當小臉貼上價錢牌


久不久我都會看看,各位是怎麼樣摸過來。

開張以來,有共863人次以搜尋「媽媽阿四」、「妈妈阿四」、「阿四媽媽」、「媽媽亞四」或"mama4″找上門,即是平均每天都有一至兩人在慕名找我,哈哈,夠我虛榮多863天了。

以「拍痰杯」並「拍痰」等找上來的識貨之人源源不絕,好明顯,我要慎重考慮開始向愛兒健牌徵收廣告費。

最叫人喜出望外的,還是那些找「閃卡」、找「法國女人」、找「舊情人」、找「聖保羅」、找「全智賢」與阿四結緣之士。讓大家失望了,我絕不介意你去唱衰。

那天在書局見有母親把孩子的照片出書,一大本沒多少個字,用兩個孩子的天真幸福滿瀉一冊。香港開阜以來只有九人搜尋過「阿四+小c 」,很好很好,小C始終保持她的低調,未變童星,(更未搶過媽媽的風頭哈哈哈)--我真不願意陌生人出幾十元把小C的寫真集帶回家。

不要誤會,我其實總嫌看不夠藍藍方芳悠悠必必行行靖愷米B女臻臻朗朗一一蕎寶寶公主肥肥天天馮哥哥馮弟弟昕霖翹少的可愛臉蛋,但就是受不了孩子變成商品的一刻。

Oops, 我又得罪人了。

31 則迴響

Filed under , ,

31 responses to “當小臉貼上價錢牌

  1. 我是在開wordpress blog時發現你day day top blog top post。

    虛榮的都是媽媽們,我認架,但我同時相信: 沒有當母親,就沒有了給自己如重生的機會。我"重生"了兩次,益發受不了自己的自不圓其說,或七重標準….哎愈整愈衰…

  2. 嘩,有朗朗份,多謝賞面!
    我係由bk摸到黎既,第一篇係"種一棵愛",給那溫馨的一篇吸引了…
    另外,多謝光臨寒blog,終於攞到你既"簽名"!

  3. 我來自首.
    我係preg時上bk學野見到 “自製芝士", 被 “需時: 爸爸的一覺" 吸引來的. 後來肚子一路大. 一路跟你去做spa, 去洗爸爸的白裇衫, 去還原那張變了做換片枱的梳妝枱…..當時諗: 真係咁誇張?

  4. 呀… 當初我係點黎架呢… 一定係我同偶像本身就心有靈犀!

  5. >受不了孩子變成商品的一刻

    嘩!你講左我唔敢講出口果句。不過那本書能加印及出第二集,可見香港又有不少人喜歡消費別人的幸福。

  6. 我第一次來是由bk走過來。
    第二次是在自家web看見你的留言, 居然異地(web)相逢, 當然再進來。
    有空看看我家小boo的寫真:
    http://picasaweb.google.com/kanris

  7. 嘩公主都有份, 好開心呀!我第一次都係响bk有人介紹過來,都唔記得係睇邊一篇嘞, 總之睇完一篇就開始睇番之前果D, 又開始一日一日追, 都有介紹其他媽媽, 個個睇完都覺得正囉! 我仲記得第一次見到你留言, 我好似細路女個時, 攞到偶像簽名咁, 開心咗幾日呀! 至於照片, 因為個blog最初o既用途係比親朋好友知道我地小公主o既近況, 所以照片同video就唔少得呢!

  8. MAMA

    我都係bk帶來的,去年呢個時候開始睇,一年lu….

  9. 我是循BK母乳版你的留言摸上門的…奶媽的BLOG,我最愛看,特別是阿四,發人深醒,充滿共鳴!

  10. 米搞

    咦,我可能係呢度既讀者中唯一冇咩上BK既人...

    睇泥我要勤力啲去BK囉

  11. MAMA

    咁四四要不要慎重考慮開始向bk繳交廣告費呀! ^o^

  12. 阿! 好伤心呢,榜上未有一一的份儿,虽然我也知近来很懒,未有时时update 他的blog。 我吾制呀!!

  13. amy

    我也是從BK摸上門的, 也在BK認識了不少志同道合的媽媽, 如nikita, takumi媽媽。

    你說的那個幸福滿瀉的blog我也有看, 商品化下的感覺總有點不對勁, 不過從留言看到有些少男少女說那一家四口的故事給他們帶來希望, 或許也未嘗不是件好事。

    從電腦雜誌上看到這篇, 我想這世界就是真的需要這樣的真人show? http://tech.azuremedia.net/2008/03/31/134

    雖然如果阿四出書我一定會買,不過還是贊成你保持低調。我相信小C說的--她的45度角不僅最上鏡, 也為大家帶來更多空間。

  14. Dinomine

    我都是在bk走過來的,當時囡囡人仔細細,一點點希望從小c裡窺看囡囡的將來,幻想第時囡囡影証件相,去poo poo可以變成大家的重要事項,有時看到心裡甜笑,呵呵呵.

