學庫六格書架


媽媽:幾時幫阿女砌書架?

爹爹:個電動螺絲批都未充電!

媽媽:幾時幫阿女砌書架?

爹爹:夜喇……

。 

媽媽:幾時幫阿女砌書架?

爹爹:我有時差我累,哎呀哎呀,妳看妳看,我快睡著了……我 睡 著 了。

。 

幾時幫阿女砌書架?不如阿女阿媽自己砌。

自從大三那年拆資當時認定是巨額的100元美金,從宜家托了套白色書桌連書架回去砌Lego,我再也沒動過手。

有一種人有癖好猜小孩的年齡,而且從來都猜錯。可以肯定,他們未曾來過敝blog;我話你知,在街上碰見舊朋友拉着孩子,若要測量此人當了媽媽多久,最佳的方法就是別猜,拒絕猜。就算要猜,阿四Fan Club的fans也絕不會根據孩子的高度瞎猜,然後猜錯被阿四這類小器媽媽嬲咗你blacklist你。我之前已介紹過黑手黨測量法,今天再來一個進深法,是為「妳會在孩子面前砌傢俬嗎?」基準試。心法如下:

如果她答哈哈不見好久你仍是如此幽默,你即管放膽猜1歲;

答想找死哦,你猜歲半兼問「剛打完痲疹針燒得還可以嗎」為自己加分;

答我把他綁在highchair上看我砌,你猜1歲9個月;

她答上星期他幫我上螺絲,你見她已百毒不侵,你答咦,孩子自己上幼兒園還有哭嗎;

她離題答,我傢俬都爛了,你不要答腔,以手搭搭她肩膀,說聲辛苦妳了就算。但說完切記立刻設法離開現場,慎防她開始萌起「喂你明天下午有空幫忙看孩子嗎」的歪念。

bookcase-dscn9573.jpg

和媽媽一樣,小C挺愛砌Lego,認為這場遊戲分明急需她的參與,急需她摸每一塊木板,急需她跟每一樣零件say hi。

「小C,眼看手勿動!」

老師讚這孩子很會follow instructions,嗱老師果然有眼光,你看,兩隻小手在屁股上面收得緊緊,一個鼻子,也以一毫米距離緊緊地貼在媽媽要用的那個螺絲洞上,眼看手勿動。

半路突然想起小朋友有本書很管用,嗱嗱聲搬出來活動教學,書本問:「爹爹的螺絲批在哪兒?」爹爹的螺絲批,在媽媽的手上。那本書,叫Daddy and Me

bookcase-dscn9581.jpg bookcase-dscn9591.jpg

扭了還不到第二顆螺絲,我已然發現,爹爹是何等的有見地啊!未充電的螺絲批,是何等的難用刮手啊!

虎視眈眈的生番待在一旁,等不到工序完成一半,已經搶先示範書架的真正用途;其中打直當樓梯爬的一項,被我腰斬了。

   引體上升              捐山窿

bookcase-dscn9594.jpg bookcase-dscn9598.jpg

一小時後,小朋友為完成作品題了首辭,反覆唸着唸着,大意是說「小C砌了個書架」云云。請她把書從膠盒正式搬家,開心到不得了,但最興奮還是多了兩隻空盒,當然一於玩得唔好嘥。

bookcase-dscn9610.jpg bookcase-dscn9608.jpg

今天寫得囉囉嗦嗦不知所云(亦即如每天),都怪那雙主婦竇木手又「鞋」又疼,很難再打出甚麼好東西。

bookcase-dscn9612.jpg bookcase-dscn9637.jpg

(小C2歲1個月)

15 則迴響

Filed under 爹爹, 阿四, , 小C

15 responses to “學庫六格書架

  1. abby

    一個字:堅!
    我麻麻地喜歡砌0野,我有朋友十分沉迷樂此不疲。
    不過,上次自己搬出去住,就曾經砌過好多柜,當然無電動螺絲批啦! 手都損晒甩皮流血 , 最後 , 發覺係砌錯囉 , 那一刻 , 真係有世界末日的感覺。

  2. 我睇咗你個blog一排la,
    見你個書架咁靚, 想問你係咪宜家出品,
    我都想買個裝起小姐d書!!

