Daily Archives: 三月 22, 2010
炒雜碎
三件事。 一、有人見阿女抹地，想小女子獻醜過兩招。 好我就唔怕醜過你一招，簡單到暈，曰，煮到埋厘就要食。嗱，只要家裡冇乜遮，就要全民皆兵係咁上下。 再一招，曰，conservation of mama’s energy。嗱細路，媽媽得一個，家陣妳想媽媽做做做做做做做呢，還是想媽媽做做做做做然後有少少時間陪妳玩呢？我們互相幫助啊。 。 二、俗語有云，寫得blog來就回不了留言，回得留言來就寫不了blog抹不了地一年剪不了髮。故此blog由此秒鐘起，實施彈性回留言制，或曰，conservation of Ah4′s energy。留言將會以每週一至兩次的頻率回覆，並每天廿次之頻率查看。對，世事往往就是不公平。^_^ 。 三、有朋友當年蜜月，於巴黎盛夏某酒店房間內，一時按捺不住，突然拋下新夫就往樓下櫃面衝－－－－－－回來時借來剪刀一把，一揮！嘩，短左成30%呀，她綁起之長髮。 佢話，爽！那年巴黎不知幾熱呀。 我極需於極短期內將50%之頭髮幹掉。 ＿＿＿＿＿＿＿＿＿＿＿＿＿＿＿＿＿＿＿＿＿＿＿＿ 咦，下面仲有嘢睇喎。
護花
媽媽三催四請威逼利誘動之以情說之以理，家姐替細佬抹地。 媽媽：「細佬，家姐常常幫你，你長大後好大力，會保護家姐，是麼？」 家姐：「對呀，男仔要保護女仔，因為男仔很強壯。」
家姐務助理
晚飯後－－ 家姐將髒碗碟放好 家姐抹地 家姐抹檯 家姐抹細佬那好恐怖的檯 細佬抹細佬那好恐怖的檯 家姐換睡衣 家姐準備明早的校服 家姐準備明天洗澡後的衣服 家姐拔掉細佬那好恐怖的褲 家姐拔掉細佬那好恐怖的片 家姐用水喉沖細佬那好恐怖的pet pet 家姐跟洗白白後的光脫脫細佬爭嘢 家姐給媽媽拿Weleda屁股膏 家姐扭開Weleda屁股膏 家姐關好Weleda屁股膏 家姐將細佬髒毛巾放洗衣籃－－放左面那個right hand side吖嘛媽媽我知 家姐拿硬皮書在床上將細佬聲東擊西 家姐將細佬的細佬腳捉得實一實不會跌 家姐跟細佬爭書爭冷氣搖控爭餐飽－－你不可以玩搖控器媽媽他玩搖控器呀 家姐晚禱說阿門細佬一頭樁落家姐個鼻 家姐晚安啊我愛妳啊等下叫妳去pee pee 媽媽I love you I love you so much see you later see you tomorrow … Continue reading
