聖保羅阿媽


大半年前,阿四帶小C到playgroup試堂時曾巧遇過一位媽媽,實為阿四提供了不少創作靈感。

此媽媽的女兒比小C年長一歲,乖巧聰穎,以聖保羅男女為處世宗旨,雖千萬人吾往矣。

在聖保羅媽媽的世界裏,當然每個人都要入聖保羅!她見小C十六個月大都未會說完整句子,實在可憐,如果當真要入聖保羅,真是遙遙無期!於是,在跟阿四萍水相逢之90分鐘內,聖保羅媽媽不停為阿四提供教女良方報聖保羅貼士並各playgroup價格情報。

當時阿四(C)事忙,一直未有為此事落筆,實在辜負人家一番循循善誘。

緣份的事很難說,你看,今天我們又在街上相遇。

事隔大半年,聖保羅媽媽已然成功踏出聖保羅血路第一步,入了聖保羅……堂幼稚園。哦sorry,我是說,聖保羅媽媽個女入了聖保羅堂幼稚園。

聖保羅媽媽問,小C除playgroup外有其他課外活動嗎?

好了好了,在此我要自首。

你知道嗎?1週有7天,7天就有70個生番小時,減去每周兩次playgroup就是67小時。

係67!

67個"Read the book!  Read the book!!!!!"小時喎!係67個喎!如果--如果可以用錢幹掉其中兩個小時,而我軟弱上釣的話,這,也不會太過份吧?

充滿罪咎感的媽媽,即如我,當然覺得這是死罪。這年頭,越來越多人說,孩子應該好好去玩,是自由地玩,沒有任何指導地玩。

最好,還要在曬死淋死的戶外,而不是上甚麼課甚麼堂甚麼組。

「哦,小C都係去吓Kindermusik果啲囉,亞吓啲時間囉……呀呀……呀係嘞,妳個女而家都冇時間玩呢啲啦呵。」

「佢學英文囉。老師上門,500蚊一個鐘呀陰功。」

與君一席話,果然仍然勝周圍格價十年呀。

「仲有私人補國語呢。」

嘩。

「仲有法文堂呢。」

嘩。

「仲要去曾雪麗道學芭蕾舞呢。」

喂唔係噃,聖保羅除了音樂,還是音樂喎。我終於叻番次。

當日妳忘了小C只有十六個月大,我想,今天妳也忘了女兒剛滿三歲?

嘩,這篇聖保羅前聖保羅後的,人家google聖保羅時我一定排好前啦,哈哈今回hit rate人流實冇死!

咦係喎,米講笑:聖保羅男女聖保羅男女聖保羅男女聖保羅男女聖保羅男女,聖保羅男女聖保羅男女聖保羅男女聖保羅男女,聖保羅男女聖保羅男女聖保羅男女,聖保羅男女聖保羅男女聖保羅男女聖保羅男女,聖保羅男女聖保羅男女聖保羅男女

more more: 從聖保羅爬爬爬到史丹福

34 則迴響

Filed under

34 responses to “聖保羅阿媽

  1. Cat

    St. Paul’s Co-ed is a good target. The highest admission rate is from Braemar hill Kinder though.
    Danse a lili is quite gd. my girl likes it a lot, worth trying (free trial class wkday am), try Ms Jane.

  2. 你出個咁既TOPIC,今回HIT RATE緊係冇死啦!呢,引埋我留言添.

    我就話,如果他日我個仔入到聖保羅男女,就真係冇死喇!

  3. I hv met some ppl from sp co-ed, they are quite smart, and more importantly, they are nice.

    It will be good if little C can get into it!

    But dun push too hard~~~ she is just a little little girl.

  4. 近幾個星期同阿仔去面試n1已經心力交瘁. 諗緊出年同樣時候去in k1已經想死. 幾年之後又話去in 小一….. 究竟依家發生咩事; 香港真係扭曲哂. 當年當年我地咩咩咩. 隔離屋師奶個仔又咩咩咩. 哎呀! 我都係曉係度埋怨. 到時到候一樣去排隊in. 無骨氣!

  5. 咦,唔通我表達能力真係咁差。。。?

  6. 现时很多人都说,in KI 或小一要预备什么什么porfolio 等等,所以小小人儿便要上什么什么班,课外活动,以求CV/resume 好看, 可以提升入到父母心仪学校的机会。我最初听到时也打了一个大突,吓?!几岁人仔要做CV?? 家阵到底是做孩子的累,还是做妈妈的累呢?

