明知山有虎


全天域電影《阿爾卑斯山》的主角一再強調,這次要征服出名難測難爬死得人多的艾格峰,就是為了要刻服心魔,並重振亡父的聲譽。主角當年才九歲,有天父親從這個峰上掉下來,改寫了孩子的一生。

電影拍得壯觀,但,我越看越氣。

無人無物無誰為你擔驚受怕死腦細胞者,如果不感激造物主賜你生命,可以儘管去尋求你的刺激去向世人證明你的本事,你死你事。

但你老爸呢?

全世界有多少好玩多少鍛鍊鬥志但不會要命的山呀?他仔細老婆嫩的在死亡山下等着,用望遠鏡就可以隨時看見爸爸跌個粉身碎骨。山峰好端端的沒惹你老爸,登了山人類不會就此更幸福,山裡更沒困住甚麼公主,有的,只是自己的虛榮。

心魔的來源,不是山峰,正正是你老爸的不負責任,為了證明自己,將家人的命運賭上一鋪也從此粉身碎骨。當上父母,縱然不能失去自己,卻從此不再為自己獨活。

要重振亡父的聲譽,應該,那你就去努力他沒有完成的事,去愛惜自己,體恤妻兒的擔心,留下性命,好好做他沒做好的爸爸和丈夫。混帳。

你今天活着回來是僥倖,喜歡冒險,去考警察好了,警察叔叔每刻都有生命危險,但所冒的險比你有所謂千萬倍。

看完電影,翌日就看到有消防員捨生救人。明知山有虎,偏向虎山行。因為,山裡有被困的人,而非別人的聲譽。

14 則迴響

Filed under

14 responses to “明知山有虎

  1. 同意到不得了。所以我經常抱怨爸bu無一份人壽保險, 係一個不負責任o既表現。

  2. 昨日看到新聞心中酸痛, 因為2位消防員也是別人的父親兒子丈夫, 卻捨身去救人. 宏觀點說, 他們的一生意義不凡, 但卻又不禁問自己如果我老公女兒在做一份分分鐘會失去生命的工作, 我會如何? 我想我會癲.

  3. 你既說法,我一半同意一半唔同意啦。
    人,要搵到自己人生目標,每個人既 priority 唔同,如果搵到自己既理想(或者係想做既野),可以去全力以赴,都係好幸福既。
    所以,我自己priority 係 family 度,可以自己 100% 對住個囡,我覺得好開心,唔覺得係犧牲既,我覺得比坐係 office 為左有錢去買野去十次旅行有意義得多。
    不過,唔係人人都係我呀,好多男人都顧家,不過個心又有自己想做既野。咁又唔好要求佢地諗野一定要從家出發。當然,做每樣野都有 calculated risk,正常人冇人會去自殺,就睇你有幾想做果件事,你有準備足夠嗎?個 risk 你接受到嗎?
    對好多媽咪,可能阿囡去潛水去騎電單車去 sky dive去 bungy jump,已經係不能接受 la. 不過,你唔俾佢做嗎?

  4. 耳先生

    小姐很有廢掉一個男人的潛質!

  5. 納奧美

    或許, 明知山有虎, 偏向虎山行, 指的也是那些甘心嫁給 (或娶)那些娶 (嫁)左你同你生埋仔女都擺明唔會顧家的男人(女人)的那些女人(男人).

    只是, 阿男人同阿女人係有選擇 (註: 有些都係無選擇, 因為嫁娶時唔知原來有一日佢會咁決定—好似我個FRIEND, 仔女都快上中學, 忽然有一天, 佢話: 原來我只係做自己GE野, 你地由得我啦. 咁就瀟瀟洒洒的丟下擘大個口得個窿的另一半同兩個都未搞清楚甚麼事的細路走左去.) 但細路係無得選擇.
    係, 佢係有佢GE自由, 但無視他人利害地運用自己的自由, 我就淨係識用一個字去容囉: 自私!!!

  6. 納奧美: 說得不能更好!

    chillimom: 這是個後果的問題。或許我說得不夠清楚:爬山是好運動,但無需一定找個死亡率高企的。Bungy jump我自己沒興趣,但好像向來沒死過多少個人。
    我認識一位父親,年輕妻子病逝後,他從此放棄了電單車,為的是一對未成年的孩子,不要他們再承受無必要風險。

    耳先生: 都是那句 ,孩子都30磅了,還小甚麼姐。 嗯?你認為所有男人跟你一樣嗎?
    (oops, 好了,這一下,所有男人都要出來柴台了。。。)

  7. cc

    我就咁睇既, 與其對住個因為有野想做未做而行屍走肉既人, 倒不如豁出去, 鼓勵佢去做, 得就得, 唔得就忽得 lor ……

    我個個就係鍾意潛水啊, 仲話第時帶個仔去潛, 不過, 命既野, 整定既, 行行下街都會比上邊跌野整到啊, 又真係唔驚得咁多, 唯有活好每一天 ……

  8. 阿四,我闻到好大火药味播…….好少见你咁“罄" ….

  9. Hee hee, 其實果句「去潛水去騎電單車去 bungy jump 」果個阿囡係講梗我自己。不過,我自從生左阿囡後以上所有活動都冇再參加啦。
    我明白你果團火。唔好話玩 extreme sports,唔好話老豆,其實每一個人,不論係人地父母,或係人地仔女,都應該錫身,應該要珍惜自己,因為有咩事,自己最多冇得繼續玩,但身邊既人,會好傷心難過。
    我自己都最憎果D不理後果,結果累及他人既行為,例如八號風球去滑浪結果要消防員救,大暑去行山結果中暑等直昇機救,仲有就係趕住去 X 係高架路左穿右插既司機。
    因為我果個有D類似 cc 講既 case,所以對 lee 類男人比較有D同情心。好好彩佢對爬山冇興趣。

  10. Simon Ching

    媽媽亞四,你指的電單車男是陳先生嗎?這年暑假回校,那兒子已經中五畢業了。

  11. cc: 正是。身邊的人沒有選擇權沒有say,那個有選擇權的,就要想後果。

    11mama: 係?不過事先(後)聲明以免對號入座:爹爹不愛危險動作。

    chillimom: 說得好。

    Simon: 很好,可以再騎了。

  12. 我會再想多一點. 未必會極端去到冒險去死去玩十級超危險的才沒有責任. 呢班真係都抵打……

    你生左阿仔阿女仍然去大陸玩通頂, 獨留阿仔在屋企; 打機打到唔停, 阿仔阿女去左爬落街……

    我想打呢班人多少少……

  13. wybau

    以前未生阿女之前, 我都係果種想做就做, 冇考慮過父母担心的問題, 每次父母同自己講要小心呢樣果樣時, 總係覺得佢地好囉嗦, 直到生左囡囡之後先明白, 若要好好照顧父母家人, 必先好好照顧自己.

  14. 野: 多謝你替眾多敢怒不敢言的人發聲!  😉

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s