空櫈


一週裡有五天,這椅子在晚飯時份都是空的;可是,如果我偶然奢望要於其上翹起倦腿,(對,我絕不能在芭蕾舞學校教儀態,)都會被當場勸止,提醒我並非椅子的主人。

最近連續兩個週末,櫈都是空的,有人每早追問櫈主下落,我就將一個一個小朋友從未聽過的地名教她。

嗱,櫈主在開會,櫈主在聽音樂會,櫈主在街上閒逛,櫈主在大魚大肉,櫈主在博物館裡看人畫畫哪--當然我都不能告訴小朋友。單是每天那些「我要坐飛機因為我要去看爹爹我真的好想好想去」,就夠磨人了,我才不要添煩。喂,在電話上又不見妳如斯癡纏!就是要我受!

追問多了,小腦袋終於由「我不要爹爹」到否認到討價還價到總結:櫈主不回來了。

這晚吃海帶粟米蒸蛋,有人建議,咦媽媽妳要不要放高腳?

放得梗係唔好嘥。

DSC08584

12 則迴響

Filed under 爹爹, , 小C

12 responses to “空櫈

  1. 阿四真的佩服你. 常常只你一個人照顧小C. 有時雖然覺得我老公在家也沒能幫上什麼忙, 但至少有個人可以給我叫下呻下. 好像今天, 陪飯陪到我就發癲, 幸好爹爹在, 也有人給我叫來解解困.
    千萬不要讓我老公見到你個blog, 否則他會以為自己"已經"成日陪著我們 (因我成日話佢無時間陪我地), 又有藉口回到公司去.

  2. 一雙小腳害羞地放高,好可愛!

  3. 孜孜媽

    四,恐怕在香港是不可能的了,不過我還是盼望,一家人可以朝朝暮暮。

    保重!

  4. mac

    唔…我想爹爹也是人在江湖身不由己嘛…有哪個爹爹不想每日準時回家同媽媽和小朋友共叙天倫?我想爹爹一個人在開會聽音樂會街上閒逛大魚大肉博物館裡看人畫畫時,心裡都是惦念著妳們。

  5. eeb

    爹爹出差的日子阿四不孤獨,因為有煩人的小朋友陪妳

  6. Angelica

    我小時候爸常常OT, 空椅也被我和媽LONG 腳…

  7. 納奧美

    行行這兩天又係一坐上high chair準備開飯就有所感悟: 爸爸?無?? 爸爸?? 無??? 無???
    我話: 係, 爸爸好快就返黎. 一陣就返黎同行行玩. (咁唔算呃細路卦? 都說這年紀沒有時間觀念嘛, 幾天跟一陣應該分別不大?) 等行行食完飯, 瞓醒覺, 爸爸就返來同你玩. (只不過係食完好多餐飯, 瞓醒好多場覺之馬)
    但真係, 點解人地打電話返來又唔肯聽呢? 淨係猛嗌bye-bye, bye-bye

  8. 我地都係過著一星期五天沒有爸爸陪飯的日子。
    為免long腳事件發生,我地選擇坐在小枱,對著落地窗吃飯 (雖然我對腳屈得好辛苦),咁就一邊食飯一邊睇下月亮出黎未,又或者有咩船呀車呀經過,好過對住張空櫈惆悵。

  9. siugub: 放心,為了你一家幸福,如有需要,你要我將mama4隱形一排我都在所不惜!! :)

    yying: hee hee,只是腳不夠長罷了。也希望不用等到腳夠長的一天就可以禁止佢long腳。

    mac: 所以我說呀,Rafael幸福,但我實在知道有太多太多所謂父親,(OK為免家變,我要澄清,我並非在說小C他爹喎)寧願留在office或街上,也不願回家;就算回了家,也是寧願身在曹營心在漢。

    天媽: 我早已不惆悵了,還挺喜歡long腳。😛

  10. Jenni

    When my husband is away or not home for dinner,my little boy usually put his teddy bear on the empty seat.

  11. 係 lee 方面小囡係好幸福,因為咁橋我老公都係出左 trip,但係我個囡兩歲人仔第一次見爸爸出 trip,雖然我個囡都有嘈話要一齊去搭飛機。
    剛剛講起一個女性朋友,工作要佢周圍走,今年係上海出年係日本,但依家咁既生活令佢冇法子成家,或者咁講,佢男朋友好耐心咁等梗佢"ready",所以係 lee 個層面,女性點都要有所犧牲,男性就比較無咁多顧慮。

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s