出力,我們給你找老師開班。」

一行人走到一室內空地:「你們看這屋頂,我們專程由X運木來做,耗資X元,充滿X國特色……(下刪十分鐘有關屋頂歷史解說)哈哈不過這比起我老家渡假屋那屋頂嘛,還小三倍。」我開始覺得,咦難道現在是閣下而非家長門要來面試曬冷?

有家長問到戲玉了:「唔,如果孩子面試時哭,如何?」

那還用說:「不合格!」

家長不識抬舉:「但可能他只是那天或那個小時心情差呢?」

這位家長你有完沒完啊:「不合格! 你可以告訴老闆告訴顧客你今天心情差嗎?嗱,我再舉例,如果那三歲孩子單獨走進那冰冷冷的面試室,以一敵百面對大堆陌生考官,問他名字他卻不答呢,不合格!顧左右而言他呢?態度差!不合格!」

清脆利落,所需時間剛好為屋頂解說之1%。

人本抑錢本,盡在不言,剛好正中不少家長下懷:咱們就是要打造如此精英孩子。嗯,今天趕緊多報三個面試攻略班,孩子一個,自己一個,孩子自己一起再一個。

億元音樂廳無罪,但我要不要小C與這些億元精英為伍為敵?我又要不要與這些億元精英家長為伍為敵?我們更要不要練出樣板好態度討好這個億元校長?

離開前每個家長均獲發精美影碟乙隻,介紹校舍,還有那屋頂。母校年前亦曾寄來類似影碟,我今天都已經七個月身孕了,早已食得瞓得,但現在想起,不知為何竟仍然想吐。

20 則迴響

Filed under

20 responses to “硬件

  1. Simon Ching

    話說回頭,那你又為什麼會去那哂命會呢?呢條友似 cap 水怪多過似會敎好小朋友的教育工作者唧。

    又,點解我冇收到影碟㗎?雖然其實我唔係好恨要。

  2. 實在太過份喇!阿四請千萬別讓小C小D 入這些瘋人院啊!
    話時話,咁煩咁癲,點解唔返米國?

  3. 嘩, 真係好得人驚。我讀完即有個回美國嘅諗法, 比lousyma講先添。係咪真係要讀這些學校, 長大後才有成就, 唉!

  4. 這個校長是做生意的嗎?什麼也講錢,好恐怖啊!

  5. sherry,這間一定是名店。

    如阿四所言,名店無罪,但這名店的銅臭味太重。

  6. simon: 因為我起初o林住校風仲過得去。
    Oh, BTW, 是個十幾人school visit罷了,並非三千人發佈會哈哈哈!
    另,而家唔使影碟啦,上去睇真野啦。

    lousyma&菲: 我就想囉。不過米國都有米國的煩野,但係真係會多D選擇。

    Sherry & readandeat: 根本就是生意佬啦。

  7. Simon Ching

    未先,呢間幼稚圍定小學呀,乜小C唔係3歲咋咩?大個梨極都未有耐要讀小學耶。

    哩度幾千里遠,要睇真野唔係咁易。而且我地啲閑雜人等都唔係話要睇就有得睇掛,我估。

  8. 小孜

    呀,我又遲咗,收咗檔添。

    北美南美歐洲的網友看,肯定好睇過三言二拍。

    在香港,如斯平常,像那間整個大廈都變身做手袋行李箱的,祇是從來繞門而過罷了。

    可憐天下父母心,7個月,那新校舍還要冇雷公咁遠。

  9. simon: 很多小學都附有幼稚園

    孜: 哈哈正是

  10. 嘩, 小朋友面試喊原來係罪黎呀—-好得人驚喎!!
    如果學校都唔係從小朋友既角度出發…..唔入都唔係損失丫!!!

  11. eeb

    名校(店)當然有浮誇既地方,但常規小學上常規中學就要跟教育局個五時花六時變仲衰過沒有制度既不完全母語教學,咪一樣咁惡頂。

    請問有無打聽到有學校係著重德育同培養品格架?

  12. 媽媽阿四,咁似另一篇聊齋既?真係咁誇?

    間千憶歌劇院,令我突然諗起黑柳徹子的《愛的教育》裏面間火車廂教室添……

  13. 不過,總有啲家長受既!
    因為,佢哋都係個類人嘛!

  14. MAMA

    唔通阿四諗住幫小C轉校?

  15. siugub

    非常認同eeb的話, 身為一個香港家長, 唔想受教統局那些今是而昨非鑊鑊新款鑊鑊金的禍害, 唔想小朋友去大抽奬唔知抽了去邊, 唯有求於私校, 咁又無奈私校=生意一盤, 錢字至上.

    更無奈是唯一道聽塗說比較好的三兩私校/直資, 又是幾百人爭一位的, 如果唔想拔苗助長一日上三個興趣班四個雞精班, 要考入只有靠運啦.

  16. Angela

    雖然做媽媽對我來說遙遙無期, 但我仍抱住少少"在聖保羅媽媽的世界裏,當然每個人都要入聖保羅!"的心態……
    但最近在facebook 看到那些硬件的相後, 我覺得, 我將來唔會afford 得起送我o既仔女入讀lor….. haha 還是死心罷了…
    以前堂費才$20, 現在每月學費是100 倍有多, 其實能教出好100倍的人麼?

    P.S. “溜冰場"那個… 是真的嗎…?? :O

  17. 小貓老師: 好句"從小朋友既角度出發"!!!實在有太多從家長角度出發的學校/乜班物班/家長

    eeb: 其實那不是甚麼本地名店,而是國際學校。沙田有間基督教國際學校,聽聞唔錯,可惜太遠,唉。

    嘉: 我兼職寫聊齋ㄚ嗎。hahaha我好中意你的聊齋論。我都好嚮往個火車箱。

    Angela: "現在每月學費是100 倍有多, 其實能教出好100倍的人麼"--好!!
    “溜冰場”當然係真,我邊學似校長/善長有如此創意。。。

  18. 我有朋友特登為左俾個小朋友開心啲,所以搬左去南丫島住,於是揾學校又冇咁煩,個小朋友又可以通山跑~ 不過唔係人人可以

  19. 羨慕!如果小C爹無需返工,我都一早搬左入島。不過南丫島尤其榕樹灣呢幾年真係好污糟好臭。

  20. 搵學校,好煩。

    其實lee個木屋頂學校係我既心水選擇。想讀國際學校,希望 chilli 有個開心快活童年。commercial 既就 大部份都好 commercial, 唔 commercial 既就 category 1 category 2 categorize 你。總之,我覺得比考 local school 仲煩。

    好彩,都只係阿媽煩,暫時 chilli 都係覺得返學同去 interview 都係好好玩。

    我帶左 chilli 去考 d local kindergarten(等佢愛上 interview),其中X心收左佢,有直升小學,果一晚,我真係有D心動,諗好唔好比佢讀,咁我暫時唔洗再係 lee 個學校苦海裡邊打滾啦。

    都係我老公D冷水一盤,「 你真係覺得佢可以讀到升小學?如果佢係咁淑女,果個仲係咪你個囡?」
    . . .

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s