雪櫃裡的後花園


從前有一棵西蘭花,裡面住了一條毛蟲。西蘭花說:「我是有機西蘭花。」

有天,毛蟲說:「怎麼這麼冷?怎麼,只有攝氏4度?」

DSC0516210:30AM

師奶打開雪櫃洗西蘭花,小朋友指着廚房地板:「媽媽,有毛蟲!」

師奶當場靈肉掙扎:「ㄚ!!!!毛蟲呀!!!!!……啊,呵呵……看看,是~呀~毛~蟲~呢……呵呵~~~可~愛~毛~蟲~呢……」

師奶私下對毛蟲說:「嗱嗱嗱,你想點先?」

毛蟲搖頭晃腦公然對師奶說:「嗱嗱嗱,妳想點先?」

小朋友問媽媽:「誰會用紙巾把毛蟲擦掉?」師奶說:「我都想知!」

小朋友又問:「毛蟲的家在哪裡?」

師奶聽罷,動了慈心,拔下一塊大菜葉請毛蟲吃,誰知毛蟲掉頭便躝:「嗱嗱嗱,妳想點先?」

奇怪:「喂書裡明明說,你會吃綠葉?」 「甚麼爛書?」

師奶私下對毛蟲說:「嗱如果你乖乖爬到菜葉上,我就給你一條生路。」

毛蟲爬到葉上,公然對師奶說:「嗱如果妳給我一條生路,我就給你一條生路。」

DSC05191師奶把菜葉連蟲放進膠杯,忽然想起甚麼,嗱嗱林跑到鋅盤前拿起有機西蘭花……

毛蟲從遠處驚叫:「吓妳幹嗎在我家灑鹽?吓還要水淹!!?哎呀來人呀,有人虐畜呀!!救我妹妹呀!!!!!」

DSC0518711:30AM

師奶待毛蟲稍事平復心情,在杯口封上消毒紗布。

師奶在思考一件事:「嗯……毛蟲,你會咬紗布嗎?」毛蟲明顯還在生氣,附在杯邊不作聲。

師奶瞇眼打量這小生物,轉頭又去找另一塊紗布:「都係打孖穩陣D……」

小朋友走來按紗布,紗布隨時鬆綁……師奶大驚:「嗱嗱嗱手只可以拿杯!紗布如果按鬆了,毛蟲就會爬出來啦。」 「那又如何?」

DSC05199「就會……就會走失啦。啊,可憐的毛蟲B哦……」小朋友招牌皺眉:「毛蟲沒媽媽了嗎?」

毛蟲終於插口:「何止,現在連妹妹都沒啦,嘿!」

小朋友心地好:「毛蟲你要喝果汁嗎?」小朋友知道,喝果汁,是宗過時過節大件事,毛蟲一定喜歡。

3:00PM

母女快要外出,師奶仍在思考「毛蟲能否咬破雙層紗布」難題,不知是否要把毛蟲也帶上路,以策萬全。

師奶正要有所行動,突然想起如何防蟻的一招……「睇怕隻嘢巴閉極,都唔識游水啩……」

DSC05204 「嗱你米做傻事呀吓,我地好快就返。」

4:00PM

一回到家,小朋友發出一個好恐怖提問:「毛蟲到哪裡去了?」

師奶一個箭步直往膠杯衝去,那毛毛蟲,哎呀,留下一堆臭臭,已然 當。場。瓜。掉。

「媽媽妳為什麼要搖膠杯?」 「毛蟲呢……睡了,我要搖醒牠吃下午茶。」

沒反應。

師奶私下求毛蟲:「嗱係咪咁化學呀你!……係喇係喇你大晒嘞,至多,我請你食有機西蘭花啦……嗱嗱嗱你見好就收啦吓!……喂!喂!!喂!!!米詐死喎你!好醒啦喎你!!!」

……

「……師奶妳講過要算數呀吓!」

下回:十八變

____

第一回外傳:C for caterpillar
第二回:十八變
第三回:結繭第五天
最終回:紅顏命。等

23 則迴響

Filed under , 大自然

23 responses to “雪櫃裡的後花園

  1. 苦爸爸

    小C媽:

    真以為你是信佛的。

    您很懂得講故事。不如你錄一段講故事給小C聽的片段放上來。我想我一係聽到唔想瞓,一係聽到不會失眠。

    這篇超正~~~

  2. 納奧美

    果然係有機西蘭花, 你睇條毛蟲幾肥壯翠綠!!!
    (阿四我比個師奶果個謄雞樣笑c)

    其實我好明白 (你之前講柜桶底果叠flash card 呢…).早兩日行行捧來一本書要我陪她看, 一瞧大吃一驚: 怎麼上面附著好一個張郎? (係蟑螂先真) 慌得我差點把書凌空飛掉 (只因靈肉交戰決定唔好讓小朋友留下陰影如我才勉強忍手). 再看清, 原來係張郎幅相, 唔知點解可以做到咁逼真. 而家本書就塞左入柜桶底!!!