    我什么都不想做,一来懒, 二来大了一定会有排挨,不如让一一快乐的过童年,是否会令他不能入学读书嫁?好惨哦!看来我也要像9 龙女一样,为了要做一个合格的妈妈,不可以有骨气,要为香港学制而折腰。。。。呜呜。。。

    btw, 等我又帮下你:聖保羅男女聖保羅男女聖保羅男女聖保羅男女聖保羅男女,聖保羅男女聖保羅男女聖保羅男女聖保羅男女,聖保羅男女聖保羅男女聖保羅男女,聖保羅男女聖保羅男女聖保羅男女聖保羅男女,聖保羅男女聖保羅男女聖保羅男女

  7. 阿四,請教一下:你出身聖保羅男女嗎?

    咪就係囉。🙂

    阿四你還不是同樣幸福快樂聰明滿足?

    如果我是小C,我不要St. Paul Co-Ed.
    請給我最快樂的童年。以後的路,我自會打算。

  8. mygreenthrumb

    阿四,我主張free play, 小朋友可以無憂無慮玩個痛快、睇自己喜歡的圖書,死讀同一本書, 媽媽都同佢死讀同一本書,只要大家開心就得。
    一直以來睇你網誌,我真係覺得小c 是難得玩個痛快的小朋友啊
    入學、考試、成績、獎項……條戰線唔需要set 得咁早吧?

    我覺得pre-school階段, 孩子喜歡閱讀,又對周圍事物好奇, 媽媽在此幫他們一把, 不是很足夠嗎?

    至於聖保羅, 隻腳入左去, 你除非不跟家長們接觸, 否則, 你會訝異孩子們的時間表點解咁full

    係呢,點解唔俾小c 學芭蕾舞? 其實, 跳芭蕾舞真係幾開心, 我覺得小c 會鍾意自己變得咁lady 囉!!!呵呵

  9. 媽of小B咪

    嘩! 正吖! St. Paul Co-Ed 喎! 我想小B咪入呀!!!!! 我又想佢入女拔, 我都想佢入St. Stephen’s Girl……不過冇野比有一個快樂童年緊要!!!!!!

    好多人話細路係一張白紙, 可以塞好多野比佢, 講得啱, 但係做家長o既可以塞佢塞幾耐?! 如果佢對果樣野根本冇興趣, 到左反叛年齡, 佢一定反你枱, 最重要o既係小朋友有自發性去學習, 所有成功例子都係要有自發性而唔係比家長推住行。

    我自己一向建議身同感受, 如果你比佢星期一去學日文, 星期二學法文, 星期三學樂理, 星期四去操水, 星期五去學圍棋, 你可以自已先去試下, 如果自己都覺得難頂, 咁d仔女點會覺得enjoy?

    香港家長醒未呀?!!!!!!

  10. wybau

    “孩子應該好好去玩,是自由地玩,沒有任何指導地玩" 我都係buy呢套, 不過一定要佢chum埋我玩, 至於讀書, 有天賦既咪讀一間程度深d, 否則讀一間普通程度, 總之要讀得開開心心.

    BTW, 我個囡現在二十個月大都仲只係識講疊詞, 不過我仲好enjoy同佢玩猜謎遊戲喎.

  11. Cat

    Ok, I read again and now understand what you mean. Well, that’s the whole preparation of getting a kid into a good school. Inside the school, although there is much study pressure, the atmosphere is actually quite good and children there are happy kids.

    As parents, I think we should help the children get into a good school. Attending all courses may not be the only way, just a good way to let the kids learn more at the early age. I reckon we should seek a balance on how far we push this.

  12. 藍mama

    我覺得小c係個very very happy girl(亦都agile,sturdy 同strong), 我想跟媽媽阿四偷師!

  13. Jenny

    Ah 4 I think you’re being very very cheeky here! 🙂 when can I see Siu C by the way I am back lah….

  14. yanyanyanyanyan

    絕對支持「小孩子應該好好去玩,是自由地玩,沒有任何指導地玩。」~
    如果唔係,佢o地會無o左童年o家啦~

  15. Amber Ma

    係囉, 如果我家amber 都好似小c咁, 咁細個可以同爸媽周圍去玩, 開開心心咪幾好囉. 攪咁多野, 大人又辛苦, 細路又辛苦. 我都係希望帶多d amber 去遊山玩水, 呢d日子唔係好多嫁咋.

  16. hhahah~ 真係笑死我依個冇保羅媽媽!!! 小孩子, 最緊要開開心心咁成長吧! 幸好肥肥身處鄉下地方, 不要說聖保羅, 就連搵個籮都冇 ~ 小肥肥咪又一樣一日到黑"媽媽車車掟抱抱!"咁過! 家長們, 唔好咁緊張啦…咁緊張, 小朋友好大壓力ga!

  17. BA Mama

    玩, 玩, 玩……yeah, yeah, yeah!

