那卷膠紙的下落


*** 警告 : 南澳以南,汕尾以南,沙堤以南,海有中浪……如果你家裡沒養有生番,這篇呢,要不把你悶死,要不把你嚇死。Read at your own risk. ***

三個月前,我答應把小C的幼兒旅行巴巴閉行裝清單公開。嗱好明顯,我是個很沒口齒的師奶,大家由始至終,只知道我有一卷厚膠紙

翻查紀錄,原來我也沒交代那卷懶聰明厚膠紙的下落。

那次出發前,我多口向酒店問,房裡會提供免費幼兒安全用品嗎?

會,嘩,十分之會:

PMBS0121

圖中上方是個吹氣高科技……嘢,我第一件事想到:「爹爹,正!這件法寶拿回去請讀者猜用途,肯定可以為個blog爭取好多留言!!……哈會不會是吹氣泳褲?但豈不是會在水裡腳輕頭重倒豎沖?」

嬰兒套裝裡更附有插蘇封套,嘿,真的好冇癮:我的厚膠紙,白帶一場。

我們請酒店把陷阱mini-bar之內容全數清場後,厚膠紙真的再無用武之地了,更開始有小偷將各類物品如筆如銀包如尿片放進雪櫃保鮮……

今天我不打算把行裝清單內每樣物件細數,現在只挑幾樣心水:

  • 一份慢十拍的心情
  • 一個一天只玩一節目的行程
  • tommy tippee travel potty 小簿仔加膠紙 : 和孩子一起在途上收集入場卷、筷子套、落花落葉貼上去,畫個符
  • 寫上家長聯絡方法的膠手帶/靜靜雞放褲袋裡的卡紙
  • 小朋友的近照多張隨身帶 : 萬一走失了,可以立刻分發開去立刻找
  • 小朋友出世紙連護照副本隨身帶 : 尤其如果你和我一樣,跟小朋友長得不像,警察把小朋友找回來了,誰信你是家長?
  • 馬騮繩 : 防止以上兩項事件發生
  • 飛機後備衣物 : 給自己!
  • 飛機寶物袋 : 放幾樣細小而多用途玩具/圖書,逐樣拿出
  • Tommy Tippee旅行便盆連膠袋
  • 十萬個大小密實袋 : 在沙灘裝沙留念,在車上當碗,在水果園裝水即場洗水果
  • 小拖鞋 : 顯微鏡下,酒店的浴缸和地毯其實好核突
  • 將每天的衫褲片襪一套套袋起 : 每早會省好多時間
  • 將糊仔預先一份份用密實袋裝起
  • 貼紙
  • 萬能披肩 : 用作餵奶/冷氣外套/地墊/玩具/租車內窗簾
  • 隨年齡並目的地斟酌: 藥、探熱針、慣吃的零食、慣聽的睡覺音樂、蒸餾水、乾紙巾、濕紙巾、燒毒紙巾、剪刀、碗碟刀叉羹、糊仔、即食晚餐、磨蓉器、圍裙、口水肩、汗巾、奶嘴、飲管杯、飲管、餵奶衫及用品、揹帶、手推車、鞋、帽、泳衣、游泳尿片、水泡水袖、防曬油、防蚊油、潤唇膏、潤膚膏、睡袋、睡衣、枕頭、公仔、被、書、毛巾、外套、手襪、太陽眼鏡、(如租車)汽車座位蓆、顏色筆、護照、身份証、機票、相機連充電器……(好了好了,還是忍不住都每樣說出來了。說吧,都來說我煩說我巴閉吧。我就是喜歡先苦後甜,不想到時才到處找地方買泳衣買防曬油,嘿。)
  • 老公/老婆
  • 多啦A夢隨意門
  • 厚膠紙!

對了對了,就是需要厚膠紙。眼看從便利店買回來的乳酪給小手每天拿出拿入mini-bar,最後一晚媽媽終於忍無可忍從行李深處搜出厚膠紙:「哈哈,沒有你,日子怎麼過?」

10 則迴響

Filed under 旅行

10 responses to “那卷膠紙的下落

  1. amy

    一直在等你的packing list呢! 謝!

