一個母親的彌天大罪


我一向都很神經質,把小朋友安置車上兒童座位後,一定先把前座車門開了,才把後座車門關上。

前兩天我犯下彌天大罪,將小朋友連藍莓鎖於車內。

「妳可以大力按下那個紅色按鈕嗎?」

小朋友吃下一顆藍莓,單手按下Britax兒童座位的極之安全極之緊5-point harness安全帶扣:"I could not."

小朋友再吃藍莓。

「妳可以用兩隻姆指大力按下那個紅色按鈕嗎?」

小朋友吃下一顆藍莓,以右手姆指加左手連食物盒按下Britax兒童座位的極之安全極之緊5-point harness安全帶扣:"I could not."

小朋友再吃藍莓。

「不如妳把食物盒先放下吧。」

小朋友口中含着藍莓,送媽媽眼神加動作:「放哪裡?」

「唉呀,放屁股旁吧。」

小朋友放下食物盒,再拿藍莓。

「妳可以用兩隻姆指大力按下那個紅色按鈕嗎?小C,媽媽想妳走出來幫我拿鑰匙哦!」

媽媽妳怎不早說?好我努力試……試一秒:"I could not."

車內溫度開始上升,媽媽心跳速率也亦步亦趨,小朋友再從屁股旁拿藍莓。

有職員走過,媽媽馬上說明險境求救:「可以替我找汽車開鎖公司嗎?」

「小姐,怎會有這種公司?建議妳三個辦法:一、找我們工程人員破窗;二、找消防員;三、找妳的後備匙。」

「好好,找消防員來,是開鎖嗎?」

「小姐,消防員是來破窗。」

不知何解,我竟想不起要向車行求助。參酌着前兩個方案,就算不把小C給割死,都會叫車主肉痛死,繼而令司機給罵死。

我決定電召後備匙。

「妳教她解開Britax兒童座位的極之安全極之緊5-point harness安全帶扣嘛,我在忙……」

「試好久了。不過,他們說可以破窗……」

「吓!???我立刻就來!!!!!」

小朋友吃下最後一顆藍莓,開始認為車門外的媽媽有一定程度吸引力。

「小C妳看見車匙嗎?不如妳爬出來幫媽媽拿車匙吖。」

小朋友雙腿被綁得穩穩陣陣:「媽媽,我們用的是Britax極之安全極之緊5-point harness兒童座位哦,我之前爬過好多次啦。屢戰屢敗啊,I could not.」

「妳……妳……妳可以用兩隻姆指大力按下那個紅色按鈕嗎?」

“I could not."

「妳記得媽媽說過嗎?如果做不到,再試!」

卡嚓!

「好好好!現在去拿車匙按吧。」

小朋友拿起車匙狂按,鎖門。

「小C,要按箭嘴才是!」

卡嚓!

媽媽殺入車內,一頭孖辮大汗小朋友被停車場職員大讚:"Good boy!"

26 則迴響

Filed under 阿四, 小C

26 responses to “一個母親的彌天大罪

  1. mama

    嘩!我都睇到一頭大汗!

  2. 納奧美

    嘩, 我之前開始訓練行行被困在房間時如何自救 (雖然全屋除了書房和在安全圍欄以外範圍的客厠和廚房外, 門鎖都全被爸爸拆下了. 而且暫時以行行的高度仍未夠得著門上的把手), 看了這篇, 我看也要開始訓練她如何從car seat 上逃脫及如何打開車門.
    還有甚麼逃生技能要學呢? 唔讓我想想……

  3. 真係好驚險.
    但阿四媽媽可否告知錯誤出在何處, 何解會將小C鎖在車內? 因為我也是好驚青的, 如果只得女兒在車內car seat, 我一定會開多隻門, 因為實在好怕只留女兒一個在車內而四隻門都關上.
    不過你已經算好冷靜, 識教小C自行脫險, 比我可能已call了消防啦.

  4. anson mami

    點解停車場職員叫"Good boy"架?佢係咪眼花呀?