    我同老公都主張小朋友從遊戲中學習, 上playgroup從無壓力, 看書也從無要求他要怎樣看, 看到什麼便說什麼, 所以我們寧願住大西北, 但家有花園, 也不願住半山積木屋. 當然, 我也不是說讀書不重要, 好的學校不重要, 但他們年紀還少, 多玩一兩年總可以吧!

  18. Miss Chan Chan

    Alumni 有無分加?
    阿四你有無入會?

  19. 恭喜阿四成為綱上blog媽媽的聖保羅代表!哈!哈!哈哈!

  20. Cat, mygreenthrumb: 我都心思思想第時俾小C學下芭蕾舞,但最大原因係:想睇佢着芭蕾舞裙哈哈哈!!謝謝你的介紹!
    And as for Braemar Hill, oh don’t get me started on it… =P

    longlongmama:你留多D言啦

    Justin:我自覺在不寸人時,亦都可以算是nice😉

    9龍女 + 11mama: 搵次等我地一齊攬埋喊餐飽先!

    Leona:
    "以後的路,我自會打算" -- Yes Ma’am!!! 🙂
    哎呀弊,你係咪開始鄙視我。。。

    mygreenthrumb: 如果小C真係變得lady,開心果個會係我

    媽of小B咪:歡迎你!哈哈好個"身同感受"法!!Gimme 5!

    wybau:好個"enjoy"!不懂享受的人,上了太空都不會快樂

    藍mama:偷師?咪玩我啦,我成日靜雞雞偷你D橋就真啦

    Jenny: yes let’s get together some time 🙂

    yanx4 : 歡迎你!係呀,冇童年的一代呀

    Amber Ma: 係呀,佢地大得太快啦

    milkycandy:肥肥有個很好的媽媽哦  :)

    BA Mama: 好個"積木屋"!!!!!!花園?邊個准你喺道講花園!!??想羨慕死我!!

    Miss Chan Chan: 好野你終於又出現番啦!!

    莫太:o采!

  21. 通告: 從聖保羅爬爬爬到史丹福 « 媽媽阿四

  22. 點呀,點會鄙視你呀,好媽咪!
    我不知幾羨慕小C呀我。
    :)

  23. 哈哈哈,又笑到翻艇。

    結尾呢招絕呀,下次我寫乜好呢﹗

  24. BA Mama

    哈哈! 小小花園+屋的樓價, 也買不到半間半山積木屋啦! 駛鬼羡慕咩!

    鹹魚白菜還是魚翅鮑魚, 各有所好, 最緊要開心滿足!

  25. BA Mama,
    小媽媽家在離島, 就是小小花園+爛鬼村屋. 所以, 小小花園+屋的樓價, 是付擔得起的. 當然, 你要接受萬般不方便的事實la ~ (所以我說, 連搵個籮都冇! hahah!!!)

  26. mygreenthrumb

    阿四,其實,小人仔穿上條芭蕾舞裙仔,最開心的是家長! 哎呀,你見佢地兩條節瓜仔「裝模作樣」踮起腳仔, 簡直想咬佢!!!!!!!!!!!!!!!!!!

  27. BA Mama

    milkcandy,

    我絕對明白及感受到要萬般不便之苦, 不過情況還不算太差, 因為屋苑仲有個小小的商場同街市, 一般生活不成問題. 最近仲比我發現商場內的wine shop 有挪威的煙三文魚賣, 開心死我了!

  28. readandeat : 又要謀我D屎橋?

    BA Mama & mikycandy: 羨慕下你地避世果份決心都得啩

    mygreenthrumb : 係呀我而家都已經好想咬佢

  29. 阿四:

    醒少少屎畀我都得啩。橫掂你有咁多。呵呵﹗

  30. 通告: 馬太留言 « 媽媽阿四

  31. 通告: Early ripe, early rot at My Life as Open Source

  32. amo

    唔係日日過嚟,睇漏咗呢篇添。

    我呢頭有間補習社,幾個月前賣廣告,標榜80%以上導師係St. Paul co-ed畢業生…

    咁樣操法,其實啲名校只會收到啲早熟同聽話"口既"學生。創意同學習熱誠,喺個細路未入學,就畀家長扼殺晒。

  33. agnes

    絕對支持「小孩子應該好好去玩,是自由地玩,沒有任何指導地玩。」~
    但又見過小朋友係自由地玩, 毫無目地地玩 (好像冇乜想像力), 喜愛看電視, 不喜愛看書, 我又有點怕. 我想許多父母沒有空, 又沒有能力上PLAYGROUP, 都是自由地玩,沒有任何指導地玩, 他們真得快樂?

  34. 通告: 我家二少肥C大隻 « 媽媽阿四

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s