    我也會寫travel journal, 以前會帶小stapler將門票/單據等釘上, 但去年在citysuper發現有campus on holiday notebook好好用, 一面可記事, 一面有小pocket可放入所有收集回來的寶物, 可以少帶膠紙一卷/stapler一個。

    http://www.kokuyo-st.co.jp/stationery/campus_h/lite/product.html

  2. 是吹氣枕頭嗎? 多謝妳個list, 最令人驚喜o既係多啦A夢隨意門! 我本人比較喜歡放大縮細槍!

  3. Jenni

    I have the same problem everytime we go on a trip,tons and tons of things(mostly things for my boy) to bring with us. But i am hoping oneday i can declutter my packing list~

  4. siugub

    個packing list超正.

    不過我個人那個list, 會多個電飯煲, 一袋米…

  5. 你個 list … 都好勁下!!!
    我去 “business trip” 「原來」都唔係帶好多野,不過你提我下次都要整條手帶比佢。同埋,去買返過 portable potty。
    另外,我反而一定帶一個電熱水壺(雖然酒店都有),煲水 and 烚下奶樽餐具。
    不過,我反而唔洗用膠紙,可能我極之夠惡,我 classify 左邊D攪得邊D唔攪得,都 ok。係屋企,都係衣櫃得廚櫃唔得,電視得 Hi Fi 唔得,阿b 既私人電話得爸爸媽咪既唔得,又真係 execute 得到 . . . 我認我真係靠惡。

  6. amy: 謝!是每頁都有pocket嗎?
    其實最近兩次我都索性帶本cheap cheap免費4R相簿,一樣樣寶物即時攝晒入去算了。仲寫mud鬼野ㄚ陰功。

    菲: 我誇張順口up啫,暫時仍未帶過枕頭咁勁。。。
    放大縮細槍!hahahhaha係播都好用播!!!

    Jenni: 祝成功! ;)

    siugub: 好彩小C細個時肯吃糊仔囉

    清: 我都曾經差DD就pack埋個電熱水壺。。。

  7. amy

    對, 每版的左面都是pocket, 右面可書可畫。不過, 你帶4R相簿也實在方便! 嘻, 我這個長不大的媽媽, 總是會被這些文具gadget吸引。:P

    最近閱報知道有位媽媽會在旅遊前為子女安排預備課, 了解當地的風土人情, 和讓他們參與計劃行程, 回來後又會一起製作紀念冊。下次旅行時也要仿傚。
    http://happypama.mingpao.com/cfm/parenting3.cfm?File=20080718/newa/woa1.txt

  8. 我真係有帶過(細)攬枕+毛巾被+一隻陪睡小熊以防萬一,我個仔一見到呢幾樣野陪左佢去日本都不知幾興奮(仲瞓得好好添)。

    我都有果個Tommy Tippee旅行便盆連膠袋,真係又方便又「香」,可惜而家我個仔唔啱坐,正苦惱緊遲啲去旅行係咪要帶埋小童坐廁去!

    我地亦會比一部細相機比阿仔,等佢自己影低去過邊到(雖然而家佢已經成日要用我地部DSRL影相)。

  9. 你都未開估究竟那是甚麼?

    原來酒店有兒童安全套裝架,咁又真係幾方便喎,但另一謎團係,點解你唔帶叮噹百寶袋,要帶隨時門呢?

  10. amy: 每頁有pocket,又真係幾好!
    一舊雲小C上次都有上預備課,學左一件好重要的事:酒店個名!包冇走失 :P

    天: 小座廁!哈哈陰功!
    有冇試過用個大膠袋成個廁所包住?我朋友教的,我估我地好快要試嘞。。。

    嘉: 我就係唔知,想有人話我知!!!
    叮噹百寶袋唔外借架嘛。你真古惑!你一定係果D用一個願望搏100個願望的人 ;P

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s