自由


(我知我知,我又來了……)

朋友這次沒帶孩子,在茶樓一坐下即醒我一鑊:「先來個XYZ啦,XYZ夠甜,孩子喜歡呀。」

第一,XYZ是甜品,而且不是馬拉糕之類,而是甜甜甜甜品,就算要點,都應該等到午餐尾聲時才上吧!?

第二:「哦我們不吃XYZ,不過,你們吃ㄚ!」「其實我都不愛吃,但我阿仔就好喜歡,孩子嘛。好,就點個讓小C試,包喜歡。」

「那就不用了,反正我們不吃,謝。」「哦~~!妳不想小C吃甜!氣,一開學呀,老師就讓她吃盡天下糖啦媽咪。」

「小C學校的茶點是水果,菜湯和全麥麵包。」「……係?……但如果乖,總會送糖啦!」

點解總會!?????????

「而且,孩子總愛甜嘛。」

我其實還未說第三個理由:小C真的不愛甜,她愛酸。

如此糖來甜去的,我把話題拉開:「妳孩子愛讀K1嗎?」「這學校好得沒話說,教得孩子個個順服聽話,說一不會話二。學校也不讓孩子偏食,如果不肯吃西芹,老師一定要你吃了一點點才罷休。」

咦,很像妳嘛。

不能跑,不能跳,說一不能話二,西芹非吃不可,糖卻可以隨意吃。我們就是活在如此自由民主世界。

12 則迴響

Filed under ,

12 responses to “自由

  1. mac

    rafael 而家差不多十七月大,當親友們朋友們聽到他還未吃過雪糕薯片薯條魚生壽司朱古力維他奶汽水益力多凍檸茶咖啡紅酒烈酒時,再聽到我們替rafael 煮食不會添加任何調味,總會瞪眼說:「唔係呀嘛!」難道現今替小朋友吃得健康一點也算是罪?

  2. 有D咁o既事, 真係幾難搞。

  3. 阿四,你個位朋友好似唔係好熟咁既!

  4. 我想人奶BB都在一開始時唔喜歡甜,因為佢地冇自出世就食慣果D加左好多好多甜味雲呢嗱味既奶粉。
    我講"一開始",因為朗朗一開始都唔鍾意甜,同小C一樣鍾意酸,但近排發覺佢開始對甜味/零食有興趣,都只怪媽咪辦事不力,有時抵唔住四大長老既挑釁,少少少少"lar"下"lar"下搞到佢都開始喜歡糖果。

    阿四你要繼續堅持呀!

  5. amy: 大罪添啦

    longlongmama: 係播,有道理播

  6. CAMMY

    唉! 睇怕我囡囡都很快會食糖果和飲汽水, 她嫲嫲那家人…………………. 唉!
    全屋大人, 但有大包大包糖果, 零食, 仲四處放, 仲白痴到有人問我囡囡(女兒剛剛14個月大)幾時可以飲益力多, 仲要在農曆新年時叫囡囡試飲汽水, 唉!我都唔知可以幫她推都幾時, 我在她們眼中可能是一個怪人, 所有凍飲, 熱氣食物, 零食糖果從少到大都唔喜歡

    她們白痴到叫我買回來的乾果子, 小紅梅, 做糖糖, & 開口埋口話帶我女兒去買糖糖
    阿四, 你真的要堅持呀!

  7. 朋友還好,最怕那是家族中人…

  8. siugub

    堅持兩歲前不給調味, 吃的全是天然食物, 盡量有機, 不吃工廠和垃圾食物, 我得到的評語係:

    1. 嘩, 洗唔洗咁嚴呀
    2. 嘩, 你個B 好"經貴"喎.

    搞到我開始不太想在人前, 告訴別人女兒平日吃什麼. 幸好找到阿四你個blog可以吐一吐.

  9. 正是。
    請吐。一起吐。
    :)

  10. 我都有類似經驗。我自己就無所謂,如果唔係太離譜(如汽水薯條炸魚蛋)我都會照比阿囡試,咁我D親朋好友又唔會好過份,最多係 lollilop cookie 咁,當係試下law。反正返到屋企又冇,佢都會照食我D白烚菜蒸魚通粉 la.
    好似睇電視,阿囡上次去旅行睇左好多 cartoon network,搭飛機又睇係酒店又睇 . . . 好彩佢唔知原來屋企都有 lee 個 channel.

  11. 通告: 誠徵 - 理想幼稚園 « 3+2 貓生活

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s