不會再讀的學校黑名單


答客問:不好意思,請體諒我的小家鬼祟密實,不貼正面相不說名不公開學校,亦相信知情的不會供我出來。

詳情:

https://mama4.wordpress.com/2008/06/23/custard-apple-seeds-growing-up/

其實對於小C的學校,我也絕非完全滿意,況且規律這回事,在家是同樣或者更加重要。我認為,父母始終是對早期教育最具影響力的人。

不如咁ㄚ,就算不公開小C的學校,我犯眾憎趕客說出我絕不會讓馬騮二號去的學校ㄚ,是否會更正,更具新聞價值?

樂X蒙記我是受夠了,蒙記教學法我早說過不是我杯茶,不過這都不重要。樂X集團裡,我在幾間校舍都試過堂,獲益良多,尤其不少校舍都能在二百呎空間內塞十二個孩子加十二個家傭,集團的經營辦學理念可想而知。其中兩間校舍環境還不錯,我們都分別試堂兩次,一次英文班一次雙語班。其中一家雙語班的老師很了不起,一人分飾兩角,時普通時爛英時普通加爛英,實為香港父母(如有時的我)之典範,人格分裂之專家。C母不死心,躍躍欲再試,這次問清另一校舍雙語班裡有兩位老師同時教學,試堂後實在叫人喜出望外,一份學費卻每課同時聽兩人要不你時普通時爛英時普通加爛英,要不我時英時爛普通時英加爛普通,百家爭鳴四管齊下,能不跑贏別人四個馬鼻?

有家同樣出名的,在小島的另一端冇雷公咁遠,今次搞得清清楚楚,四十五分鐘全普通話後,才會來個四十五分鐘全英文。那標準……湖南口音的老師其實人很好,平日笑騎騎教英語課的姐姐仔則是女中豪傑,可以在家長面前大罵助教「死蠢」。學校把兩位老師都鍛鍊得神乎其技,每四半鐘可以換一個教學節目,不停扯行刺激小腦袋,小手剛想對教材稍事研究十秒鐘,老師已然變戲法般搬出下一個環節,實在令人目不暇給,抵到爛爛爛爛爛呀我話你知。我們才上課三星期,已然急不及待自動放棄餘下堂數,逃亡至辦公室辦理退學。

那會否再讓馬騮二號去Kindermusik之類?可能吧,我總得跟他消耗消耗任人魚肉,不然為娘會顛。但完全不去Kindermusik不學點幼兒音樂之類會不會死?

最多是面懞死,讓其他家長出奇死吧。

17 則迴響

Filed under

17 responses to “不會再讀的學校黑名單

  1. amy

    看raising boys (http://www.amazon.com/Raising-Boys-Different-Become-Well-Balanced/dp/0890878536) 說男孩子其實適合home education長點時間, 而且阿四肯定一定比很多老師教得更好。

  2. MAMA

    阿四,你條路愈來愈清淅🙂

  3. amy: 俾我教就死囉,又冇耐性又冇愛心(seriously!!)

  4. 要搵到間軟硬件都掂o既學校,真係談何容易~

  5. audreyma

    有計。

    阿四開間幼稚園啦!

    啦啦啦!

  6. eeb

    被人認定為中產既人,如果唔帶幼兒上playgroup,真係好多人會問 “做乜你唔俾佢返playgroup",連公司茶房個阿姐都問 … … 已經唔係"有無" 或 “邊間",而係一件"理應"要做既事,我係"唔俾"佢上… … 唉,同d人問點解我唔俾配方奶粉Larry飲一樣,好一個"唔俾"!
    好聽d講就道不同,心想,其實係話不投機(亦不投資)

    星期六將會去幼稚園面試,選這幼稚園的主要原因是近,連馬路也不用過,而且是半日班,至於蒙不蒙、卡不卡、七不七,並未在我考慮之內,根本實際環境不能令我完全套用其中一套。說回面試,我避開跟人討論會問甚麼問題,一來懶得特別準備,二來,我想觀察Larry到時的反應,而不是到時記得多少指定動作,三來,我都幾有信心一定收,又唔係200個人爭1個位o個d,加上他的性格… …

    我不能/不會亦不用期望幼稚園會教到Larry很多,如妳所說"父母始終是對早期教育最具影響力的人",而且我兒比較蠢鈍,我最能瞭解蠢鈍的人希望別人接納他的資質多於企圖教導他高深的道理。

    另,我很怕別人教Larry要如何如何玩他的玩具,相信我,我5年內也不會要求他替我預較錄影機,所以我給他的所有東西,他是可以自由發揮的,但在幼稚園裡,他就不能這樣在電視上看DVD了(link in mail fill)

  7. eeb

    oh, 我個icon… 我都想有尖面🙂
    之前個link要自己加標點…

    3之前既link如下
    http://hk.youtube.com/watch?v=

  8. amy

    沒有愛心的媽媽豈能寫出這些細膩感人的日誌?