  15. eho

    congrats mama4!! we will continue to support you by keep hitting the reload button!!

  16. 思思阿媽

    阿4媽, 小心比人地d fans 炸你blog 呀 …

  17. 臻臻都上榜!好野!好似被老師點名讚一樣!好開心呀!
    我都係成日係啲 top blog ,top post , fast growing blog見到你,就入黎睇!我都唔洗記你條link,次次都見到你個名,一click就到!好方便!
    仲有,你第一次係我到留言時,真係無諗過,好似個大明星黎探我咁呀!受寵若驚呀!
    其實,你係書局見到個本書,個媽咪個blog好多人睇咕喎!講真,我都唔知點解!

  18. 弊!! 十万个对不起!! 原来我看漏眼啦!! 一一榜上原来也有名,呵呵呵!!对吾住对吾住对吾住呀!!阿四你大人有大量,不要见怪哦!!

    能在阿四blog内榜上有名,好像被颁了嘉许状,简直开心过中六合彩, 嘻嘻!!very honoured indeed!! 好野!!!

    我今晚一定睡不着。。。。。哈哈

  19. 多謝你喜歡看蕎寶寶的臉呀:)。
    佢再大個d 都唔會post個樣出黎架啦,對網絡虛擬世界都係要有d 戒心好。

  20. can

    每個媽媽對自家出品總覺得自豪, 希望更多人會欣賞(我承認我是其中一個), 這是可以理解的.

    不過, 一般來說, 把人/物 ‘商品化’的最終目的是賺錢, 但我相信這位媽媽的目的並非金錢, 因此也不算是把孩子商品化, 只是另一個自豪媽媽罷了.

  21. 我嘛,我最差勁—我是見過阿四後才成為常客的
    是,我知各位媽媽妒忌死我了=)
    阿四真人鬼靈精一樣,見一次就愛上,從此不能自拔

    還有,在這篇文章裏留言的媽媽令我覺得好溫暖,我發誓,我一定要儘快成為師奶一員!!!

    (阿四,快為我祈禱啊)

  22. 看了這麼久 , 終於為了這篇留言 .. 真的有點不好意思 :p
    對於樓上有位 思思阿媽 的留言 ,
    說人家fans會來炸blog , 我相信是戲言吧 ….
    因為我都是那媽媽的fans之一呢 !
    正面有正面的欣賞 , 側面有側面的暇想 ,
    各取所需 ,
    就像 can 說的 「只是另一個自豪媽媽罷了」:)

  23. 我好落後,請問什麼是 BK ?

  24. 各位的第一次,正如leona準師奶所說,看得我好溫暖。

    eho: 怪不得這兩天銷路急升!

    思思阿媽: hahahhaa謝謝提醒!!!! 我經常得罪人多,如果到今時今日還在看的,應該都很有理智! ;)

    lousyma: 咦你只得七重標準?真是模範媽媽!!  ;)

    michelle: bk 是 baby-kingdom網站,嘩,講開又講,很久沒上bk了,更很久沒看育嬰書!原來我這麼快已經是個veteran mom!?

  25. 藍mama

    嘩!排頭位!

  26. 近來公事私事忙得要命. 阿四的blog 係天天開工前的提神. 謝!
    因我懶到自己blog都無理. 回家後像c 豬般

    btw. 真係有人好想好想好想小朋友成為商品. 我都認識不少bk mami 會參加所有大大小小比賽 (最可愛bb/ 最精靈bb/ 廣告casting….) 原因… 是想小朋友有個回憶. 我不明幾個月大bb有咩回憶.

    最勁係有人係blog 度叫大家天天去投佢阿女一票….

    sorry! 怨氣好重 ><

  27. 嘩!!! 肥肥都榜上有名呀! 謝謝阿四!!! ^O^

    其實每個人寫BLOG, 都會有自己的原因. 但到最後, 我也不希望小女的臉上有價錢牌…

  28. 其實,我都會做野蠻九龍女所講既野,因為,我又真係想留個回憶俾個仔!Turn out出黎係咪成為商品,又未必係我渴望既野!
    個本好多相既書,會有人鍾意睇,只不過我無乜興趣睇啫!

  29. wybau

    我都係晌BK走過來的, 從此走不出阿四的五指山了.

    同意阿can所講, 出書可能只是想多些人跟她分享自己的喜悅, 若果出書 只作私人真藏或送給懂欣賞的朋友, 既不成為商品又可作留念, 感覺會否好一點? 但不作銷售, 又有幾多人有能力自資出版呢?

  30. 我自首,出書blog同叫人投票blog我都日日睇。
    我地呢D未做到人地亞媽又恨有BB的,真係止到咳架大佬。所以我沒有深究甚麼,只是在消費人家的幸福。
    朋友,幸福真的不是必然的,借住D嚟洗先都得瓜﹖
    我好似係係lousyma度找上門的,食得藥多唔記得嘢…

  31. 大寶: 哈哈哈得得得,mud都得。你的直率真夠可愛頂癮!!  :)

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s