  5. Jenni

    I think oyu are so clam and did the right thing under situation like that…and don’t feel too bad about this,we all made mistake somehow~

  6. 嘩, 睇到一額汗, 唔好話當事人, 好彩最後冇事。不過當我睇到後備匙, 一聽見破窗, 就把忙著的統統放下, 我忍唔到大笑! 另, 小C知道點開極之安全極之緊5-point harness安全帶扣, 會唔會有另外嘅麻煩呢?會自己脫身啊!

  7. 嘩,我都睇到一額汗!!係咯,小C以后会懂得自己松开安全帶扣吗??

  8. 嘩,嚇瓜。

    菲妮媽,你不用擔心。因為阿包昨天剛學會怎樣按Britax的安全兒童座位的扣脫身了。為何要脫身?唉,一疋布咁長。

  9. 嘩!好驚呀!
    小C都好鎮定,叻女!

  10. 好彩冇事, 嚇死人!

    計我話呢, 開車門信唔過. 如果車停在暗斜路上, 呢頭開果頭就自動 “bang" 埋.

    Instead of 開住隻門, 平時我會先開前座一隻窗, 然後才 take care 後座既事. 開窗係就係麻煩小小, 但至少我肯定我隻手一定可以伸入去開番個鎖, 因為有時未必係我大懵賴低鎖匙, 而係有人一上車就伸手去鎖車門, 尤其係五歲大果 d .

  11. pd

    看到我叫 Oh Boy!

  12. Helen

    It must be terrifying at that moment…! However, the ‘Blue Berries’ really played an interesting role in the story… It caused ‘delay’ to the rescue but did ‘distract’ 小C from panicking on the other hand… heehee… =D

  13. 菲,11mama: 另一個脫身麻煩的開始?我一路教,其實已經一路在想着這個麻煩。而麻煩,當然也立刻開始了……

    納: 拆晒D鎖!真係24孝爸爸。

    馮: 開窗!係播開窗的確係穩陣好多播,好我以後就開窗!

    siugub: 因為那天我太趕,忘了開前座門,之後忙亂間再有不知名人士按搖控,把門預先鎖了。我一關門,就出事。

  14. 馮師奶: 開窗, 的確係好方法喎, 受教受教, 下次都係開窗好 ^^

  15. 米搞

    可能因為我冇車啦,我又覺得,worst case都只係小c爸趕過泥啫...不過我當然明白你當時既心急情況啦~

  16. 這次幸好我們在室內停車場,否則一有太陽,一個沒"撻着"的密封車廂的溫度可以在一分鐘內升至四十幾度,每分鐘升上去,消防員都等不及。

    而且幸而快手處理,否則孩子一但決定要哭,體溫更升,氧氣更少。爹爹來需時45分鐘,成年人困在密盒裡45分鐘都要暈。

    其實,worst case是,外國每年都有不少孩子--尤其BB--死在過熱的密封車裡。

  17. 好彩係有驚無險呀!我好怕困係車度因為又熱又焗,好彩有藍莓。
    其實我都試過比個18個月大既人反鎖左我係屋外,結果要搵後備匙。
    我上車條匙一定係褲袋,一定唔會同個人一齊係車內。

  18. amy

    的確是很險,但阿四和小C處理得真好!我們都上了一課!

  19. 我想知道「後備匙」事後的反應?
    如果係我,肯定比人停牌 (或者要係監管下開車)。

  20. 七十

    好驚險呢

    我之前有個媽咪同事
    有朝佢工人打俾佢話自己去dum垃圾唔記得拎鎖匙
    留低三歲的小主人向屋入面……
    嚇到媽咪同事呢……

  21. 天 : 座駕冇損冇爛,我何來之有罪呢? 😉

    70: 真是你嗎? 歡迎歡迎!! 三歲小朋友之後點收科?

  22. cc

    拉底窗, 記住先 …..

  23. 通告: 一個母親的另一次大罪 « 媽媽阿四

  24. mokmok

    精髓是 職員向孖辮大汗小朋友 說 “GOOD BOY!"

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s