  3. 小C和阿四一起砌書櫃,又開心又好玩!

  4. 最喜歡白色書架, 好好看! 媽媽阿四你辛苦哂!
    小葵我個個月不停買書, 可以不吃可以不穿可以不玩但不能放棄買書和看書! 搞到書愈來愈多地方愈來愈少!
    媽媽阿四有沒有看過龍應台的「孩子你慢慢來」? 推介你看, 很好看呢!^^

  5. yourenzhai

    媽媽阿四 – hello hello, have been reading your blog since 小C was 1 year old. She is so cute!

    I think 小C爹 did this on purpose – so 小C can have lots of fun while helping out! (I’m a guy so I’ll have to support 小C爹!)

  6. 你好勇, 竟然在小C面前砌傢俬, 不過小C都好聼話喎, 真係眼看手勿動! 我地小公主就未可以控制到佢既好奇心同慾望…..不過全世界既爹爹都有同樣既特質!

  7. 真攞命﹗我未砌過傢俬呀﹗使乜我動手,呵呵。

  8. 好好笑呀,最開心係小C,新玩意喔。

    我平時都鍾意自已砌書枱,書架呀咁,好有滿足感(但通常最後會發現砌錯咗,或者歪咗,好慘)。

    個書架好靚,你竟然可以一面睇住小C一面完成佢,勁!

  9. 上週末我叫baba幫正正砌套table set. 結果等左一個下午,佢訓左 …. z z z 結果我地兩母子拿著六角鑰同說明書,“玩”左大半個鐘。不過,論難度當然比不上個書架。阿四同小C, 你地好堅呀!
    個書架好正呀,借問係邊度出品?

  10. 書架是宜家出品,三百零蚊,最正係冇尖角,兒童部有售。

    abby: 係呀係呀我係堅架。哈哈其實我之後都用多左半個鐘"mung"番D釘錯的釘出黎… =P

    Wing Ma:好歡迎你呀!希望詠詠中意個書架! :)

    Leona: 冇錯,*小C*真係覺得好好玩。亦玩死我。

    葵姐姐:多謝你的推介!我要買來睇!我急需學習接受叫孩子慢慢來哦

    yourenzhai : 歡迎你! 不過你係咪爹爹派來的奸細…?

    Hellosandy: 係囉,真係天下爹爹一樣……

    readandeat: 喺我地頭道晒命!!?

    三葉: 其實我生(佢)前都OK中意砌架,而家得番半條人命就。。。
    係呀,我好勁架我

    robomama: baba招借睡遁好掂喎

  11. 一一妈妈

    呢局话 “幾時幫阿女砌書架?不如阿女阿媽自己砌”简直身同心同感受!我现在是 “幾時等爸爸砌/幫手砌?不如阿媽自己砌砌砌”。很多时候发现当了妈妈后小宇宙潜能就是这样的迫了出来。

  12. Palladium

    何止在大三,100元美金仍是巨額:

    在柬埔寨,HKD1200 可讓支助一位小朋友一年的上學費用:
    http://www.icc-concern.org/forms/SAP1.pdf

    在緬甸:
    一個普通校長的一個月收入才不過USD30 (USD1/日),但一部大陸生產的猪籠車卻要~USD12000- (>33年不吃不喝!)

  13. Bee

    tell 小C, “your mom well done!"

  14. Palladium

    話時話,膠盒中小C仰後望的角度,驟眼看真係好似個 5 、6 歲的小朋友,我都好唔捨得小C大得咁快…

    個書架好似細咗D,定一或可以駁上駁圍着牆邊連起來?

  15. 通告: 學庫五膠盒 « 媽媽阿四

發表迴響

在下方填入你的資料或按右方圖示以社群網站登入:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s