月份彙整四月 2007
吊腳龍椅
小C個子小，一直買不到合身的枱櫈，以致一到playgroup便一屁股坐着人家的椅子不肯走。久而久之，小朋友開始就地取材，在家裏發明了一張又一張的矮櫈。 「 媽媽，chhhhh！(chair)」（*注） 「 媽媽，chhhhh！」 「 媽媽，chhhhh！」 媽媽看着孩子的窮相着實不忍，终於虛榮地給小朋友買了吊脚櫈。「 嘩，chhhhh！」 小朋友對新椅子的一見鍾情，於40秒後便告因了解自己而分開，半天吊在椅子上亂叫“hhhpp” （help）。 對着一個櫈還櫈、人還人的殘局，媽媽悔不當初。好嘞，究竟是要連同其餘十樣因了解而分開的玩具用具一起退貨，還是要讓其加入玩具柜内那二十樣「不如收埋或者遲啲佢會玩」的大家庭？ 唔…… 當起媽媽後，阿四發現自己原來除了孔武有力、鐵甲馬眼神仙肚橡皮膀胱外，原來還有潛質做木匠：將櫈脚移植給書枱，椅子不用脚，剛好讓小朋友並媽媽覺得自己脚很長，虛榮感劇增，小朋友還多了四枝武器，哈。各位請隨意讃我。 （*注：好嘞好嘞，阿四之前没錯是患了妄想症，經常扮小C説話欺騙讀者，但今次真係小朋友自己開金口喎。） ＿＿＿＿＿＿＿ 檯櫈購自Bumps to Babes
BB綁帶鞋及其惡行
一個文明社會，理應立例杜絕任何BB可愛綁帶鞋之生産；任何違例奸商，一概將之放逐至幼兒園當三年阿嬸，每天替馬騮綁鞋帶，綁足三年，大快人心。 至於以「買對等佢自己學吓綁鞋帶吖嗎」等妖言惑衆之sales，則建議以下數項社會服務令，以儆傚尤： 初犯者，判之於老師突然宣布穿鞋到室外玩時，替驚死執輸極力挣扎之馬騮綁鞋帶。 再犯者，判之雙手各執4袋，每分鐘一次在商場扶手電梯前替驚死執輸極力挣扎之馬騮綁鞋帶。 多次重犯者，判之在雨天雙手各執4袋，打着傘於泥濘間每分鐘一次替驚死執輸極力挣扎之馬騮綁鞋帶。
電視+咖啡因+牛油
阿四平日爲人死牛一便頸，但最近生活逼人，以致這天連續破戒三次，做了朱古力軟心蛋糕…… 材料 Baby Einstein Baby MacDonald DVD 1隻（違禁品一） 無糖朱古力 50克，敲碎（違禁品二） 牛油 50克（違禁品三） 雞蛋 1隻 蛋黄 1隻 糖 1/2杯 麵粉 1/6杯 （二人分量） 步驟 1）播Baby Einstein Baby MacDonald DVD 2）預熱焗爐至攝氏230度，用少許牛油塗兩隻约250毫升鐡杯内側 3）將牛油及朱古力一起隔水煮熔，叫脚旁小朋友回去看DVD 4）將蛋、蛋黄、糖打至挺身, 叫脚旁小朋友回去看DVD 5）重播Baby Einstein Baby MacDonald DVD 6）將（3）和（4）混合，再拌入麵粉，讓守候身旁之小手stir, stir, stir … Continue reading
Mr. Sock
小朋友，其實好容易滿足。 例如，千揀萬揀買様玩具，小朋友好大機會只對個包裝盒有興趣。 又例如，各 – 位 – 觀 – 衆，阿四的最新恩物：Mr. Sock – Mr. Sock講故事… （消耗小朋友時間=7分鐘：唔錯，媽媽只需填密餘下10小時零53分鐘） Mr. Sock督促小朋友收拾故事書… （消耗小朋友時間=3分鐘：不賴，媽媽只需填密餘下10小時零50分鐘） 小朋友餵Mr. Sock飲水… （消耗小朋友時間=2分鐘：好過冇，媽媽只需填密餘下10小時零48分鐘） Mr. Sock 氹小朋友刷牙… （幫媽媽慳番時間=100分鐘：無價）
毛蟲.蝎子.母愛
母愛，可以改變一切。 當小朋友7個月大… 爹爹：點解柜桶底收埋咗蝎子、蜥蜴同蚴蚓o既圖畫？（威脋要拿出） 媽媽：你你你米呀你！ 小C：點解毛蟲嗰頁開唔到？好似有人用雙面膠纸黐實咗！？（威脋要摵開） 媽媽：你你你米呀你！ 當小朋友17個月大… 媽媽：（在草地）嘩螞蟻呀小C！快啲嚟睇！（國語）馬 – 而。 媽媽：（在森林）嘩蜘蛛呀小C！快啲嚟睇！ Spi – der 媽媽：（在公園）嘩毛蟲呀小C！快啲嚟睇！仲識郁添喎…喂爹爹你仲唔快啲錄咗佢！ 爹爹：（在柜桶底）點解柜桶底收埋咗蝎子、蜥蜴同蚴蚓o既圖畫？（威脋要拿出） 媽媽：你你你米呀你！ . 母愛，可以改變一切。Almost.
黑手黨及其媽媽
要猜陌生小朋友的年齡，不要看會騙人的身高，無謂瞎猜猜錯，被阿四這類小器媽媽嬲咗你。要看，就看小朋友的一雙手。 或者plot個graph解釋一下： 一雙小手通常呈以下數類狀况： (A)戴手襪 估計年齡：0-1個月；又或至小六學生不等，一切皆視乎所受之呵護 (B)一塵不染 估計年齡：2-8個月 (C)有地板清潔劑味 估計年齡：8-13個月、在無塵、無箘、無臭地板上爬行的四脚生物 (D)有消毒纸巾味 估計年齡：10-14個月、在遊樂場上的兩脚生物，有手持消毒纸巾之姐姐阿四婆婆嫲嫲尾随 (E)全黑 估計年齡：比（D）大1星期至10年不等，其姐姐及阿四均告投降 (F)有消毒纸巾味 估計年齡：與（E）一様，只是其婆婆嫲嫲越戰越勇 (G)9隻黑手指 + 1隻白手指 估計年齡：正在出牙的（E） (H)10隻白手指 估計年齡：剛在遊樂場吃過甜筒的（E） P.S. 嘩，你竟然仲睇緊呢個死下死下嘅blog? 阿四真係好感動……OK OK…呢幾日陸續會有其他新entries架啦，米鵝我嘞。