    很期待畫頭出現四對腳啊!

  9. 四對手都好喎。我好鍾意bb手。

  10. 哈,原來 chilli 曾有少少機會可以同小C同校,不過學校唔爭氣,真可惜。另一方面,小C最後搵到自己鍾意既學校係太好啦。

    講返轉頭,chilli 返間樂x返左大半年,我同佢都好滿意,雖則都好肯定還有更好既,不過 lee 間勝在近屋企,而我以英文水準根本發現唔到D老師原來英文好爛,唉 . . .

    反而,我好想問下阿四再下一步(即係 preschool 後)諗左未,有邊間心水學校,我其實都係諗住漁翁撒網有學校收都好開心,但都想聽下阿四選校心得。

  11. siugub

    我覺得找學校, 真是育兒其中一個最高深學問, 因為要將小朋友送到陌生的人與環境去, 還要靠他們去"教育"小朋友, 如果和家長的理念不同, 我相信壞影響絕對大過好影響.

    阿四講的情況我也遇過相類似的, 一個著名的音樂課程, 三分鐘玩一種學器, 小朋友連樂器是什麼也未看清, 又要轉下一種了. 我自己上完都覺得好混亂好頭痛, 幸好只是試堂, 所以比了一堂錢就可以速逃.

    不幸是另一間著名連鎖幼稚園, 排了成年隊, 終於到我地, 比了一個月錢, 點知課室設計差, 不斷有其他學生出出入入, program又五分鐘轉一個玩到眼花, 試問小朋友怎會專心. 再加上食茶點唔洗收拾, 玩玩具唔洗收拾, 全部由老師動手, 小朋友和家長們只需坐在一旁等人服侍. 大佬, 我在家教收拾, 上這種堂, 我相信無幾耐阿囡就會習慣被服侍, 所以那幾千塊錢, 只換來一堂加一個好貴的經驗.

    不過講真, 每間學校也有人愛有人不愛, 真是要自己親身試過才知是否適合自己小朋友. 好似現在我女兒上的preschool, 都在坊間聽過不少負面批評, 不過我同女兒就上得好開心, 所以幼稚園都是講人夾人緣的, 我想.

  12. siugub

    dear 阿四和chilli mom,

    我都想請教下, 你地會點計劃 preschool後的安排. 我在苦惱是入國際學校還是本地學校. 似乎在幼稚園階段就要決定好.

    幼稚園本地的我參觀了很多也不太喜歡. 不過如果讀國際幼稚園, 我又怕中文程度不夠入本地的私校. 因為我不太想女兒中小學讀國際學校, 因為聽過朋友們的cases, 都是說小朋友自細在國際學校長大, 比較難和父母溝通, 因為文化背景不同. 而且我也想女兒學好中文.

    點算好………………我還有一年時間就要決定女兒繼續在international preschool, 還是入返本地的k1.

  13. 「但完全不去Kindermusik不學點幼兒音樂之類會不會死?」
    拿拿拿媽媽你咁講, 咁小朋友跟我學畫畫算唔算列入你黑名單?! :p
    不過我見星期一至六, 有唔少小朋友三四日都見到佢黎學野, 學完又上交通安全隊之類物體, 嘩我心諗洗唔洗學到咁盡!

  14. CAMMY

    我都比朋友問點解唔比囡囡上playgroup, 上來做乜? 我雖然不是全職媽媽, 但訓練大小肌肉, 上落樓梯, 說話, 唱歌, 跳舞, 通通我都可以自己教, 呵~ 上playgroup是同其他媽媽交流, 咁我又不需要啊! 訓練合群? 以她現在19個月大, 我覺得囡囡都算唔錯啦, 都肯同人玩, 但…………………………..家中那個都被外間同化感染, 要我開始找playgroup了

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s