Daily Archives: 十二月 9, 2011

媽媽在企缸裡砍頭埋牆，好傷。 貼門守候之fan屎見狀乘機怪叫：You ok? You ok? 媽媽要band-aid? Band-aid? 係咪要band-aid? 係咪？？ 「我ok ok, 不了不了。」嗱你千祈米借啲意踢門入厘呀吓！ ！ 有人咚咚咚咚走開，大鑊，媽媽以光速沖頭。 未幾有人咚咚咚咚帶回膠布一塊，打橫蓋着雙眼笑：「呢個係咪band-aid? 係咪？係咪？」哎唷何止係，還要好啱尺碼。 「謝謝，但媽媽沒流血啊。」媽媽以超光速沖身，但鐵石心腸開始一滴一滴溶化。 「冇流血？媽媽痛？媽媽痛？要嗏arn-ca？」 細路，你不是知道arnica藥膏在哪裡吧？ 細路咚咚走又咚咚回，奉上arn-ca乙支，貼於企缸門外討好地，焦急地，小狗搖搖搖尾地。 這arnica藥膏比美雲南白藥，能醫百病，散瘀尤佳，身心都治。 媽媽終於一身泡推門而出自投羅網，從小手接過安慰，擠出塗於患處，又再應哀求，塗於小頭昨天和前天並上星期之所有患處。 今天十三度，一陣風吹來一身泡，居然有兩秒不覺太冷。