  3. 小葵

    笑死我!
    呢d蟲呢… 我細細個捉黎睇又放返落d菜到, 但宜家諗起都驚!

  4. 苦爸: 其實我講故事甚無耐性,因為主子要求實在太頻!

    我是信耶穌的,耶穌都愛說故事哦 :)

    納: 小學時自然科有課教昆蟲,老師要我們摸小強幅相,話以後就唔會驚,變態。

  5. 原本阿蟲不是阿四的朋友.

    識多個好朋友都係好事.

  6. siugub

    最難交帶真係點話比小c知毛毛虫去了邊.

    毛毛虫不是最令人尖叫, 我最近買來的有機西蘭花, 是幾十隻不知名灰白色虫仔的家, 我捉下一隻捉下一隻, 最後毛管動到要成棵放棄, 女兒的粥仔只剩返西蘭花的"樹幹". 搞到成個幾星期, 見到西蘭花都速逃, 唔敢再買@@

    另, 最近睇了另一個blog, 寫媽咪收養了一隻毛毛虫帶了返屋企, 仲同佢起間屋住, 又在公園收集不同的葉給毛毛虫吃, 然後和兒子一起觀察毛毛虫變成蝴蝶再高飛遠去. 看著覺得很有意思, 不過自問如果比我, 就一萬個唔好搞啦 :p

  7. 同意苦爸爸, 阿四妳講故事很動聽啊!

  8. 嗱,你想點先?

    哈哈,手裡的mouse也大笑。陰功,毛毛蟲。

  9. 死﹗我洗西蘭花好求其的,可能吃了不少補品也不知。哈﹗

  10. amy

    我洗西蘭花也是好求其的…

    小C有再追問毛蟲的下落嗎?

    想起小時候我也自己捉過蟻來養,放在tic tac糖盒內,在媽媽不知情下。

  11. 通告: 唔係呀,隻嘢未死呀 « 媽媽阿四

  12. Unforgettable

    如果趁出街時,帶埋毛蟲去放生,會否仲簡單D?要記住佢,又要想好故事,都好繁複啊。母愛真偉大。

  13. 睇完之後,覺得阿媽真係好難做!
    點算好?
    有蟲,我會『毛管動』,整唔到咁多野喎!

    阿四,你見到好多螞蟻,又應該點做呢?
    我係咪做得好錯呢?

    http://zacharyhui.wordpress.com/?s=%E7%8E%A9%E8%9E%9E%E8%9F%BB

    http://zacharyhui.wordpress.com/?s=%E5%AA%BD%E5%92%AA%E8%9F%BB

  14. 通告: 十八變 « 媽媽阿四

  15. wybau

    我好少買西蘭花, 因為唔識洗, 但又好鐘意食, 究竟西蘭花應該要點洗先啱呢?

  16. 師奶不是已教你如何替毛蟲滅族嗎? ;)

  17. wybau

    係喎, 沒留心聽故事添, 灑鹽+水淹, right? 多謝師奶!

  18. CAMMY

    中學一年級時, 男同學們都去後山捉蟲, 仲分比其他女生一起養, 可以養到變蝴蝶, 仲要一起在數學堂上放蝴蝶, 女同學要扮驚(我們一早已閂窗門), 又尖叫, 但又唔比老師打牠們, 想起都好笑

    但現在, 咪攪!

    星期日15個月大的女兒發現隻不知名昆蟲, 仲捉比我睇, 嚇死我, 我立即拋咗去, 及捉女兒去洗手, 星期一晚就在家清潔消毒

  19. Cammy: 嘩你地細個好鬼馬,年輕真好 :)
    噢係嘞,點解要選數學堂?

    仲有,你阿女好勁!哈哈

  20. 通告: 有機食家 « 媽媽阿四

  21. 通告: 一厘米先生 « 媽媽阿四

  22. 通告: 毛蟲#2 | 媽媽阿四

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s