胎動統計學


小小C是個麻煩B,哭得兇跑得兇永遠不睡,出世後的一年有多,我都認為帶孩子是地獄,認為自己黑盡,對「生多個」一事連想也不敢。

然後身邊的人開始三年抱兩,然後生理時鐘開始嘀嘀嗒嗒越來越響,然後有一天,我想:「嘿,一個人能有多黑?直落連生兩個麻煩B的或然率,又能有多高?」

我從前讀了不少統計學,我是早該趁小C大便時,擔櫈仔把課本從櫃頂拿下來,翻一翻,計一計的。但是你要知道,小C一天最多大便兩次,你不抓緊時間趁機鬆一口氣而偏要跑去擔櫈仔算統計學,那是甚麼話?此人還是阿四?而且,我討厭統計學。

那時十周大的馬騮二號只有西苺般大,但在超聲波銀幕上,我肯定那四肢的狂抓頻率不低於每秒六次,即每分鐘三百六十次,我肯定。

「有過度活躍症這個可能嗎醫生?他的馬騮大姊從前在肚裡都沒抓得那麼兇……」

「不,怎會呢,呵呵,妳看他多正常。啊說起活躍,有次有個媽媽帶着大仔來,那孩子才一歲多,在診所裡跑個不停,我一看就把他認出來了--他呀,那時在肚子裡差點有妳隻馬騮的一半頻率呢,呵呵。」

都說我討厭統計學。

13 則迴響

Filed under 阿四, 手足

13 responses to “胎動統計學

  1. eeb

    Larry 還在我肚裡時也十少活躍,不知過了多少個陪他翻筋斗的晚上,但離了水後,他十分十分文靜,不過呢,不愛跑不愛哭的孩子一讓是不會讓我有覺好瞓。

    他在我肚子裡時的活躍,可能只因為我嗜甜,血糖高,和統計學無關。

  2. 凱允媽媽

    讀阿四呢篇文引起好多陀小朋友既回憶哦!
    懷孕中期,總覺得"阿仔你使唔使成日無時停"。
    到後期要數胎動既時候就會掉轉頭"喂!做乜你日頭白白成日瞓呀!我仲未夠數交俾姑娘喎!!幫O下手動番隻舞先再瞓過啦!!!"
    胎動跟餵人奶一樣都係"奇妙旅程"
    已經決定收工既我再無機會試到了(往事只能回味)!
    阿四,你好好ENJOY啦!!!

  3. siugub

    小小C是個麻煩B,哭得兇跑得兇永遠不睡,出世後的一年有多,我都認為帶孩子是地獄,認為自己黑盡,對「生多個」一事連想也不敢。

    —-> can’t agree more

    當別人都說懷念BB初生第一年, BB很易湊很聽話, 初生頭一年對我是卻是個永遠不想重來的惡夢 — 食奶食一個鐘, 然後吐奶, BB沖身我沖身, 換衫, 再餵, 再吐. 然後兩個鐘後又再來過.
    半夜一個鐘大喊醒一次, 每次喊半個鐘, 再抱一個鐘才睡, 然後不久又喊醒. 我記得那一年, 我基本上是沒有睡過一覺.

    所以真佩服阿四的勇氣, 也希望你生一個好易湊的B, 只要你不相信 統計學.

  4. 哦,個醫生即係話,响個胎度郁夠喇,出左泥就會係定定地咁囉~

  5. 每個 Baby 都是獨立個體, 小D 有幾馬騮同小C 是冇直接關連的. 不過我相信上天好公平既, 之前果個似阿媽今次就比個就似阿爸; 上次比個乖既下次就比個曳的的既…. 如果最後小D係小C既番版, 咁阿四妳好快 D 去買六合彩!😛

  6. mama

    我都好同意馮師奶所講,我好多朋友都係咁講ga….
    呢個唔多鐘意睡覺,下一個一定是一個懶瞓豬! hahaha

  7. 多謝大家的好意安慰,唉,我心領

    siugub: 同哭一聲!我就是,生之前4個月沒好睡過,再加生之後2年。。。

  8. 同是天涯淪落人!

    我又係有個唔鐘意訓超級醒訓唔鐘意食係都要人抱要人理既超級demanding bb,頭一年(尤其頭半年)我都係活o係四面牆地獄裡…

    一覺訓到天光?我地一家(安睡在工人房既家傭除外)到宜家都未做到呀!我已經唔記得一覺到天光既滋味喇!

    不知何來既勇氣,宜家又陀住一個,我都好希望今次可以賜我一個易湊d既bb!

    不過,雖然每個bb都有天生唔同既性格,但其實有好多壞習慣都係媽咪幫佢養成ie.食住奶奶訓!所以我已再三刨熟育兒書(推介:Secrets of the Baby Whisperer by Tracy Hogg, Melinda Blau,書中教如何用尊重自己尊重BB既方法育兒),誓不容許自己重蹈覆轍…希望啦!!!

    阿四,共勉之!!!

  9. cc

    咁我算好彩, 黑暗既日子只得3個月, 但我犯賤, 我 …… 我 ……. 竟然最懷念就係個3個月, 個 d bb 喊聲最令我牽腸掛肚, 個 d 半夜抱住個 b 訓既母子最親近既時間係我最再想擁有既, 可惜 ……

  10. 我仍有照超聲波時那盒錄映帶,有證有據,真係一隻天殘腳撐向鏡頭。

  11. 納奧美

    呢樣野真係講唔埋. 行行在肚裏時久不久才郁動三兩下, 最後呢, 甚至懶得掉轉頭, 可是生下來後, 不知是否因為之前養精蓄銳, 活躍程度簡直要了她娘的老命!!

  12. Amber ma

    阿四唔使太擔心, 因為我個amber 話俾我知胎動同佢活唔活躍無關. 佢喺我個肚嗰陣, 超靜. 後期既胎動都只係交quota咁上下, 郁得好文靜吓. 但而家, 咪又係生番一隻. 所以唔使咁早擔心, 因為, 胎動指數無保證lor, 呵呵!

  13. 納奧美

    不過阿四你唔使驚, 有 “珠玉在前", 再難湊 (我意思只係話, 如果, 萬一, 假若, 真係咁好彩) 你都已經領教過了, 主觀感覺上一定會良好得多.

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s