月份彙整二月 2007
教極都唔識
小朋友學會求生必備技能，尖叫。 小C：吖~~~~~~~~~~~~~~~~~ 媽媽：係咪要菜菜呀？ 小C：吖~~~~~~~~~~~~~~~~~ 媽媽：係咪要飯飯呀？ 小C：吖~~~~~~~~~~~~~~~~~ 媽媽：係咪要蛋蛋呀？ 小C：吖~~~~~~~~~~~~~~~~~ 媽媽：吓？水水？ 小C：（飲水） 媽媽：蝦，教咗你咁多次，咁咁咁做（做拿杯手勢）就係話俾我知要飲水吖嗎。 小C：蝦，教咗你咁多次，吖吖吖咁叫就係話俾你知要飲水吖嗎。
小C食檸檬
小C面皮算厚，算熱情。 無論於的士酒樓麥當勞電梯商店超級市場playgroup，到處皆喔喔喔地逢人搭訕，必殺技是拿垃圾送人。 那天去圖書館，小朋友一眼便看上不遠處的10嵗姐姐，立刻撇下老娘，喔喔喔地亦步亦趨又去揮手撩人。姐姐看見跟尾小狗，起初視而不見，板起臉孔繼續尋書；小狗於是幫姐姐一把，拿起圖書送上，終於逼得姐姐開金口：「唔要。」豈料小狗不離不棄，姐姐不勝其煩，遂開始和小狗展開追逐戰。 勉強冇幸福，小C亦非100%牛皮燈籠，最要命其實還是跑得不夠快，唯有眼甘甘看着姐姐走遠。 小朋友食過檸檬，上了人生寶貴一課，發誓長大後都要學姐姐那麽cool，那麽型。 書中自有黃金屋，知識改變命運呀。
Filed under 小C
