媽媽的連身裙


曾幾何時,我偶而會穿連身短裙。

小C面世後表示,嗱媽媽,就呢,有三個問題:

1a. 穿裙就不會穿襪;

 1b. 很多playgroups要求成年人穿襪。

2a. 小嘴會在餐廳裡要奶奶;

 2b. 媽媽不願意投資於只穿一季的吃奶奶連身裙。

3. 短裙會把媽媽被誤踢誤踩的瘀痕出賣

好了,這些不說,就單說小小C渴睡起來的一哭二鬧三要奶奶馬上要奶奶現在就立刻要奶奶,而小嘴一但吃了就會咬住不放,連吃連睡直落一兩小時是等閑;我有某程度上嚴重潔癖,奈何每次母女倆一回家,為娘必須極速寬衣解帶往床上挑選有利位置,哪裡再容得下任何婆媽淨身沐浴步驟?

於是,我唯有將自己由頭包到腳上街。

穿短裙踢涼鞋?發夢牙。

然後有一天,小C終歸斷了奶。

然後有一天,媽媽想起一件事:咦,怎不再穿連身裙?

命運是對手,命運對我說:妳要穿涼鞋競走捉生番?還是要穿短裙蓆地唱遊?還是還是,還是要犧牲寫blog時間,三天兩日就來塗腳甲?算吧啦妳。

我向命運挑戰,罕有地入了點貨,還挑釁地掛在T恤牛仔褲邊的極顯眼處。她們每個週末都向我招手撩是非,而我,而我,唉,我看看身邊那對男裝球鞋,想想,還是檢點地把我的球鞋也穿上。我識趣。

敵眾我寡,那天我一念之差,往那花枝招展間寵幸一位,穿上了。再挑一對不太露趾的涼鞋,哈,踢踢撻撻好不過癮。小朋友大驚:吓原來除了跟我一套的情侶裝大象小熊T恤,媽媽居然可以有裙子?是我的媽媽?我的媽媽喎!?

讓小朋友虛驚,那天我得到報應,被臨時放飛機。

我獨個招搖於街上,重拾單身的感覺,絕非穿大象T恤去童裝部極速掃貨好趕回家可比。走了十分鐘,激動的心開始反覆思考着一件事:

   著鞋唔著襪,起泡又鞋甩。

算了吧,媽命難逃,我的腳,還是穿上短襪在地毯上跑跑跳跳做雜耍好了。

14 則迴響

Filed under 阿四, 母乳

14 responses to “媽媽的連身裙

  1. 再大啲啦!
    可能你會再考慮!

    有左臻之後,我已無帶介子、頸鍊、長耳環、着高鞋…依家慢慢開始做反呢啲野!

    你等多陣啦!日子好快過! 🙂

  2. siugub

    於是, 我唯有將自己由頭包到尾上街
    —–>
    這個超有共鳴呀.
    本來我也那種回家第一件事要由頭沖到落腳才可在家活動自如的人, 但自從囡囡出世, 出完街返到家, 邊有時間可以放低個囡去沖涼, 更甚是有時回家第一時間就係上床陪訓, 所以唯一方法, 都係將自己由頭包到腳, 回家換過衫上床, 那點罪疚感才會少一點點.

    至於一切有礙將個囡掛在身上的物件, 早已在我衣櫃消失得無影無蹤啦. 現在找來找去, 只有tee tee tee. 當然還加上還有20磅肉未減到的關係 @@

  3. eeb

    因為要o係公司泵奶既關係,我有超過一年既時間係穿哺乳衣返工,最近改咗放工先泵,以為終於可以從冷宮攞返d連身裙出黎,但件件都縮咗水,嘥氣!

    另,"鬥"。

  4. amy

    我今天就穿了連衣裙上班,還配了兩寸高跟鞋!這是掛泵後的第二次。可是,其實十件裙中有九件都不合穿了,除非我可以成功將身上那漏了氣的氣球用法術變走。

  5. 納奧美

    上回首次重穿連身裙, 在鏡前開心到我….但出到街踎高踎低追趕跑跳時就住就住真係滿不是味兒. 仲有就係, 好多配飾都唔可以戴. 再仲有就係, 身上或手手腳腳拖住/抱住/追住/掛住/吊住一隻小生番, 完全唔係果種feel. 除非阿女lady返D, 如果唔係阿媽想扮lady都扮唔嚟.

  6. 我的秘訣係 – 短裙、連身裙入面加對長leggings, 扮型扮layer咁著, 再加對金色跑鞋或crocs, 即刻型晒又唔怕走光又可以跑跑跳跳呀!

  7. 思思阿媽

    雖然我唔係奶媽, 但係我衣櫃都係tee, tee 同tee 加鬆身褲, 完全係一個典型師奶look …

  8. 本來諗住朗朗宜家大個左又唔駛再餵奶,依個夏天我仲唔將d短裙潮褲高跟鞋著返上身,再可以噴下久違了既香水添!點知就o係衣櫃放了好幾件花衣熱褲,還未黎得切著上之際,我又再要重投闊蓬大袖鬆身褲既懷抱,而且將歷時最少兩年。。。

    阿四你講起媽媽奶,我就想問你小C果張奶奶bed(我有冇記錯,係my brest friend?)可以o係邊度買?

  9. Jenni

    Being a mom makes us change,not only mentally -got all mushy and everything is about children,but also pyhsically-the way we dress and talk and those weight we put on during pregnancy… But i think it’s worth the change~

  10. 多得阿四既連身裙令我人生有番一點點希望!!!
    雖然跟阿四相比離我自由的日子還遠得離譜,但見到有人已到達終點(或是第x個check point)對我呢地後來者都係一個極大既鼓勵!!!
    你話:無左阿四走在最前,我呢d新手媽媽日子點過!!!

  11. 要放棄的又可止連身裙及涼鞋呢!

  12. 不錯不錯,最慘是就算可以穿,誰知已不合身,心情,亦都不同了。

    凱允媽媽: 錫晒你囉! :)

    longlongmama: 請在右上角search for “my brest friend"。我應該在第一篇的comment內答了。

  13. 通告: 師奶愛美麗 « 肥肥妹妹豬豬豬

  14. Cammy

    我都試過穿一次連身裙(仲要係直身的), 但小小姐小手一指, 金口一開: 奶奶, 我又要差不多除下裙子才可以餵奶
    上星期癲咗, 2年冇買過鞋(除了球鞋)一次過買了4對高根涼鞋, 但2 日後就後悔了, 買了回來有幾多機會可以穿? 著了2 日, 今日又死死氣地穿回球鞋, 因對腳痛到呢……….

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s